Sofoniya 3:2 - BIBELE Mahungu Lamanene

² a wu twi ku byeriwa, naswona a wu amukeli switsundzuxo; a wu tshembi HOSI Xikwembu, ni le kusuhi na xona, a wu tshineli.

Xitsonga (Bibele)

² A wu yingiselanga rito, a wu amukeli ku tshinyiwa, a wu tshembanga Yehovha; a wu tshinelanga eka Xikwembu xa wona.

Sofoniya 3:2 Iomraidhean Croise

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Pisalema 50:17

hikuva a mi lavi ku tshinyiwa, ni marito ya mina mi ma ba hi makatla!

Pisalema 73:28

Loko ndzi ri mina, ndzi tsakela ku va kusuhi na wena we Xikwembu, we HOSI N'wini wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

Pisalema 78:22

hikuva a va nga pfumeli eka xona, naswona a va nga tshembi leswaku xi nga va ponisa.

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

Swivuriso 5:12

u ku: “Loko ingi ndzi lo pfumela ku layiwa, ndzi nga alanga ku tshinyiwa!

Esaya 1:5

Leswi mi yaka emahlweni mi tiarisa, xana ma ha ta biwa hi kwihi, hikuva nhloko hinkwayo ya vava, ni matimba a ma ha ri na wona.

Esaya 29:13

N'wini wa hinkwaswo ú ri: “Vanhu lava vo vula hi milomo leswaku va le ku ndzi gandzeleni, kambe marito ya vona yo ndzi dzunisa, a ma humi etimbilwini ta vona; xichavo lexi va ndzi kombaka xona, i ntolovelo lowu va nga lo dyondzisiwa hi van'wana.

Esaya 31:1

Va ni khombo vanhu lava yaka va ya kombela ku pfuniwa le Egipta! Va tshemba tihanci ni makalichi layo tala ya Vaegipta, va tshemba ni vagadi va tihanci, va ku va ni matimba swinene, kambe HOSI Xikwembu, xona Muhlawuleki wa Israele, a va na mhaka na xona, a va xi vikeli makungu ya vona.

Esaya 43:22

“Kambe n'wina va ka Yakobo, mi tshikile ku ndzi khongela, mi karhele hi mina, n'wina Vaisraele.

Esaya 9:12

Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Yeremiya 13:25

Lexi hi xona xiphemu xa wena, we Yerusalema, lexi mina HOSI ndzi nga ku avela xona, hikuva u ndzi rivarile, u tshemba swikwembu swa mavunwa.

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Yeremiya 22:21

Ndzi ku tsundzuxile, loko swilo swa ha ku fambela kahle, kambe u te: ‘A ndzi na mhaka na swona!’ U hanyise sweswo ku sukela evuntshweni bya wena, u ala ku yingisa loko ndzi vulavula na wena.

Yeremiya 32:33

Hambileswi a ndzi hamba ndzi va letela, va arile ku yingisa, va nga pfumeli ni ku tsundzuxiwa, kutani va ndzi fularhela va nga ha languti eka mina.

Yeremiya 35:13

xi n'wi lerisa ku ya tivisa va ka Yuda ni vaaki va muti wa Yerusalema marito ya xona lama nge: “Mina HOSI ya matimba hinkwawo, Xikwembu xa Israele, ndzi vurisa sweswo ndzi ri, xana mi ta dyondza rini ku amukela ni ku hlayisa swiletelo swa mina xana?

Yeremiya 35:17

Hikokwalaho mina HOSI ya matimba hinkwawo, Xikwembu xa Israele, ndzi vurisa sweswo ndzi ri, tiko ra Yuda ni vaaki hinkwavo va muti wa Yerusalema, ndzi ta va vangela makhombo hinkwawo lawa ndzi ma vuleke, hikuva ndzi vulavurile na vona kambe a va yingisanga; ndzi va vitanile kambe a va ndzi hlamulanga.”

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Ezekiele 22:24

“Wena munhu byela Vaisraele leswaku tiko ra vona ri nyamile, hikokwalaho ndzi ta ri hlundzukela, ndzi ri tsona mpfula.

Ezekiele 24:13

Thyaka rero i mintirho ya wena ya manyala, we Yerusalema. Ndzi ringetile ku ku basisa, kambe thyaka ra wena a ri suki, kutani a wu nga ha tlheli u basa, ku kondza ndzi heta ku ku ba eku hlundzukeni ka mina.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

2 Timotiya 3:16

Matsalwa lawa hinkwawo ma huhutiwile hi Xikwembu, ma pfuna ku dyondzisa, ni ku laya, ni ku ololoxa, ni ku tolovetisa leswo lulama,

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.