Sofoniya 3:18 - BIBELE Mahungu Lamanene

¹⁸ ku fana ni le sikwini ra nkhuvo.” HOSI Xikwembu xi ri: “Ndzi ta susa maxangu ya n'wina, leswaku mi nga ha xaniseki.

Xitsonga (Bibele)

¹⁸ “Ndzi ta hlengeleta kun'we lava rilelaka tinhlengeletano letikulu; va huma eka wena; va tikeriwa hi xisolo.

Sofoniya 3:18 Iomraidhean Croise

Pisalema 43:3

Ndzi kombe ku vonakala ka wena ni ntiyiso wa wena; a swi ve swona swi ndzi fambisaka, swi ndzi fikisa entshaveni ya wena leyo hlawuleka, laha Tempele ya wena yi nga kona.

Pisalema 79:4

Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Swirilo 1:4

Magondzo lama yaka eSiyoni ma rila, hikuva ku pfumaleka ni un'we wo ta eminkhubyeni. Tinyangwa ta Yerusalema a ta ha pfhumbi, vaprista va kona va konya; vanhwana na vona va xanisiwa: Nhlomulo wa muti lowu a hi ku kula ka wona!

Swirilo 1:7

Enkarhini lowu wa mahlomulo ni wa ku pepetseka ka yena, Yerusalema ú tsundzuka swilo swa yena hinkwaswo swa nkoka leswi a a ri na swona ku sukela khale. Loko vanhu va yena va wele emavokweni ya valala, ku pfumaleke ni un'we wa ku n'wi pfuna; valala va n'wi langutile, va n'wi hlekula, va tsakela ku wa ka yena.

Ezekiele 34:13

Ndzi ta tlhela ndzi ti hlengeleta, ndzi ti humesa ematikweni lawa hinkwawo, kutani ndzi ta ti vuyisa etikweni ra tona ra xiviri. Ndzi ta ti khayima ti ya dya etintshaveni ta Israele laha ku nga na mati, ti nga ha tshami emananga.

Ezekiele 36:24

N'wina Vaisraele, ndzi ta mi hlengeleta mi huma ematikweni ya vanhu vambe, ndzi mi vuyisa etikweni ra n'wina.

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Hosiya 9:5

Kutani ke, xana mi ta endla yini esikwini leri vekiweke ra nkhuvo wo tlangela HOSI Xikwembu, xana?

Sofoniya 3:20

Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”