Risimu ra Tinsimu 5:1 - BIBELE Mahungu Lamanene

¹ Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

Xitsonga (Bibele)

¹ Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

Risimu ra Tinsimu 5:1 Iomraidhean Croise

Genesa 37:25

Kutani va ya tshama ehansi va dya swakudya. Kuteloko va tlakusa mahlo, va vona ntlawa wa Vaiximaele lava a va huma eGiliyadi, va ri ni tikamela leti rhwaleke mirhi ya nkoka ni ya risuna ya tinxaka-xaka, va yi yisa etikweni ra Egipta.

Pisalema 147:11

kambe xi tsakela lava va xi chavaka, lava tshembaka rirhandzu ra xona.

Pisalema 16:3

Loko swi ri swikwembu leswi va nge “swi hlawulekile” laha tikweni, ni leswi va nge “swi ni matimba”, leswi khale a ndzi swi tsakela, ndzi ri,

Swivuriso 24:13

N'wananga, dyana vulombe, hikuva i byinene, ni xihlenge xa byona, a hi ku tsokombela ka xona.

Swivuriso 9:5

“Tana hi ta dya swin'we, hi nwa vhinyo leyi ndzi yi hlanganiseleke.

Eklesiasta 2:5

Ndzi biyerile mintanga, ndzi byala ni mirhi leyo tala ya mihandzu ya tinxaka-xaka.

Risimu ra Tinsimu 1:13

Murhandziwa wa mina yena, ú fana ni xinkwamana xa mirhi ya risuna lexi vekiweke exikarhi ka mavele ya mina.

Risimu ra Tinsimu 4:16

We moya wa le n'walungwini, pfuka, na wena moya wa le dzongeni, tana! Hungelani entangeni wa mina, mi hangalasa ku nun'hwela ka wona, leswaku murhandziwa a ta ta entangeni wa yena, a ta dya mihandzu ya wona leyo nandziha.

Risimu ra Tinsimu 4:8

Suka la Lebanoni, hi famba swin'we, wena nhwana wa mina, a hi fambe swin'we hi suka laha Lebanoni. Sukela nhlohlorhi ya ntshava ya Amana, ni ya Seniri ni ya Hermoni, u huma ekheleni ra tinghala, u suka ni le tintshaveni ta tiyingwe.

Risimu ra Tinsimu 6:11

Ndzi rhelerile ndzi ya entangeni wa le minkanyini ku ya hlalela swiluva swa le nkoveni, ni ku vona loko vhinya yi hlukile, ni loko mirhi ya magrenada yi balekile swiluva.

Risimu ra Tinsimu 6:2

Murhandziwa wa mina ú rhelele entangeni wa yena, laha ku byariweke swinun'hweriso, a ya risela kona ntlhambi wa yena, ni ku hlengeleta swiluva.

Risimu ra Tinsimu 8:1

Loko a wo va makwerhu loyi hi nga lo mama vele rin'we, a ndzi to na hlangana na wena ehandle, ndzi ku ntswontswa, ku nga ri na munhu loyi a nga ta ndzi sola.

Risimu ra Tinsimu 8:13

Wena u tshamaka entangeni wa mina, vanghana va mina va lava ku twa rito ra wena, na mina ndza swi lava ku ri twa.

Esaya 23:18

Mali leyi vaaki va Tiri va nga ta yi kuma emabindzwini ya vona, va ta yi nyiketa eka HOSI Xikwembu; a yi nga hlengeletiwi yi vekiwa, kambe yi ta tirha ku xava swakudya leswo tala ni swiambalo leswo saseka, swi nyikiwa lava tirhelaka HOSI Xikwembu.

Esaya 5:1

Yingisani, ndzi yimbelela risimu ra murhandziwa wanga, hi tlhelo ra nsimu ya vhinya ya yena leyi a a yi rhandza. Murhandziwa wanga a a ri ni nsimu ya vhinya exintshabyanini xa misava yo nona swinene.

Esaya 51:3

“Muti wa Yerusalema, ndzi ta wu tiyisa mina HOSI, vanhu hinkwavo lava tshamaka emarhumbini ya wona, ndzi ta va twela vusiwana. Tindhawu ta wona leti hundzukeke mananga, ndzi ta ti hundzula ti fana ni ntanga wa Edeni; lomu ku omeke, ku ta fana ni ntanga wa mina. Muti lowu wu ta tala hi ntsako ni minkhuvo, eka wona ku ta twala minkulungwana ni tinsimu ta ku nkhensa.

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Esaya 58:11

Mina HOSI, ndzi ta mi rhangela emahlweni minkarhi hinkwayo, ndzi mi nyika swilo hinkwaswo leswinene leswi mi swi navelaka, ndzi tlhela ndzi mi tiyisa; mi ta fana ni ntanga lowu kumaka mati yo ringana, mi kota xihlovo lexi mati ya xona ma nga phyiki.

Esaya 61:11

HOSI N'wini wa hinkwaswo ú ta endla leswaku ku lulama ni ku dzuneka swi humelela emahlweni ka vanhu va matiko hinkwawo, tani hileswi misava yi mirisaka swimila, ni mintanga yi hlukisaka leswi byariweke eka yona.

Esaya 65:13

Hikokwalaho, HOSI N'wini wa hinkwaswo ú vurisa sweswo ú ri: “Vonani, malandza ya mina ma ta dya ma xurha, kambe n'wina mi ta fa hi ndlala; malandza ya mina ma ta kuma ni swo nwa, kambe n'wina mi ta fa hi torha; malandza ya mina ma ta tsaka, kambe n'wina mi ta khomiwa hi tingana.

Esaya 66:14

Mi ta tsaka loko mi vona swilo leswi swi humelela; mi ta tiya, mi tsakisa kukota byanyi bya rihlaza; kutani swi ta tiveka leswaku mina HOSI ndzi hlayisa lava va nga malandza ya mina, kambe valala va mina vona ndza va hlundzukela.”

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Luka 12:4

“Ndzi byela n'wina mi nga vanakulorhi ndzi ri: Mi nga tshuki mi chava lava dlayaka miri, va ri hava leswi va nga engetaka va swi endla ku tlula sweswo.

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

Timhaka 11:29

Kutani vadyondzisiwa va twanana leswaku un'wana ni un'wana wa vona, ú ta rhumela leswi a swi kotaka ku pfuna vamakwavo lava akeke etikweni ra Yudiya.

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

Vaavanyisi 14:11

Kuteloko Vafilista va vona Samsoni, va rhumela majaha ya 30 ku ya tshama na yena.

Vaavanyisi 14:20

Hiloko va sala va teka nsati wa Samsoni, va n'wi nyika munghana wa yena, loyi a a ri nxangwana ya yena.