Sofoniya 1:5 - BIBELE Mahungu Lamanene

⁵ Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Xitsonga (Bibele)

⁵ ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Sofoniya 1:5 Iomraidhean Croise

1 TIHOSI 11:33

Mhaka hileswaku va le Yerusalema va ndzi tshikile hi ku ya gandzela Astarte xikwembukazi xa Vasidoni, na Kemoxi xikwembu xa le Mowabu, na Milikomo xikwembu xa Vaamoni. A va hanyanga hi tindlela ta mina, ku nga ku endla leswi lulameke emahlweni ka mina ni ku hlayisa milawu ya mina ni swiletelo swa mina, tanihilaha Davhida tata wa vona a endleke hakona.

1 TIHOSI 11:5

Solomoni a sungula ku gandzela Astarte xikwembukazi xa Vasidoni, na Milikomo xikwembu xa ndzhukano xa Vaamoni.

1 TIHOSI 18:21

Hiloko Eliya a ta eka ntshungu hinkwawo a ta ku: “Xana mi ta khwita hi milenge mimbirhi ku fikela rini? Loko HOSI Xikwembu xi ri Xikwembu hakunene, tirhelani xona. Kambe loko Baali a ri Xikwembu, tirhelani yena.” Kambe a nga hlamuriwanga hi munhu.

2 TIHOSI 17:32

Kambe vanhu lava, hi tlhelo rin'wana a va khongela HOSI Xikwembu, kutani va tihlawulela van'wana exikarhi ka vona ku va vaprista va switsunga leswo hlawuleka, ni ku humesela vanhu magandzelo etindlwini ta le switsungeni.

2 TIHOSI 17:33

Hi mukhuva wolowo, a va khongela HOSI Xikwembu, swin'we ni ku tirhela swikwembu swa ka vona, ku fana ni vaaki va matiko lava va humeke eka wona.

2 TIHOSI 17:41

Kutani vamatiko lava va khongerile HOSI Xikwembu swin'we ni ku tirhela swikwembu swa vona swa hava. Hambi va ri vana va vona ni vatukulu va vona, va endlise sweswo; ku fikela ni namuntlha, va ha endlisa sweswi vakokwa wa vona a va endla swona.

2 TIHOSI 23:12

Yosiyasi a hindzimuxa tialitari ta le lwangwini ra yindlu ya xithezi ya Akazi, leti a ti akiwile hi tihosi ta Yuda, a hindzimuxa ni tialitari leti akiweke hi Manase eswivaveni swimbirhi swa yindlu ya HOSI Xikwembu, a ti fayetela kwalaho, a cukumeta maribye ya kona enkoveni wa Kidroni.

Esaya 22:1

Lawa i mahungu hi tlhelo ra Nkova wa Swivono: Xana swi lo yini ke, leswi mi khandziyeke eswihlungwanini swa tindlu hinkwenu ke?

Esaya 44:5

Un'wana ú ta ku: ‘Ndzi wa HOSI Xikwembu’, un'wana ú ta tithya vito ra Yakobo, un'wana ú ta tsala vito ra Hosi Xikwembu evokweni ra yena, a tivitana hi xivongo xa Israele.”

Esaya 45:23

Leswi ndzi swi vulaka, swi tiyile, swi nga ka swi nga hundzuluxiwi. Ndzi tibohile hi ku hlambanya, ndzi ku: ‘Vanhu hinkwavo va ta ndzi nkhinsamela, hinkwavo va ta tiboha ku ndzi tirhela.’

Esaya 48:1

N'wina va ka Yakobo, rhiyani ndleve, ndzi vula n'wina mi thyiweke vito ra Israele, n'wina mi humaka erixakeni ra Yuda: Mi tiyisa leswi mi swi hlambanyaka hi vito ra HOSI Xikwembu xa Israele, mi tivula vanhu va xona, kambe swilo leswi a mi swi vuli swi huma etimbilwini ta n'wina.

