Sofoniya 3:6 - BIBELE Mahungu Lamanene

⁶ HOSI Xikwembu xi vurisa sweswo, xi ri: “Ndzi herisile vamatiko, swihondzo swa vona swi hundzuke marhumbi; emagondzweni ya vona, ndzi mirisile nhova, leswaku ku nga ha famba-fambi munhu eka wona; miti ya vona yi hlaseriwile, a ka ha ri na munhu la tshamaka eka yona.

Xitsonga (Bibele)

⁶ “Ndzi lovisile matiko, marhangu ya wona ma mbundzukile; ndzi onhile tindlela ta wona a ka ha ri na la fambaka kona, miti ya wona yi onhakile, a ka ha ri na munhu kona, a ka ha ri na la nga akaka kona.

Sofoniya 3:6 Iomraidhean Croise

Esaya 14:26

Makungu lama bohiweke lawa, ma khumba misava hinkwayo; HOSI Xikwembu xi tlakusile voko ra xona ehenhla ka matiko hinkwawo.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Yeremiya 9:12

Xana i mani munhu wo tlhariha loyi a nga twisisaka swilo leswi xana? Xana i mani loyi HOSI Xikwembu xi vulavuleke na yena, la nga tivisaka leswi xi n'wi byeleke swona xana? Hikwalaho ka yini tiko ri onhakile ri tshwa ri hundzuka mananga, ku nga ha hundzi munhu eka rona, xana?

Levhitika 26:31

lero ndzi ta mbundzumuxela miti ya n'wina, ndzi herisa ni swivandla swa n'wina leswo hlawuleka; ni ku nun'hwela ka magandzelo ya n'wina a ku nga ha ndzi tsakisi.

Sofoniya 2:5

Mi ni khombo n'wina mi akeke eribuweni ra lwandle, n'wina va rixaka ra Vakereti! Rito ra HOSI Xikwembu ri kanetana na n'wina, n'wina va tiko ra Vafilista; Xikwembu xi ta mi herisa, ku nga sali na un'we wa mhamba.

Zakariya 7:14

Kutani ndzi va hangalasele etinxakeni hinkwato leti a va nga ti tivi, kutani tiko leri ro saseka, leri va ri sukeleke, ri sala ri ri rhumbi, ku pfumaleka na munhu loyi a nga famba-fambaka eka rona.”

Matewu 23:38

Vonani, muti wa n'wina wu ta sala wu nga ri na munhu;

1 Vakorinto 10:11

Swilo leswi swi va humelerile ku endla xitsundzuxo; naswona swi tsariwile leswaku na hina hi tsundzuxiwa ha swona, hina lava hi nga emasikwini ya ku hetelela ka minkarhi.

1 Vakorinto 10:6

Swilo leswi swi hundzukile xitsundzuxo eka hina, ku hi chavisa leswaku hi nga naveli leswo biha, ku fana ni leswi vona va nga endlisa swona.

Yoxuwa 23:4

Vonani, ndzi mi averile matiko hinkwawo lawa ma ha saleke, ni hinkwawo lawa ndzi ma tekeke, ku sukela enambyeni wa Yordani ku ya fika eLwandle ra Mediteraniya evupeladyambu, leswaku ma va ndzhaka ya tinyimba ta n'wina.