Sofoniya 2:11 - BIBELE Mahungu Lamanene

¹¹ HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Xitsonga (Bibele)

¹¹ Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Sofoniya 2:11 Iomraidhean Croise

Genesa 10:5

Eka vona lava, ku humile vanhu lava hangalakeke ematikweni lama nga etibuweni ta malwandle, hi ku ya hi tinxaka ta vona leti vulavulaka tindzimi to hambana-hambana.

Pisalema 138:4

We HOSI, vafumi hinkwavo va misava a va ku tlangele, hikuva va twile leswi u swi vuleke.

Pisalema 72:17

Vito ra mufumi wa tiko a ri tiviwe hilaha ku nga heriki, a ri twakale hinkwako ehansi ka dyambu. Vanhu hinkwavo a va navelelane minkateko hi vito rero, matiko hinkwawo ma tlangela yena n'wini wa rona.

Pisalema 86:9

Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

Esaya 2:18

Swifaniso swa swikwembu swi ta nyamalala hinkwaswo.

Esaya 2:20

Esikwini ra kona, swifaniso swa swikwembu swa silivhere ni swa nsuku, leswi vanhu va swi endleleke ku swi gandzela, va ta swi cukumeta swi ya wela eka timfukuzani ni vamangadyana.

Esaya 42:10

Sumani risimu lerintshwa, mi yimbelelela HOSI Xikwembu; n'wina vanhu va misava hinkwayo, xi twariseni! Xi dzuniseni n'wina mi fambaka elwandle, na n'wina swivumbiwa hinkwaswo leswi nge ka rona; yimbelelani na n'wina mi tshamaka ematikweni ya le kule.

Esaya 42:4

A nga ka a nga heli matimba a lan'wa; ú ta kondza a tisa ku lulama emisaveni. Vanhu va matiko ya le kule va le ku languteleni ka leswi a nga ta va dyondzisa swona.”

Esaya 49:1

Nandza wa HOSI Xikwembu ú ri: “N'wina vanhu va matiko ya le kule, rhiyani ndleve mi ndzi yingisa: HOSI Xikwembu xi ndzi vitanile ndza ha ri khwirini ra manana, xi ndzi thyile vito ndzi nga si velekiwa.

Yeremiya 10:11

Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

Yeremiya 46:25

HOSI ya matimba hinkwawo, Xikwembu xa Israele, xi ri: “Ndzi ta ba Amoni xikwembu xa le Teba; ndzi ta ba na Faro, ni Vaegipta hinkwavo, ni swikwembu swa vona, ni tindhuna ta vona. Loko ndzi ba Faro, ndzi ta ba ni hinkwavo lava va n'wi tshembaka.

Daniele 11:18

Hikokwalaho, ú ta kongoma matiko man'wana lama nga kusuhi ni lwandle, a teka layo tala exikarhi ka wona; kambe ku tikurisa ka yena ku ta herisiwa hi ndhuna ya tiko rimbe, leyi nga ta endla leswaku ku tikurisa loku ku tlhela ku n'wi vangela ni rifu.

Hosiya 2:17

Ndzi ta susa mavito ya va Baali enon'weni wa wena, naswona u nge he pfuki u ma vurile.

Yuwele 2:11

Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?

Sofoniya 1:4

“Ndzi ta tlakusa voko ra mina, ndzi ba vanhu va le Yuda, ni vaaki hinkwavo va muti wa Yerusalema; leswi saleke swa vukhongeri bya Baali, ndzi ta swi herisa exivandleni xexo, ndzi herisa ni vaprista va kona.

Sofoniya 3:9

“Enkarhini wolowo, ndzi ta tlhela ndzi nyika vamatiko milomo leyi tengeke, leswaku hinkwavo va khongela mina HOSI, va ndzi tirhela hi ku twanana;

Zakariya 13:2

HOSI Xikwembu xi vurisa sweswo xi ri: “Hi siku rero, ndzi ta susa mavito ya swikwembu swa hava etikweni, leswaku swi nga ha tsundzukiwi. Naswona ndzi ta hlongola lava tivulaka vaprofeta, va suka laha tikweni ni mimoya ya vona ya thyaka.

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Zakariya 8:20

HOSI ya matimba hinkwawo yi vurisa sweswo yi ri: “Vanhu lavo tala va ha ta ta eYerusalema, hambi va ri lava akeke emitini leyikulu.

Zakariya 8:23

HOSI ya matimba hinkwawo yi vurisa sweswo, yi ri: “Erixakeni rin'wana ni rin'wana ku ta huma vavanuna va khume, va khoma Muyuda hi xiambalo va ku: ‘Hi lava ku famba na wena, hikuva hi swi twile leswaku Xikwembu xi na n'wina Vayuda.’ ”

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Malakiya 1:14

Ú ni khombo, muxisi loyi a nga ni nkuzi entlhambini wa yena, a tiboha ku ndzi humesela yona mina N'wini wa hinkwaswo; kambe ematshan'weni ya yona, a humesa xifuwo lexi solekaka, a ndzi gandzela ha xona! Mina HOSI ya matimba hinkwawo, ndzi mufumi lonkulu, vito ra mina ri fanele ku xiximiwa ematikweni hinkwawo.”

Duteronoma 32:38

Mafurha ya magandzelo ya n'wina mi nyikile swona swi dya, swi nwile ni vhinyo ya n'wina ya magandzelo. A swi te swi ta mi pfuna, swi mi sirhelela!

1 Timotiya 2:8

Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”