Risimu ra Tinsimu 7:4 - BIBELE Mahungu Lamanene

⁴ Nhamu ya wena yi fana ni khokholo leri akiweke hi matino ya ndlopfu. Mahlo ya wena i mativa ya le Hexiboni lama nga kusuhi ni nyangwa ya Beta-Rabimi. Nhompfu ya wena yona yi fana ni xihondzo xa Lebanoni, lexi langutaneke ni muti wa Damaska.

Xitsonga (Bibele)

⁴ Mavele ya wena ma fana ni timhala letitsongo, Ma kotisa mahahla ya ntswele ya mbavala.

Risimu ra Tinsimu 7:4 Iomraidhean Croise

Genesa 15:2

Kambe Abrama a hlamula a ku: “We Xikwembu N'wini wanga, xana u to ndzi nyika yini, hikuva ku fikela sweswi a ndzi si va na n'wana, kutani loyi a nga ta dya ndzhaka ya mina i Eliezere wa le Damaska.”

2 SAMIELE 8:6

Kutani Davhida a veka mintlawa ya varindzi leswaku va rindza Vasiriya va le Damaska; kwalaho Vasiriya va va ehansi ka mfumo wa Davhida, va humesa ndzuvo va n'wi luva. HOSI Xikwembu a xi nyika Davhida ntamu wa ku hlula valala va yena, hinkwako lomu a a famba a ya lwa kona.

1 TIHOSI 10:18

Hosi yi vatla ni xiluvelo lexikulu hi matino ya tindlopfu, a xi nameka nsuku lowo tenga.

1 TIHOSI 10:22

Mhaka hi leswaku hosi a yi rhumela tingalava ta yona letikulu ematikweni ya le kule, ti longoloka ni tingalava ta hosi Hiramu. Kutani tingalava letikulu leti a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

1 TIHOSI 22:39

Kutani ke, mintirho leyin'wana ya Akabu, ni hinkwaswo leswi a swi endleke, ni ta yindlu leyi a yi akeke yo sasekisiwa hi matino ya tindlopfu, ni ta miti hinkwayo leyi a yi akeke, swi tsariwile eka “Buku ya Matimu” ya tihosi ta Israele.

1 TIHOSI 7:2

A aka yindlu leyi vuriwaka “Xihlahla xa Lebanoni”; yindlu leyi a yi lehile 50 m ku ya endzeni, yi anamile 25 m, ku ya ehenhla a yi ri 15 m. Yi akiwa yi ri ni tinxaxa ta mune ta tiphuphu ta murhi wa kedari, kutani tiphuphu leti ti rhwala timhandze ta lwangu, ta murhi wa kedari na tona.

1 TIHOSI 9:19

A engeta a aka miti hinkwayo leyi tinhundzu ta yena ni makalichi ya yena a swi hlayisiwa eka yona, ni miti leyi vagadi va yena va tihanci a va tshama eka yona, ni hinkwaswo leswi a naveleke ku swi aka eYerusalema, ni le Lebanoni, ni le tindhawini hinkwato leti fumiwaka hi yena.

2 TIKRONIKA 8:6

Solomoni a pfuxa ni muti wa Baalata, a engeta a aka ni miti hinkwayo leyi tinhundzu ta yena ni makalichi ya yena ya nyimpi a swi hlayisiwa eka yona, ni miti leyi vagadi va tihanci a va tshama eka yona. Solomoni ú akile hinkwaswo leswi a swi rhandzeke, eYerusalema, ni le Lebanoni, ni le tindhawini hinkwato leti fumiwaka hi yena.

Pisalema 144:12

Vana va hina va xinuna a va fane ni mirhi leyi nga mila yi tiya ku sukela loko yi byariwile; vana va hina va xisati a va fane ni timhandze leti vatliweke ta yinhla, leti sasekisaka tindlu ta vuhosi.

Pisalema 45:8

Swiambalo swa wena hinkwaswo swi n'wan'waseriwile mirhi ya risuna ya mirha ni mhangana. Etindlwini leto saseka ta le ntsindza, ku twala mpfumawulo wa swichaya-chayani leswi swi ku tsakisaka.

Risimu ra Tinsimu 1:10

Misisi ya wena leyi lukiweke ya ku sasekela, nhamu ya wena yi bombisiwile hi vuhlalu bya nkoka.

Risimu ra Tinsimu 4:1

Murhandziwa, u mpama, wo va mbhurhi ya ku vatlwa; endzeni ka nturhu, mahlo ya wena ma fana ni ya matuva; misisi ya wena yi fana ni ntlhambi wa timbuti leti rhelelaka ti suka entshaveni ya Giliyadi.

Risimu ra Tinsimu 4:4

Xinhan'wana xa wena onge i xihondzo xa Davhida lexi akiweke hi maribye, laha ku hayekiwaka switlhangu swa madzana-dzana, hinkwaswo swi ri swa tinghwazi.

Risimu ra Tinsimu 4:5

Mavele ya wena hi vumbirhi bya wona ma fana ni swimbavalana swimbirhi leswi tswariweke siku rin'we, swi dyelaka exikarhi ka swiluva.

Risimu ra Tinsimu 6:5

U nga ndzi languti, hikuva mahlo ya wena ma ndzi heta matimba. Misisi ya wena yi fana ni ntlhambi wa timbuti, leti rhelelaka ti suka entshaveni ya Giliyadi.

Esaya 54:4

“U nga chavi, hikuva a wu nga ha khomiwi hi tingana; u nga tipandzisi nhloko, hikuva a wu nga ha vangeriwi leswi nga ta ku nyumisa; tingana leti u veke na tona loko wa ha ri ntsongo, u ta ti rivala, ni leswaku a wu hlekuriwa loko u nga ha ri na nuna, a wu nga ha swi tsundzuki.

Vaheveru 5:14

Kambe swakudya leswi tiyeke i swa lava kuleke, i swa lava miehleketo ya vona yi vupfeke, lava toloveleke ku hlawula leswinene eka leswo biha.