Sofoniya 3:13 - BIBELE Mahungu Lamanene

¹³ Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

Xitsonga (Bibele)

¹³ Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Sofoniya 3:13 Iomraidhean Croise

2 TIKRONIKA 20:30

Kutani Yoxafati a va ni ku rhula eku fumeni ka yena, hikuva Xikwembu a xi n'wi lwerile eka valala matlhelo hinkwawo.

Ntirho 11:19

U ta etlela u tsakile u nga chavisiwi ha nchumu; vanhu lavo tala va ta navela ku kateka tanihi wena.

Pisalema 119:3

va nga lava chavaka ku endla leswo biha, lava fambaka etindleleni ta yona.

Pisalema 120:2

Ni sweswi ndzi ri, ndzi ponise we HOSI eka vahembi ni vakanganyisi.

Pisalema 120:3

Wena mukanganyisi, xana Xikwembu xi ta ku endla yini, nakona xi ta ku ba ha yini xana?

Pisalema 23:2

U ndzi fikisa emadyelweni ya rihlaza, u ndzi yisa ematini layo tenga.

Esaya 17:2

Miti ya tiko ra Siriya a yi nga ha tshami munhu ni siku ni rin'we, yi ta hundzuka madyelo ya swifuwo, swi ta vundza kona swi nga karhatiwi hi munhu.

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Esaya 54:14

U ta tiya hi ku endla leswo lulama, u nga ka u nga ha chavi nchumu, hikuva lava va ku xanisaka va ku hlasela, a va nga ha tshineli kusuhi na wena.

Esaya 6:13

Hambiloko eka ntlawa wun'wana ni wun'wana wa vanhu va khume ku nga sala munhu un'we, vanhu lava ndzi ta va herisa; va ta fana ni murhi lowukulu wa nkuhlu lowu weke, ku sala xikundzu ntsena.” Xikundzu lexi i mbewu leyo hlawuleka.

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

Esaya 63:8

HOSI Xikwembu xi te: “Lava i vanhu va mina hakunene, va nga ka va nga ndzi kanganyisi!” Hikokwalaho, xi vile muponisi wa vona

Esaya 65:10

Rivala ra Xaroni ri ta hundzuka madyelo ya tinyimpfu, eka Nkova wa Akora, ku ta vundza tihomu, tiko hinkwaro ri ta va ra vanhu va mina lava va ndzi khongelaka.

Yeremiya 23:4

Ndzi ta va hlawulela varisi lava nga ta va hlayisa; a va nga ha rhurhumeli kumbe ku chavisiwa hi nchumu, naswona a ku nga vi na un'we loyi a nga ta lahleka.

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Ezekiele 39:26

Loko va ta va va tshamisekile etikweni ra vona va nga chavisiwi hi munhu, va ta rivala tingana leti a va ri na tona khale loko va ha ri lavo ka va nga tshembeki eka mina.

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Yuwele 3:21

Ngati ya vona, ndzi ta yi rihisela; lava nga ni nandzu, a ndzi nga va tshiki ntsena. Mina HOSI, ndzi tshama eSiyoni!”

Levhitika 26:6

Ndzi ta endla leswaku ku va na ku rhula etikweni, kutani loko mi etlele, a mi nga chavisiwi hi nchumu; hambi swi ri swiharhi leswo dlaya ndzi ta swi susa etikweni, ni tinyimpi a ti nga mi ngheneli.

Mikiya 4:4

Munhu un'wana ni un'wana ú ta titshamela endzhutini wa murhi wa yena wa vhinya kumbe wa nkuwa, ku ri hava loyi a n'wi chavisaka. Leswi swi vuriwile hi HOSI Xikwembu xa matimba hinkwawo.

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.

Mikiya 7:14

We HOSI, hi vanhu va wena, hi rise, u hi sirhelela hi nhonga ya wena. Hi tshama hi ri hexe exihlahleni, hi rhendzeriwile hi mitanga ya van'wana; hi yise emadyelweni ya Baxani na Giliyadi, ku fana ni le minkarhini ya khale.

Sofoniya 2:7

Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Sofoniya 3:5

Kambe HOSI Xikwembu lexi nga mutini lowu, xi lulamile, a xi endli nchumu xo biha; mixo wun'wana ni wun'wana xi komba ku lulama ka xona, tanihi vurhonga, a xi tluli siku; hambiswiritano, lavo homboloka a va khomi hi tingana!

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Zakariya 8:16

Leswi mi fanelaka ku endla swona hi leswi: Vulavulani ntiyiso mi nga hembelani. Etihubyeni ta n'wina, avanyisani timhaka hi ku lulama, mi tisa ku rhula evanhwini.

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Matewu 13:41

N'wana-wa-Munhu ú ta rhuma tintsumi ta yena, ti ta humesela ehandle ka Mfumo wa yena vakhunguvanyisi hinkwavo ni lava endlaka leswo biha,

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

Vakolosa 3:9

Mi nga hembelani, leswi mi hluvuleke hanyelo ra n'wina ra khale ni mintirho ya rona;

1 Petro 3:14

Kambe niloko mi twisiwa ku vava hikwalaho ka leswo lulama, mi katekile; mi nga chavi vanhu, naswona mi nga karhateki.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

Nhlavutelo 14:5

A ku humanga vunwa emilon'weni ya vona ni siku ni rin'we; va hava xivati.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.