Sofoniya 1:13 - BIBELE Mahungu Lamanene

¹³ Kambe rifuwo ra vona ri ta phanghiwa, tindlu ta vona ti ta biwa ti wa; hambi va nga aka tindlu, va nge tshami ka tona, hambi va nga rima masimu ya vhinya, vhinyo ya kona va nge yi nwi.”

Xitsonga (Bibele)

¹³ Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

Sofoniya 1:13 Iomraidhean Croise

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Yeremiya 15:13

HOSI Xikwembu xi engeta xi ku: “N'wina Vaisraele, ndzi ta nyiketa rifuwo ra n'wina ni xuma xa n'wina eka valala, va swi phangha, ndzi mi bela swidyoho swa n'wina hinkwaswo leswi tateke tiko ra n'wina.

Yeremiya 17:3

N'wina mi khongelaka le handle etintshaveni, tivani leswaku ndzi ta nyiketa rifuwo ra n'wina ni xuma xa n'wina hinkwaxo eka valala, va swi phangha, hikwalaho ka swidyoho leswi mi swi endlaka, eswitsungeni leswo hlawuleka swa tiko ra n'wina hinkwaro.

Yeremiya 4:20

Makhombo mo landzelelana kunene, tiko hinkwaro ri hundzuka rhumbi. Mintsonga ya hina ni minceka ya kona, swi hahluriwile hi ku copeta ka tihlo.

Yeremiya 4:7

Nghala yi humile exihlahleni, muhlaseri wa matiko ú hlomile matlhari, a suka ekaya ka yena leswaku a ta hlasela tiko ra n'wina a ri hundzula mananga, miti ya n'wina ú ta yi endla marhumbi, ku nga ha tshami munhu eka yona.

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”

Yeremiya 9:11

HOSI Xikwembu xi ri: “Muti wa Yerusalema ndzi ta wu endla rhumbi, wu ta hundzuka bako ra timhungubye; miti ya tiko ra Yuda ndzi ta yi hundzula mananga, a ku nga ha tshami munhu eka yona.”

Yeremiya 9:19

Ku twala huwa ya nkosi eSiyoni leyi nge: “Hi dlawile! Hakunene hi khomiwe hi tingana; hi fanele ku sukela tiko ra hina, hikuva valala va wisile tindlu ta hina.”

Swirilo 5:2

Ndzhaka ya hina yi nyikiwile vamatiko, miti ya hina yi tekiwile hi swi-ta-swi-famba.

Ezekiele 22:31

Hikokwalaho ndzi chululerile vukari bya mina ehenhla ka vona; ndzi va herisile hi ndzilo wa ku hlundzuka ka mina, ndzi va ba hikwalaho ka swiendlo swa vona. Ndzi vula sweswo mina HOSI N'wini wa hinkwaswo.”

Ezekiele 7:19

Va ta cukumeta silivhere ya vona etaleni, nsuku wa vona wu hundzuka thyaka; rifuwo leri ra vona ri nge va kutsuli esikwini leri ndzi nga ta va hlundzukela mina HOSI; a va nga koti ku dya rona va xurha, va nge tati makhwiri ya vona ha rona. Hakunene, silivhere ni nsuku hi swona leswi swi va dyohiseke:

Ezekiele 7:21

Ndzi ta ri nyiketa emavokweni ya vamatiko va ri teka, swigevenga swo huma kule swi ta ri phangha, swi tlanga ha rona.

Ezekiele 7:24

Hikokwalaho ndzi ta tisa vamatiko lavo karhata ngopfu, va ta teka tindlu hinkwato ta muti. Ndzi ta pfala nomo wa lava tivulaka tinhenha, ndzi onhetela ni tindhawu leto hlawuleka ta muti.

Amosi 5:11

Mi akile tindlu hi maribye lama vatliweke, kambe mi nga ka mi nga etleli eka tona; mi rimile masimu layo saseka ya vhinya, kambe mi nga ka mi nga nwi vhinyo ya kona, hikuva mi tshikelela vapfumari, mi va tekela mavele hi nkani.

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.

Mikiya 6:15

Masimu mi ta rima, kambe a mi nga tshoveli; mihandzu ya mirhi ya mitlhwari mi ta khuvuta, kambe a mi nga toli mafurha ya kona; ni mihandzu ya vhinya mi ta pyanyela, kambe vhinyo ya kona a mi nga yi nwi.

Sofoniya 1:9

Hi siku rero, ndzi ta ba hinkwavo lava chavaka ku khandziya xihukuva xa yindlu ya n'wini wa vona, kambe va nga chavi ku nghenisa endlwini leyi leswi va swi kumeke hi tihanyi ni vuxisi.”

Duteronoma 28:30

“Vasati mi ta vuta, kambe vavanuna van'wana va ta va pfinya va etlela na vona; ni tindlu mi ta aka, kambe mi nge tshami eka tona; ni masimu ya vhinya mi ta rima, kambe mi nge yi voni mihandzu ya kona.

Duteronoma 28:39

Mi ta byala vhinya mi tlhela mi hlakulela, kambe mihandzu ya kona a mi nga dyi, hambi ku nwa vhinyo ya kona a mi nga nwi, hikuva swivungu swi ta va swi dyile.

Duteronoma 28:51

Va ta dya leswi tswariweke hi swifuwo swa n'wina, va dya ni ntshovelo wa masimu ya n'wina, mi kondza mi herisiwa. Va ta mi tekela hinkwaswo: Mavele, ni vhinyo, ni mafurha, ni leswi velekiweke hi swifuwo swa n'wina leswikulu ni leswitsongo, va ko va mi lovisa.