Swirilo 2:10 - BIBELE Mahungu Lamanene

¹⁰ Varhangeri va le Siyoni va tshame hansi va ku dúú! Va tichele ntshuri etinhlokweni, va tlhela va ambala swiambalo leswo khwaxa; vanhwana va le Yerusalema va korhamise tinhamu, va languta ehansi.

Xitsonga (Bibele)

¹⁰ Vakulu va nhwanyana wa Siyoni va titshamele ehansi, va timiyelela; Va ticherile tinhloko ta vona hi ntshuri, Va tibohile tinguvu leto khwaxa. Vanhwanyana va Yerusalema, va khomiwile hi tingana, va korhamele ehansi.

Swirilo 2:10 Iomraidhean Croise

2 SAMIELE 13:19

Kutani Tamari a tichela nkuma enhlokweni, a handzulela xiambalo lexo leha lexi a a xi ambarile, a tlhandleka mavoko enhlokweni, a muka a ri karhi a rila swinene.

Esaya 15:3

Etindleleni, vanhu va ambele swiambalo leswo khwaxa, van'wana va le ku rileni va khavaxela, va ri ehenhla ka tindlu ni le swivaveni.

Esaya 3:24

Ematshan'wini ya mafurha layo nun'hwela, ku ta twala ku nun'hwa ka leswo bola ntsena; va ta tikhama hi ntambhu ematshan'wini ya nkhamo; ematshan'wini ya misisi leyi lukiweke, ku ta vonaka mpandla ntsena; va ta tikhumbarheta hi masaka, ematshan'wini ya minceka leyinene; vumbhurhi bya vona byi ta hundzuka tingana.

Esaya 3:26

Etinyangweni ta wena ku to twala swirilo ni minkosi ntsena; u ta tekeriwa hinkwaswo, u sala u lo gòò!

Esaya 36:22

Kavaloko Eliyakimi n'wana Hilkiya, mufambisi wa swa le ntsindza, swin'we na Xebina matsalani, na Yowa n'wana Asafa, muhlayisi wa makanelwa, va handzulela swiambalo swa vona hi ku vaviseka, kutani va ya vikela Hezekiya leswi Rhabi-Xake a vuleke swona.

Esaya 47:1

HOSI Xikwembu xi ri: “We Babilona, muti wa Vakalediya, xika exiluvelweni xa wena, u tshama hansi eritshurini; wena la fanaka ni nhwanyana la nga si tivanaka ni wanuna, u nga ka u nga ha vuriwi ‘lowo tirhandza, wo tihlayisa’!

Esaya 47:5

HOSI Xikwembu xi ri: “Nghena exinyamini, u tshama u ku whíí, we muti wa Vakalediya, hikuva u nga ka u nga ka vuriwi nkosikazi ya matiko layo tala.

Yeremiya 8:14

Vaisraele va ri: “Ha ha tshamela yini kwala xana? A hi yeni hinkwerhu hi ya tumbela emitini ya makhokholo; hi ta fela eka yona, hikuva HOSI Xikwembu xi hi avanyisele rifu, xi hi nwisile mati ya vuxungu, hi mhaka ya leswi hi xi dyoheleke.

Swirilo 1:1

Yóò, xivundza lexi nga ni muti lowu, wona lowu khale a wu tele hi vanhu! Muti lowu a wu ri wukulu eka tinxaka hinkwato, sweswi wu hundzukile, wu fana ni noni; wona lowu a wu dumile ematikweni, namuntlha wu endliwe hlonga.

Swirilo 1:4

Magondzo lama yaka eSiyoni ma rila, hikuva ku pfumaleka ni un'we wo ta eminkhubyeni. Tinyangwa ta Yerusalema a ta ha pfhumbi, vaprista va kona va konya; vanhwana na vona va xanisiwa: Nhlomulo wa muti lowu a hi ku kula ka wona!

Swirilo 3:28

Munhu loyi Xikwembu xi n'wi rhwexeke maxangu, a a tikhome a tiyisela;

Swirilo 4:16

HOSI Xikwembu xi va hangalasile hi xoxe xi nga ha ri na mhaka na vona, vaprista va nga ha fundzhiwi, ni vakulukumba va nga ha xiximiwi.

Swirilo 4:5

Lava a va tiphina hi ku dya mafurha, sweswi va wa hi ndlala emagondzweni; lava va kurisiweke hi ku ambexiwa swivunguvungu, namuntlha va handza matala.

Swirilo 5:12

Tihosana ti boheleriwa mavoko ti hayekiwa, vakulukumba a va ha xiximiwi.

Swirilo 5:14

Vakulukumba a va ha yi ehubyeni, majaha a ma ha chayi swichaya-chayani swa wona.

Ezekiele 27:30

va tlhava mukhosi, va ku rila hi xiviti lexikulu, va tichela ritshuri etinhlokweni, va vumbuluka enkumeni;

Ezekiele 27:31

va byewula tinhloko, va ambala swa nkosi, va halata mihloti, va twa ku vava ngopfu.

Ezekiele 7:18

Va ta ambala swa nkosi, va khomiwa hi ku rhurhumela; hinkwavo va ta vonaka va ri ni tingana, va byewula tinhloko hi ku rila.

Yuwele 1:8

Rilani ku fana ni nhwana la ambaleke leswo khwaxa, a rila jaha ra yena.

Amosi 5:13

Kutani, hi nkarhi lowu wa vubihi, munhu wo tlhariha, hi loyi a miyelaka.

Amosi 8:13

“Hi siku ra kona, vanhwana lavo saseka ni majaha layo tiya, va ta wa hi torha.

Amosi 8:3

Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Yonasi 3:6

Loko mahungu lawa ma fika etindleveni ta hosi ya Ninivha, yi suka exitshan'wini xa yona, yi hluvula swiambalo swa yona swa vuhosi, yi ambala leswo khwaxa, yi tshama etaleni.

Yoxuwa 7:6

Kutani Yoxuwa ni vakulukumba va Israele va handzulela swiambalo swa vona, va ticheletela ritshuri etinhlokweni, va wela hansi hi mimombo emahlweni ka Areka ya HOSI Xikwembu, va etlela kona dyambu ri kondza ri pela.

Nhlavutelo 18:19

Kutani va ticheletela ritshuri etinhlokweni, va ri karhi va rila va ba nkosi, va huwelela va ku: “Yo! Yo! Khombo ra muti lowukulu, lowu hinkwavo lava a va ri ni tingalava elwandle va nga fumisiwa hi rifuwo ra wona: Hi nkarhinyana ntsena, wu herisiwile.