Swirilo 1:3 - BIBELE Mahungu Lamanene

³ Yuda ú yisiwile evukhumbini, emaxangwini ni le ku vavisekeni lokukulu; sweswi ú hanya exikarhi ka vamatiko, a nga kumi laha a nga tshamisekaka kona; lava va n'wi hlongorisaka, va n'wi kumile, a nga ha koti ku phonyoka.

Xitsonga (Bibele)

³ Yuda u yile evukhumbini hi maxangu ni ku xaniseka lokukulu; U tshamile exikarhi ka matiko, Kambe a nga vonanga laha a wisaka kona, Vaxanisi va yena hinkwavo va n'wi kumile a ri laha ku manyaneke.

Swirilo 1:3 Iomraidhean Croise

2 TIHOSI 25:11

Kutani Nebuzaradani ndhuna ya vasirheleri a teka vanhu lava a va sele emutini, ni lava a va tinyiketile eka hosi ya le Babilona, swin'we ni masalela ya lava akeke etikweni, a va yisa evukhumbini hinkwavo.

2 TIHOSI 25:21

Hosi Nebukadnetsara a lerisa leswaku va biwa, kutani va dlayiwa eRibila, etikweni ra Hamata. Hi wona mukhuva lowu vanhu va Yuda va yisiweke evukhumbini ha wona, kule ni tiko ra vona.

2 TIHOSI 25:4

rirhangu ra muti ri boxiwa. Hambileswi mavuthu ya Vakalediya a ma rhendzerile muti, hosi Sedekiyasi ni masocha ya yena hinkwawo va kotile ku baleka nivusiku, hi le nyangweni leyi a yi ri xikarhi ka makhumbi mambirhi, kusuhi ni ntanga wa hosi, kutani va tsutsuma hi ndlela leyi kongomaka enkoveni wa Yordani.

2 TIHOSI 25:5

Kambe mavuthu ya Vakalediya ma hlongorisa hosi Sedekiyasi, ma ya n'wi kuma erivaleni ra le Yeriko; kutani masocha hinkwawo ya yena ma hangalaka ma n'wi siya.

Yeremiya 13:19

Miti ya le dzongeni yi rhendzeriwile hi valala, a ka ha ngheni munhu eka yona; va ka Yuda va yisiwa evukhumbini, va famba hinkwavo, ku nga sali na un'we.”

Yeremiya 16:16

HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Yeremiya 39:9

Vanhu lava a va sele emutini, ni lava a va tinyiketile eka Nebukadnetsara, ni masalela ya vavatli ni vaaki va yisiwa eBabilona evukhumbini hi Nebuzaradani ndhuna ya vasirheleri va hosi.

Yeremiya 52:15

Kutani Nebuzaradani ndhuna ya vasirheleri a teka vanhu lava a va sele emutini, van'wana va vona va ri swisiwana ngopfu, a teka ni lava a va tinyiketile eka hosi ya le Babilona, a teka ni masalela ya vavatli ni vaaki, a va yisa evukhumbini hinkwavo.

Yeremiya 52:8

Kambe mavuthu ya Vakalediya ma hlongorisa hosi Sedekiyasi, ma ya n'wi kuma erivaleni ra Yeriko; kutani masocha hinkwawo ya yena ma hangalaka ma n'wi siya.

Swirilo 2:9

Timbanti ta Yerusalema ti dyiwile hi muhlwa ti wa, Xikwembu xi tshovelerile ni timhingu to goga ha tona. Mufumi wa tiko ni tindhuna ta yena va hangalakile va ya ematikweni man'wana, sweswi a ka ha ri na nawu. Hambi va ri vaprofeta va kona, HOSI Xikwembu a xa ha va kombi nchumu.

Swirilo 4:15

Vanhu a va va tlherisa, va ku: “Sukani! Mi thyakile! Sukani, sukani, mi nga hi khumbi!” Kutani va hundzuke vatsendzeleki ni valuveri; hambi va ri vamatiko a va ku: “Vanhu lava va nga ka va nga ha tshami exikarhi ka hina!”

Swirilo 5:5

Vaxanisi va hina va hi tshikelela, va hi khayima; hambi hi karhele, a va hi wisisi.

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Duteronoma 28:48

hikokwalaho mi ta tirhela valala va n'wina lava HOSI Xikwembu xi nga ta va rhumela ku lwa na n'wina. Mi ta fa hi ndlala, ni torha, ni vusweti, mi pfumala hinkwaswo; xi ta mi tlhandleka joko ra nsimbhi xi kondza xi mi herisela makumu.