Swirilo 1:11 - BIBELE Mahungu Lamanene

¹¹ Hinkwavo vanhu va yena va konya loko va ri karhi va lava swakudya; va tilavela swona hi ku xavisa swilo swa vona swa nkoka, va ta kuma matimba hi vuntshwa. Yerusalema ú ri: “Languta we HOSI, u vona hilaha ndzi soriwaka hakona.

Xitsonga (Bibele)

¹¹ Vanhu va yena hinkwavo va hefumuteka, va lava vuswa; Va nyikile swilo swa vona leswi pfumariwaka ku lava swakudya Leswi nga pfuxaka vutomi bya vona. “Languta, Yehovha, u vona ku sandziwa ka mina.

Swirilo 1:11 Iomraidhean Croise

2 TIHOSI 6:25

ndlala yi va leyikulu eSamariya. Leswi Vasiriya a va rhendzerile muti, swi fika laha nhloko ya mbhongolo yi vitanaka mali ya tisilivhere ta 80, ni tindzhohonyana ta nhova to tata xandla ti vitanaka mali ya tisilivhere ta 5.

Ntirho 40:4

“We HOSI, ndzi ntsongo ngopfu emahlweni ka wena, xana ndzi nga ku hlamula yini? Ndzi to timiyelela!

Pisalema 79:4

Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Yeremiya 15:19

HOSI Xikwembu xi ndzi hlamula xi ku: “Loko u vuyela eka mina, ndzi ta tlhela ndzi ku amukela, kutani u ta ya emahlweni u ndzi tirhela. Loko u vulavula leswi twalaka, u tshika ku jamuka, wa ha ta va nomo wa mina. Vanhu va ta vuyela eka wena, a hi wena u nga ta ya eka vona.

Yeremiya 19:9

Valala va vona, va nga vanhu va tihanyi, va ta rhendzela muti va wu vangela ndlala leyikulu, vaaki va wona va kondza va sweka vana va vona va xinuna ni va xisati va dya, va hetelela hi ku dyanana!’ ”

Yeremiya 38:9

“We hosi n'wini wanga, vavanuna lava va endlile muprofeta Yeremiya emhaka leyo biha hi ku n'wi hoxa ekheleni; ú ta fela kona a dlawa hi ndlala, hikuva laha mutini a ka ha ri na swakudya.”

Yeremiya 52:6

kutani ndlala yi va leyikulu emutini, hikuva vaaki va muti a va heleriwile hi swakudya. Kutani hi siku ra vu-9 ra n'hweti ya vumune ya lembe rero,

Swirilo 1:8

Yerusalema ú dyohile ngopfu, hikokwalaho ú tole thyaka; hinkwavo lava khale a va n'wi xixima, namuntlha va n'wi sandza, hikuva va n'wi vona a nga ambalanga nchumu. Hambi yena hi yexe wa konya, a tlhela a languta hansi.

Swirilo 1:9

Thyaka ra yena a ri ri etingubyeni, kambe a nga anakanyanga leswaku ú ta avanyisiwa; hikokwalaho ku wa ka yena ka chavisa, ú pfumala ni loyi a n'wi tiyisaka. Yerusalema ú ri: “We HOSI, vona nhlomulo wa mina, hikuva nala wa khana, ú hlurile.”

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Swirilo 2:12

Vana lava va rilela vamana wa vona, va ri: “Hi ta dya yini ni ku nwa yini xana?” Va vutisa va ri karhi va wa va titivala emagondzweni, tanihi vavanuna lava vavisekeke enyimpini; vana volavo va hlala eswifuveni swa vamana wa vona.

Swirilo 2:20

We HOSI Xikwembu, languta u vona leswaku i mani loyi u n'wi endlaka leswi. Xana vamanana va fanele ku tidyela vana lava va va rhandzaka, ke? Xana vaprista ni vaprofeta va fanele ku dlayiwa, va fela exivandleni xa wena lexo hlawuleka xana?

Swirilo 5:1

We HOSI, tsundzuka leswi swi hi humeleleke; languta, u vona tingana ta hina.