Risimu ra Tinsimu 5:2 - BIBELE Mahungu Lamanene

² A ndzi etlele, kambe mbilu a yi nga ri kona evurhongweni. Ndzi twa ku gongondza ka murhandziwa: Ú ri: “Ndzi pfulele murhandziwa, we xiluva xanga, wena xituvana xa mina lexi hetisekeke, hikuva nhloko ya mina yi tsakamile hi mberha, misisi ya mina yi thoneriwile hi mathonsi ya vusiku.”

Xitsonga (Bibele)

² A ndzi etlela, kambe mbilu ya mina a yi sisimuka, I rito ra murhandziwa wa mina la gongondzaka, A ku: “Ndzi pfulele, makwerhu, murhandziwa wanga, Tuva ra mina, mukwetsimi wanga! Hikuva nhloko ya mina yi tele hi mberha, Misisi ya mina yi tsakamile hi mathonsi ya vusiku.”

Risimu ra Tinsimu 5:2 Iomraidhean Croise

Genesa 29:20

Kutani Yakobo a tirha malembe ya 7 leswaku a ta kuma Rahele. Eka Yakobo, malembe lawa a ma vonaka wonge mo va masiku ma nga ri mangani, hikuva a a rhandza Rahele swinene.

Pisalema 119:1

Ku katekile vanhu lava mahanyelo ya vona ma tengeke, lava landzaka nawu wa HOSI.

Pisalema 81:10

Hi mina HOSI Xikwembu xa n'wina lexi xi mi humeseke etikweni ra Egipta: kangatelani mavoko ya n'wina, ndzi ta mi phamela.

Swivuriso 23:26

N'wananga, ndzi yingise swinene, u tekelela leswi ndzi swi endlaka,

Risimu ra Tinsimu 1:16

Murhandziwa, u mpohlo, wo va mbhurhi ya jaha hakunene! Hi ta wisa ebyanyini bya rihlaza.

Risimu ra Tinsimu 2:10

Murhandziwa wa mina wa ndzi vitana, ú ri: “Tana hi famba, xiluva xanga, suka u yima, we murhandziwa,

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Risimu ra Tinsimu 2:8

Ndzi twa rito ra murhandziwa, hi luyaa, wa karhi wa ta, ú thamuka-thamuka tintshava, a tlula-tlula ni switsunga.

Risimu ra Tinsimu 3:1

Nivusiku loko ndzi etlele, ndzi n'wi vitanile murhandziwa wa mbilu yanga, ndzi n'wi lavile, kambe a ndzi n'wi kumanga. [Ndzi vitanile, kambe a nga pfumelanga.]

Risimu ra Tinsimu 4:7

Murhandziwa, u xongile swinene, a xi kona lexi solekaka eka wena.

Risimu ra Tinsimu 4:9

U ndzi yivile mbilu, we murhandziwa, nhwana wanga; loko u ndzi tlhava hi tihlo, wa ndzi tsakisa, vuhlalu lebyi u byi ambaleke byi ndzi koka mahlo.

Risimu ra Tinsimu 5:11

Nhloko ya yena i nsuku lowu tengeke, misisi ya yena yi songekile, yi ni ntima wa wukuwuku.

Risimu ra Tinsimu 5:6

Ndzi pfulela murhandziwa wa mina, kambe a a sukile a famba. Loko a hundzuluka a ndzi komba xikosi, ndzi helela hi matimba. Ndzi n'wi lavile, kambe a ndzi n'wi kumanga, ndzi n'wi vitanile, kambe a nga pfumelanga.

Risimu ra Tinsimu 6:9

kambe mina ndzi tirhandzela ntsena xituvana xa mina, lexi hetisekeke, lexi ngo va xoxe eka mana wa xona, lexi mana wa xona a xi tivaka xi nga ri na xivati. Loko vanhwana va n'wi vona, va n'wi vula la katekeke, tinkosikazi ni vasati lavatsongo va n'wi dzunisa, va ku:

Risimu ra Tinsimu 7:9

Onge ku ntswontswa ka wena ku nga fana ni vhinyo leyo tsokombela leyi rhelelaka khwatsi emilon'weni ni le menweni.

Risimu ra Tinsimu 8:7

Mati hambi ma tarisile ku yini, ma nge ri timi rirhandzu, hambi yi ri ndhambi, yi nge ri khukhuli. Hambiloko wanuna a nga ringeta ku xava rirhandzu hi rifuwo ra yindlu ya yena hinkwaro, makumo ya kona ku to va ku soriwa ntsena.

Esaya 50:6

Ndzi pfumerile ku korhama ndzi biwa hi valala, ni loko va ndzi hlurhulela malebvu, ndzi kangaterile; a ndzi chavanga ku rhuketeriwa ni ku tshwuteriwa marha.

Esaya 52:14

Vanhu vo tala va tsemekile nhlana loko va n'wi vona, hikuva nghohe ya yena a yi nga languteki; a a nga fani na vanhu van'wana.

Daniele 8:18

“Loko a ri karhi a vulavula na mina, a ndza ha wile hi mombo ndzi titivarile, kutani a ndzi khoma a ndzi yimisa kwala a ndzi ri kona,

Zakariya 4:1

Ntsumi leyi a yi vulavula na mina, yi tlhela yi ta yi ta ndzi hlakahla, ku fana ni loko ku pfuxiwa munhu evurhongweni.

Matewu 7:8

hikuva un'wana ni un'wana la kombelaka, wa nyikiwa; la lavaka wa swi kuma; ku ta pfuleriwa la gongondzaka.

Matewu 8:17

leswaku ku endleka leswi nga vuriwa hi muprofeta Esaya la nga te: “Ú titekele mahlomulo ya hina, a tirhwexa ni mavabyi ya hina.”

Marka 1:35

Yesu a vindzuka swinene a huma emutini, a ya mananga a ya khongela kona.

Luka 22:44

Kakuloko a ri emaxangwini lamakulu, a khongela hi matimba ngopfu, nyuku wa yena wu ko wu xiririka, wu fana ni mathonsi ya ngati lama tshonelaka emisaveni.]

Luka 6:12

Emasikwini lawa Yesu a ya entshaveni ku ya khongela; kutani a tshama vusiku hinkwabyo a ri karhi a khongela Xikwembu.

Luka 9:32

Petro ni lava a va ri na yena a va khomiwile hi vurhongo; kambe loko va sisimuka, va vona Yesu a vangama, va vona ni vavanuna vambirhi va yimile na yena.

Yohane 10:4

Loko a humesile leti nga ta yena hinkwato, a ti rhangela emahlweni, kutani tinyimpfu ta n'wi landzelela, hikuva ti tiva rito ra yena.

Vagalatiya 2:20

hikokwalaho, a nga ha ri mina la hanyaka, kambe i Kriste la hanyaka eka mina. Sweswi, loko ndzi hanya emirini, ndzi hanya hi ku pfumela, ku nga ku pfumela eka N'wana wa Xikwembu loyi a ndzi rhandzeke, a va a tinyiketa hikwalaho ka mina.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

Nhlavutelo 3:20

Vona, ndzi yimile enyangweni, ndza gongondza. Loko un'wana a twa rito ra mina a pfalula nyangwa, ndzi ta nghena endlwini ya yena ndzi dya na yena, na yena ú ta dya na mina.

Nhlavutelo 3:4

Hambiswiritano, wa ha sele ni mavito ya vanhu va nga ri vangani le Sarda, lava nga nyamisangiki tinguvu ta vona. Kutani va ta famba na mina va ambele swo basa, hikuva swi va lulamerile.