Swirilo 1:4 - BIBELE Mahungu Lamanene

⁴ Magondzo lama yaka eSiyoni ma rila, hikuva ku pfumaleka ni un'we wo ta eminkhubyeni. Tinyangwa ta Yerusalema a ta ha pfhumbi, vaprista va kona va konya; vanhwana na vona va xanisiwa: Nhlomulo wa muti lowu a hi ku kula ka wona!

Xitsonga (Bibele)

⁴ Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Swirilo 1:4 Iomraidhean Croise

Esaya 3:26

Etinyangweni ta wena ku to twala swirilo ni minkosi ntsena; u ta tekeriwa hinkwaswo, u sala u lo gòò!

Yeremiya 10:22

Yingisani huwa! Ku ni vanhu lava taka, va huma en'walungwini, va tsekatsekisa misava; miti ya Yuda yi ta hundzuka marhumbi ni bako ra timhungubye.

Yeremiya 14:2

“Tiko ra Yuda ri le ku rileni, miti ya rona ya hela; vanhu va kona va konya va etlele hansi, muti wa Yerusalema wu huwelela wu kombela ku pfuniwa.

Yeremiya 9:11

HOSI Xikwembu xi ri: “Muti wa Yerusalema ndzi ta wu endla rhumbi, wu ta hundzuka bako ra timhungubye; miti ya tiko ra Yuda ndzi ta yi hundzula mananga, a ku nga ha tshami munhu eka yona.”

Swirilo 1:21

“Yingisa ku konya ka mina: Ndzi pfumala loyi a nga ndzi tiyisaka. Valala va mina hinkwavo va twile ta nhlomulo wa mina, kutani va tsaka hi leswi u ndzi endlaka swona; kambe we HOSI, hatlisa u tisa siku leri u ri vuleke, leswaku na vona va ta biwa kukota mina.

Swirilo 5:13

Majaha ma sindzisiwa ku sila mavele, vafana va dedeleka hi matshwinga ya tihunyi.

Swirilo 5:14

Vakulukumba a va ha yi ehubyeni, majaha a ma ha chayi swichaya-chayani swa wona.

Hosiya 2:13

Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”

Levhitika 26:22

Ndzi ta rhumela swiharhi swa nhova exikarhi ka n'wina, kutani swi ta mi hetela vana, swi mi dlayela ni swifuwo swa n'wina; ku ta sala vanhu va nga ri vangani, kutani mabudula ya n'wina a ma nga ha pfhumbi.

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.