Swirilo 1:8 - BIBELE Mahungu Lamanene

⁸ Yerusalema ú dyohile ngopfu, hikokwalaho ú tole thyaka; hinkwavo lava khale a va n'wi xixima, namuntlha va n'wi sandza, hikuva va n'wi vona a nga ambalanga nchumu. Hambi yena hi yexe wa konya, a tlhela a languta hansi.

Xitsonga (Bibele)

⁸ Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Swirilo 1:8 Iomraidhean Croise

Genesa 3:7

Hiloko havambirhi va pfuleka mahlo, kutani va sungula ku vona leswaku a vo tshama ntsena; kutani va rhungelela matluka ya nkuwa va tiendlela swiambalo.

1 TIHOSI 9:6

Kambe loko mi ndzi fularhela, wena kumbe vana va wena, ni loko mi nga hlayisi milawu ya mina ni swileriso leswi ndzi mi nyikeke swona, kambe mi suka mi ya tirhela swikwembu swimbe, mi swi nkhinsamela,

1 TIHOSI 9:7

ndzi ta susa vanhu va Israele etikweni leri ndzi va nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani vanhu va Israele va ta hundzuka xihlambanyiso ni xihlekiso exikarhi ka vamatiko hinkwavo.

1 TIHOSI 9:9

Kutani va ta nyikiwa nhlamulo leyi nge: ‘Hileswi va tshikeke HOSI Xikwembu xa vona, lexi humeseke vatata wa vona etikweni ra Egipta, kutani va ya namarhela swikwembu swimbe, va swi nkhinsamela ni ku swi tirhela. Hi swona leswi endleke leswaku HOSI Xikwembu xa vona xi va vangela makhombo lawa hinkwawo.’ ”

Esaya 47:3

U ta sala u nga ambalanga nchumu, vanhu va ta vona miri wa wena hinkwawo. Ndzi ta rihiseta, a ndzi nga tsetseleli munhu!”

Yeremiya 13:22

Loko u tivutisa u ku: “Xana makhombo lawa ndzi vangeriwa hi yini xana?” tiva leswaku valala va ku hluvula swiambalo va ku pfinya hikwalaho ka ku tala ka swidyoho swa wena!

Yeremiya 13:26

Hikokwalaho na mina ndzi ta ku hluvula swiambalo, vanhu va ku vonela.

Yeremiya 15:4

Vanhu lava, ndzi ta va hundzula xihlambanyiso lexo chavisa emahlweni ka vanhu va matiko hinkwawo, hikwalaho ka leswi Manase n'wana Hezekiya hosi ya Yuda a swi endleke eYerusalema.”

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 34:17

Hikokwalaho mina HOSI ndzi ri, a mi ndzi yingisanga, hikuva a mi ntshunxanga varikwenu, a mi humesanga vamakwenu evuhlongeni. Kutani yingisani, mina HOSI ndzi ta mi nyiketa ku dlawa hi matlhari ni mintungu ni tindlala. Vanhu va matiko hinkwawo va ta vona khombo ra n'wina lero chavisa.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Yeremiya 6:28

Hinkwavo va omile tinhloko, va tiarisa, va famba-famba va ri karhi va lumbeta van'wana; va nonon'hwa onge i nsimbhi kumbe koporo, hinkwavo i vaonhi.

Swirilo 1:11

Hinkwavo vanhu va yena va konya loko va ri karhi va lava swakudya; va tilavela swona hi ku xavisa swilo swa vona swa nkoka, va ta kuma matimba hi vuntshwa. Yerusalema ú ri: “Languta we HOSI, u vona hilaha ndzi soriwaka hakona.

Swirilo 1:17

Siyoni ú tshambulute mavoko a khongela, kambe ku pfumaleka ni un'we wo n'wi tiyisa. HOSI Xikwembu xi lerisile valala va Yakobo ku n'wi rhendzela hi matlhelo hinkwawo. Yerusalema ú hundzukile xitlakati xo nyenyetsa exikarhi ka vona.

Swirilo 2:10

Varhangeri va le Siyoni va tshame hansi va ku dúú! Va tichele ntshuri etinhlokweni, va tlhela va ambala swiambalo leswo khwaxa; vanhwana va le Yerusalema va korhamise tinhamu, va languta ehansi.

Swirilo 4:21

N'wina va le Edomu lava mi tshameke etikweni ra Usi, mi nga ha tsaka mi hleka, kambe na n'wina mi ta nwisiwa vukari bya HOSI Xikwembu, byi ta mi pyopyisa, mi famba mi nga ambalanga nchumu.

Ezekiele 23:29

Na vona va ta ku venga ngopfu va ku xanisa; va ta ku tekela nhundzu ya wena hinkwayo, va ku siya u nga ambalanga nchumu, kutani vunghwavava bya wena byi ta voniwa hi mani na mani. Manyala ya wena ni vunghwavava bya wena,

Ezekiele 23:46

HOSI N'wini wa hinkwaswo ú vurisa sweswo ú ri: “Va rhambele mavuthu ma ta va hlasela ma va phanghela swa vona, va hundzuka swilo swo chavisa.

Ezekiele 39:23

Vamatiko vona va ta twisisa leswaku Vaisraele va yisiwile evukhumbini hikuva a va ndzi dyoherile. A va nga ri vanhu vo tshembeka eka mina, hikokwalaho ndzi va fularherile, ndzi va tshika va hluriwa hi valala, va va dlaya hinkwavo.

Hosiya 2:10

Ndzi ta n'wi khomisa tingana emahlweni ka swigangu swa yena, loko ndzi n'wi khomile, ku hava loyi a nga ta n'wi lamulela.

Hosiya 2:3

loko a nga swi tshiki, ndzi ta n'wi hluvula swiambalo, ndzi n'wi siya a fana ni siku leri a nga velekiwa ha rona; ú ta sala a fana ni mananga, a hundzuka misava leyi omeke, torha ri to tlanga hi yena.

Nhlavutelo 3:18

Loko swi ri tano, ndza ku tsundzuxa leswaku u xava eka mina nsuku lowu sasekisiweke hi ndzilo, u va xifumi; u ta xava ni tinguvu leto basa u ti ambala, u funengeta tingana ta vusweti bya wena leswaku byi nga vonaki; xava ni mafurha yo tota mahlo ya wena leswaku u ta kota ku vona.

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.