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Yeremiya 19:13

Tindlu ta Yerusalema ni ta tihosi ta Yuda ti ta nyamisiwa ku fana ni ndhawu leyi ya Tofete leyi nyamisiweke hi mintsumbu, hikuva Vaisraele va khandziyile emalwangwini ya tindlu ta kona, va ya gandzela dyambu ni n'weti ni tinyeleti hi ku swi hisela mirhi ya risuna; hambi swi ri swikwembu swimbe, va swi humesele kona emagandzelo ya swakunwa.’ ”

Yeremiya 32:29

Vakalediya lava lwaka ni muti lowu, va ta ta va ta wu hisa wu tshwa hinkwawo, ku tshwa tindlu leti Vaisraele va khandziyaka emalwangwini ya tona, va ya hisela Baali emirhi ya risuna, va humesela ni swikwembu swimbe emagandzelo ya swakunwa, va endlela ntsena ku ndzi hlundzukisa.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Yeremiya 49:1

Ta Vaamoni hi leti: HOSI Xikwembu xi vurisa sweswo xi ri: “Lava gandzelaka Milikomo xikwembu xa Vaamoni va tekise ku yini tiko ra Gadi, va tshamisise ku yini emitini ya kona xana? Xana exikarhi ka Vaisraele a ku na vavanuna lava fanelaka ku teka tiko leri ri va ra vona ke?

Yeremiya 5:2

Hambiloko va tiboha hi ku vula va ku: ‘HOSI Xikwembu xi kona!’ ku hlambanya ka vona i mavunwa ntsena.”

Yeremiya 5:7

HOSI Xikwembu xi ri: “We Yerusalema, xana ndzi ta ku rivalela loko swi te yini? Vaaki va wena va ndzi tshikile, va hlambanya hi vito ra swikwembu swa hava. Ndzi va phamerile va dya va xurha, kambe a va tshembekanga; va tate minkondzo emitini ya tinghwavava,

Yeremiya 7:10

Loko mi tiyimiserile ku ya emahlweni mi endla swilo leswi hinkwaswo swa manyala, xana mi nga ha ta mi ta yima emahlweni ka mina, endlwini leyi vito ra mina ri gandzeriwaka eka yona, mi ku: ‘Hina hi hlayisekile!’ xana?

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Yeremiya 8:2

kutani ma ta hangalasiwa erivaleni, ehansi ka dyambu ni n'weti ni tinyeleti hinkwato, swi nga swilo leswi Vaisraele va swi rhandzaka ni ku swi tirhela, leswi va swi landzelelaka, va swi vutisa timhaka ni ku swi nkhinsamela. Marhambu lawa a ma nga ha hlengeletiwi kumbe ku lahliwa emasirheni, kambe ma ta fana ni vulongo loko byi cheriwile emasin'wini.

Hosiya 10:2

Timbilu ta vona ti tele vukanganyisi, kutani va ta dlawela milandzu ya vona. Xikwembu xi ta mbindzimuxa tialitari ta vona, xi fayetela ni maribye ya vona ya vukhongeri bya hava.

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

Amosi 5:26

Sweswi, tekani swifaniso swa swikwembu leswi mi tiendleleke swona, xi nga xa Sakuti murhangeri wa kona, ni xa Kayiwani xikwembu xa nyeleti;

Matewu 6:24

“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Timhaka 10:9

Siku leri tlhandlamaka, loko va ha ri ndleleni, va ri karhi va tshinelela muti wa Yopa, Petro a khandziya ehenhla ka lwangu hi nkarhi wa nhlekanhi, a ya khongela.

Varhoma 14:11

Hikuva eMatsalweni, Hosi yi ri: “Mina ndza hanya, hikokwalaho vanhu hinkwavo va ta ndzi nkhinsamela, hinkwavo va ta ku, ndzi Xikwembu.”

Duteronoma 10:20

Mi fanele ku chava HOSI Xikwembu xa n'wina, mi xi tirhela, mi namarhela xona, mi hlambanya hi vito ra xona.

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Yoxuwa 23:7

kutani mi nga ka mi nga hlangani-hlangani ni vamatiko lava va ha saleke exikarhi ka n'wina, kumbe ku vulavula hi swikwembu swa vona, kumbe ku hlambanya ha swona, kumbe ku swi gandzela, ni ku swi nkhinsamela mi nga ka mi nga swi nkhinsameli.