Sofoniya 1:16 - BIBELE Mahungu Lamanene

¹⁶ Esikwini rero, ku ta twala mhalamhala, masocha ma ta vitanana, ma hlasela makhokholo layo tiya ni swihondzo leswo leha.

Xitsonga (Bibele)

¹⁶ I siku ra mhalamhala ni ra nkosi lowu tlhavelaka miti leya makhokholo ni ya marhangu layo tlakuka.

Sofoniya 1:16 Iomraidhean Croise

Esaya 27:13

Enkarhini wolowo ku ta biwa mhalamhala, kutani lava nga lahleka va ya etikweni ra Asiriya, ni lava hlongoriweke va ya le Egipta, va ta vuya, va ta gandzela HOSI Xikwembu va ri entshaveni leyo hlawuleka ya le Yerusalema.

Esaya 32:14

Entsindza a ku nga ha vi na munhu, muti lowu a wu tshama vanhu lavo tala wu ta hundzuka rhumbi; xintshabyana ni xihondzo xa varindzi, swi ta hundzuka kaya ra swiharhi hilaha ku nga heriki, timangwa ti ta tlalamba-tlalamba kona, ni tinyimpfu ti ta dyela kona.

Esaya 59:10

Loko hi lava khumbi, ho ambambela kunene, hi gugurhuteka ku fana ni munhu wo fe mahlo; hambi wu ri nhlekanhi, hi khuguka hi wa wonge hi loko ri perile; exikarhi ka vanhu va matimba ho va masirha ya le handle.

Yeremiya 6:1

N'wina va ka Benjamini, humani emutini wa Yerusalema, tsutsumani mi ya tumbela. Banani mhalamhala mi ri eTekowa, tshivelani ndzilo wa xitsundzuxo le Beta-Hakereme, hikuva valala va ta hi le n'walungwini, va tela ku ta onhetela hinkwaswo.

Yeremiya 8:16

Valala va fikile eDani, hi twa ku rila ka tihanci ta vona, mpfumawulo wa kona wu tsekatsekisa tiko hinkwaro. Va tela ku ta herisa tiko ni hinkwaswo leswi nga ka rona; va ta herisa muti ni vaaki va wona!”

Ezekiele 7:7

N'wina vaaki va tiko, ku hela ka n'wina ku fikile, nkarhi wa kona hi wona lowu; ri tile siku ra mpfilumpfilu, ni ra ku hela ka minkulungwana emagangeni.

Hosiya 5:8

Chayani nanga eGibeya, eRhama banani mhalamhala, yi mbvungunyiseni le Beta-Avene! Mi fikeriwile, n'wina va ka Benjamini!

Hosiya 8:1

Bana mhalamhala! Valala va lava ku juma tiko ra Israele ku fana ni magama; hikuva vanhu va tshovile ntwanano wa mina, va tlula ni nawu wa mina.

Yuwele 2:1

Banani mhalamhala eSiyoni, yi mbvungunyiseni entshaveni leyo hlawuleka ya HOSI! Vaaki hinkwavo va tiko a va rhurhumele, hikuva siku ra HOSI ra ta, ri kwala kusuhi.

Amosi 3:6

Xana loko ku biwa nyandayeyo emutini, vanhu va nga tshika ku tsemeka nhlana xana? Khombo rona, xana ri nga wela muti, loko ri nga rhumeriwanga hi HOSI ke?

Habakuku 3:6

Loko a yima, misava ya tsekatseka; loko a languta vamatiko, va rhurhumela. Tintshava leti nga riki na ku hela, ti mbundzumuka, ni switsunga swa khale swi mbombomela, swi nga leswi a a famba-famba eka swona khale.

Duteronoma 28:52

“Va ta mi rhendzela emitini ya n'wina hinkwayo; makhokholo layo leha lama tiyeke lawa mi tshembeke wona, va ta ma mbundzumuxa ma wela ehansi, etikweni hinkwaro leri HOSI Xikwembu xa n'wina xi mi nyikaka rona.

Yoxuwa 6:20

Kutani Vaisraele va huwelela, timhalamhala na tona ti ri karhi ti biwa. Kuteloko Vaisraele va twa mpfumawulo wa mhalamhala, va huwelela swinene, kutani rirhangu ra muti ri wela hansi, Vaisraele va nghena emutini, un'wana ni un'wana a kongoma kwala a langutaneke na kona, kutani va teka muti wa Yeriko,