Risimu ra Tinsimu 3:6 - BIBELE Mahungu Lamanene

⁶ Xana i ncini lexi taka hi tlhelo ra mananga, xo fana ni papa ra musi, xi n'wan'waseriwile mafurha ya mirha ni mirhi ya risuna, ni swinun'hweriso hinkwaswo leswi xavisiwaka, xana?

Xitsonga (Bibele)

⁶ I mani loyi a humelelaka emananga Ku fana ni hunguva ya musi, La nun'hwelaka hi mirha ni mirhi ya risuna, Ni maakha hinkwawo ya vaxavisi xana?

Risimu ra Tinsimu 3:6 Iomraidhean Croise

Eksoda 30:34

Kutani HOSI Xikwembu xi ku ka Muxe: “Lava swinun'hweriso leswi: Murhi wa ‘sitakita’, ni wa ‘onika’, ni wa ‘galibanumi’, ni swinun'hweriso leswi cheriwaka eka murhi wa risuna lowo tenga, mirhi leyi hinkwayo yi va ya mpimo wun'we lowu ringanaka.

Swivuriso 7:17

ndzi wu n'wan'waserile mirhi yo nun'hwela ya tinxaka-xaka.

Risimu ra Tinsimu 1:13

Murhandziwa wa mina yena, ú fana ni xinkwamana xa mirhi ya risuna lexi vekiweke exikarhi ka mavele ya mina.

Risimu ra Tinsimu 1:3

Mafurha ya wena yo tola ma nun'hwela. Vito ra wena rona ri fana ni mafurha ya risuna lama chuluriwaka. Hikokwalaho vanhwana va ku rhandza.

Risimu ra Tinsimu 3:7

vonani, i Solomoni la rhwariweke exiluvelweni; ú rhendzeriwile hi tinghwazi ta 60 leti humaka exikarhi ka tinhenha ta Israele.

Risimu ra Tinsimu 4:6

Ndzi ta titshamela entshaveni ya mirhi ya mirha, ni le xitsungeni xa mirhi ya risuna, vurhonga byi ko byi tshwuka, ni dyambu ri ko ri tlhava.

Risimu ra Tinsimu 5:13

Tinhlaya ta yena ti fana ni ntanga wa swinun'hweriso leswi humesaka ku nun'hwela ko tsakisa. Milomo ya yena i swiluva leswi ntontaka mafurha ya mirha.

Risimu ra Tinsimu 5:5

kutani ndzi pfuka, ndzi ya pfulela murhandziwa wa mina. Loko ndzi khoma rivanti, swandla swa mina swi thona-thona mafurha ya mirha, lama nga tintihweni wona ma xiririka kunene.

Risimu ra Tinsimu 8:5

I mani loyi a taka hi tlhelo ra le mananga, a vukarhile murhandziwa wa yena? Ndzi ku pfuxile ehansi ka murhi wa muapula, laha mana wa wena a a lumiwa a ri kona enkarhini wa ku velekiwa ka wena, laha loyi a ku kombeke misava a a lumiwa a ri kona.

Esaya 43:19

Vonani, ndzi le ku endleni ka leswintshwa, swa karhi swa humelela, a mi swi voni xana? Ndzi ta boxa ndlela emananga, ndzi khulukisa milambu etikweni leri omeke.

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Yeremiya 31:2

“Mina HOSI, ndzi vurisa sweswo ndzi ri: Vanhu lava poneke ku dlawa hi matlhari, ndzi va tsetselerile loko va ha ri emananga, kutani va kumile ku rhula.

Hosiya 9:10

N'wina va tiko ra Israele, ndzi mi kumile mi fana ni mirhi ya vhinya emananga; vatata wa n'wina, ndzi va vonile va fana ni matatana; kambe loko va fika eBaala-Peyori, va sungurile ku tinyiketa eka Baali, va tithyakisa ku fana ni xilo lexi a va xi rhandza xo khomisa tingana.

Matewu 2:11

Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Nhlavutelo 12:14

Kambe wansati a nyikiwa timpapa timbirhi ta gama lerikulu leswaku a haha a siya nyoka leyi, a ya tumbela emananga, endhawini leyi a nga ta hlayisiwa a phameriwa ka yona malembe manharhu ni hafu.

Nhlavutelo 12:6

Kutani wansati a ya tumbela emananga, laha Xikwembu xi n'wi lunghiseleke ndhawu kona, laha a nga ta hlayisiwa a phameriwa kona, hi masiku lama ringanaka 1 260.

Nhlavutelo 18:13

sinamoni, ni swin'wana swo nandzihisa swakudya; mirhi ya risuna ya magandzelo, ni mafurha ya “mirha”, ni mirhi yin'wana yo nun'hwela; vhinyo ni mafurha, mapa ni mavele, tihomu ni tinyimpfu, tihanci ni magolonyi, mahlonga, hambi yi ri mimoya ya vanhu.

Nhlavutelo 5:8

Loko xi tekile buku, swivumbiwa leswi hanyaka swa mune ni vakulukumba va 24 va nkhinsama emahlweni ka Xinyimpfana. Un'wana ni un'wana wa vona a a ri ni haripa, ni minkambana ya nsuku leyi taleke hi murhi wa risuna, yi nga mikhongelo ya vahlawuriwa va Xikwembu.