Sofoniya 2:8 - BIBELE Mahungu Lamanene

⁸ HOSI Xikwembu xi ri: “Vamowabu, ndzi va twile loko va sandza, ni ku rhuketela ka Vaamoni ku fikile etindleveni ta mina, ndzi va twile loko va hlekula vanhu va mina, va tibumabuma, va ku va ta teka tiko ra Israele.

Xitsonga (Bibele)

⁸ “Ndzi twile ku sandza ka Mowabu ni tinhlambha ta vana va Amoni lava sandzeke tiko ra mina, va tikurisa hi le ndzilakaneni wa vona.”

Sofoniya 2:8 Iomraidhean Croise

Genesa 19:37

Lowa mativula a kuma n'wana wa mufana, kutani a n'wi thya vito ra Mowabu; hi yena tata wa Vamowabu lava nga kona ni namuntlha.

Genesa 19:38

Lontsongo na yena a kuma n'wana wa mufana, kutani a n'wi thya vito ra Benami; hi yena tata wa Vaamori lava nga kona ni namuntlha.

Esaya 15:1

Lawa i mahungu hi tlhelo ra tiko ra Mowabu: Va le Mowabu a va ha tivi lexi va nga xi endlaka, hikuva hi vusiku byin'we, ku herisiwile muti wa Ara ni wa Kiri.

Esaya 16:6

Hi ti twile ta manyunyu ya Vamowabu, ni ku tikurisa ka vona; i vanhu vo titshemba ngopfu, lava tikukumuxaka, va nga vuli nchumu hi vanhu van'wana; kambe vo tibumabumela mahala!

Yeremiya 12:14

HOSI Xikwembu xi vurisa sweswo xi ri: “Vamatiko hinkwavo lava akelaneke ni Vaisraele vanhu va mina, va bihile. Loko vo tshuka va khumba tiko leri ndzi ri nyikeke Vaisraele leswaku ri va ra vona, ndzi ta va hlongola ematikweni ya vona, kutani ndzi kutsula va ka Yuda emavokweni ya vona.

Yeremiya 48:1

Ta tiko ra Mowabu hi leti: HOSI ya matimba hinkwawo, Xikwembu xa Israele, xi vurisa sweswo xi ri: “Va le Nebo va le khombyeni! Muti wa vona wu hlaseriwile. Na vona va le Kiriyatayimi va khomiwile va tsongahatiwa. Khokholo ra vona ri hirimuxiwile, ri khomisa tingana.

Yeremiya 49:1

Ta Vaamoni hi leti: HOSI Xikwembu xi vurisa sweswo xi ri: “Lava gandzelaka Milikomo xikwembu xa Vaamoni va tekise ku yini tiko ra Gadi, va tshamisise ku yini emitini ya kona xana? Xana exikarhi ka Vaisraele a ku na vavanuna lava fanelaka ku teka tiko leri ri va ra vona ke?

Swirilo 3:61

“We HOSI, u twile loko va ndzi hlekula, u vonile ni makungu ya vona hinkwawo ya ku lwa na mina.

Ezekiele 21:28

“Wena munhu, vulavula ni Vaamoni lava sandzaka Vaisraele u va byela leswaku mina HOSI N'wini wa hinkwaswo ndzi ni rito eka vona leri nge: Banga leri dlayaka ra hlomuriwa enkotlotweni, ri le ku vangamisiweni; ri loteriwa ku herisa, ri ba kukota rihati.

Ezekiele 25:1

HOSI Xikwembu xi vulavula na mina xi ku:

Ezekiele 35:12

Na n'wina mi ta tiva leswaku hinkwaswo leswi mi swi vuleke loko mi hlekula tintshava ta tiko ra Israele, mina HOSI ndzi swi twile! Mi vurile leswaku tintshava ta kona ti hundzukile mananga, ni leswaku ti nyiketiwile emavokweni ya n'wina leswaku mi ti hlasela.

Ezekiele 36:2

hikuva mina HOSI N'wini wa hinkwaswo ndzi ri, ndzi tiva hilaha valala va tona va ti sandzaka hakona, loko va ku: ‘Aháà! Swintshabyana leswi swa khale, sweswi, i swa hina!’

Amosi 1:13

HOSI yi vurisa sweswo yi ri: “Ndzi nga ka ndzi nga tshiki ku ba Vaamoni, hikuva va dyoha va vuyelela-vuyelela: Loko va ri karhi va lwela ku engetela tiko ra vona, va handzurile makhwiri ya vavasati lava tikeke va le Giliyadi.

Amosi 2:1

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Mowabu, hikuva va dyoha va vuyelela-vuyelela: Va hisile marhambu ya hosi ya Edomu, ku sala nkuma ntsena.

Sofoniya 2:10

Leyi hi yona hakelo ya ku tikurisa ka vona, hikuva va sandzile ni ku rhuketela vanhu va HOSI ya matimba hinkwawo.

Yoxuwa 5:9

Kutani HOSI Xikwembu xi ku ka Yoxuwa: “Namuntlha ndzi susile ndzhukano lowu a mi ri na wona etikweni ra Egipta.” Hikwalaho ka mhaka leyi, ndhawu leyi ya ha vuriwa Giligala ni namuntlha.