Swirilo 2:1 - BIBELE Mahungu Lamanene

¹ Yóò! Eku hlundzukeni ka yena, N'wini wa hinkwaswo ú funengetile Siyoni hi munyama. Yena loyi a nga tilweni, ú susumetele hansi ku dzuneka ka Israele. Hi siku ra ku kariha ka yena, ú fularherile muti wa Siyoni lowu khale a a tikomba eka wona.

Xitsonga (Bibele)

¹ Hosi yi funengetile ha yini hi ku kariha nhwanyana wa Siyoni? Ku kwetsima ka Israele, u ku susumetile a ri ehenhla, a ku hoxa emisaveni, Kutani hi siku ra vukari bya yena A nga tsundzukanga vunavelo bya milenge ya yena.

Swirilo 2:1 Iomraidhean Croise

2 SAMIELE 1:19

“Yo, Israele! Timburhi ta wena ti lo lákáhlá, eswitsungeni, tinhenha ti wile enyimpini!

1 TIKRONIKA 28:2

Hosi Davhida a suka a yima, kutani a ku: “Varikwerhu, n'wina vanhu va mina, ndzi yingiseni! Ndzi vile ni makungu ya ku aka yindlu leyi Areka ya Ntwanano wa HOSI Xikwembu yi nga ta vekiwa eka yona, yi nga yindlu leyi Xikwembu xa hina xi nga ta tikomba eka yona. A ndzi tilulamisele ku yi aka,

Pisalema 132:7

kutani hi ku: A hi ngheneni endlwini leyi HOSI Xikwembu xi tshamaka eka yona, hi nkhinsama emahlweni ka xona hi xi gandzela.

Pisalema 89:45

Masiku ya vuntshwa bya yena u ma hungutile, u n'wi funengeta hi tingana.

Pisalema 99:5

Twarisani HOSI Xikwembu xa hina, xi nkhinsameleni laha xi tikombaka kona. HOSI Xikwembu hi xona ntsena xi kwetsimeke!

Esaya 64:11

Yindlu ya hina yo saseka leyo hlawuleka, leyi vatata wa hina a va ku gandzelela eka yona, yi herisiwile hi ndzilo; tindhawu hinkwato leti a hi ti tsakela ngopfu, namuntlha i marhumbi ntsena.

Yeremiya 30:14

Hinkwavo lava a wu twanana na vona sweswi va ku rivarile, a va ha ri na mhaka na wena; ndzi ku bile ku fana ni loko ndzi ri nala wa wena, ndzi ku tshinya onge ndzi munhu wa nsele, hikuva milandzu ya wena a yi ri yikulu, ni swidyoho swa wena a swi tele ngopfu.

Swirilo 1:1

Yóò, xivundza lexi nga ni muti lowu, wona lowu khale a wu tele hi vanhu! Muti lowu a wu ri wukulu eka tinxaka hinkwato, sweswi wu hundzukile, wu fana ni noni; wona lowu a wu dumile ematikweni, namuntlha wu endliwe hlonga.

Swirilo 1:12

“N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Swirilo 2:17

HOSI Xikwembu xi hetisile makungu ya xona, xi endlile hilaha xi nga vula hakona; a xi hundzukanga emakungwini ya xona ya khale. Xi hahlurile, xi nga tsetseleri, xi tsakisile valala hi ku wa ka wena, xi va engetelela matimba.

Swirilo 4:1

Yóò! Vonani hilaha nsuku wu kurheke hakona, wu lahlekeriwa hi ku tenga ka wona! Maribye layo hlawuleka ma hangalasiwile emahandzeni ya magondzo hinkwawo.

Swirilo 4:11

HOSI Xikwembu xi hetisisile makungu ya ku hlundzuka ka xona, xi chulurile ndzilo wa vukari bya xona, wu hisa muti wa Siyoni, wu herisa ni masungulo ya wona.

Ezekiele 13:13

“Mina HOSI N'wini wa hinkwaswo, ndzi ri: Eku hlundzukeni ka mina, ndzi ta vanga bubutsa ni mpfula leyikulu ni xihangu xo chavisa, swi onhetela khumbi leri akiweke.

Ezekiele 19:12

Kambe vanhu va tihanyi va simurile murhi lowu, va wu cukumeta ehansi, wu omisiwa hi moya wa le vuxeni, mihandzu ya wona yi dzudzeka, na wona nsinya wa kona lowukulu wu oma, wu hisiwa hi ndzilo.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Ezekiele 30:18

Siku ndzi nga ta wisa mfumo wa tiko ra Egipta, va le Tahapanese va ta va exinyamini, kutani matimba lawa Vaegipta va tidzunisaka ha wona ma ta hela; tiko hinkwaro ri ta khubumetiwa hi xinyami, vaaki va rona va ta yisiwa evukhumbini.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Matewu 11:23

“Na wena Kapernawume: “ ‘Xana u ta tlakusiwa ku ya fika etilweni ke? E-e! U ta tsongahatiwa ku fikela eTiheleni.’ “Hakunene, mahlori lama endliweke eka wena, loko onge ma endliwile eSodoma, ingi muti lowu ni namuntlha wa ha ri kona.

Luka 10:15

Na wena Kapernawume: “ ‘Xana u ta tlakusiwa ku ya fika etilweni ke? E-e, u ta tsongahatiwa ku fikela eTiheleni.’

Luka 10:18

Yesu a ku ka vona: “Ndzi vonile Sathana, a wa hi le tilweni tanihi rihati.

1 SAMIELE 4:21

Ú lo kota ntsena ku thya n'wana vito ra Ikabodo (hileswaku: “A ka ha ri na ku dzuneka”), kutani a ku: “Ku dzuneka ku sukile etikweni ra Israele.” (A a vula hi ku tekiwa ka Areka ya Xikwembu, ni ku lova ka tata wa nuna, ni ka nuna wa yena.)

1 SAMIELE 4:22

Marito lawa ya nge: “Ku dzuneka ku sukile etikweni ra Israele”, ú ma vurile hikwalaho ka Areka ya Xikwembu leyi phanghiweke.