Risimu ra Tinsimu 2:8 - BIBELE Mahungu Lamanene

⁸ Ndzi twa rito ra murhandziwa, hi luyaa, wa karhi wa ta, ú thamuka-thamuka tintshava, a tlula-tlula ni switsunga.

Xitsonga (Bibele)

⁸ I rito ra murhandziwa wanga! Vona, wa ta, U tsemakanya ehenhla ka tintshava, A tlula ehenhla ka switsunga.

Risimu ra Tinsimu 2:8 Iomraidhean Croise

2 SAMIELE 6:16

Loko Areka ya HOSI yi nghena emutini wa Davhida, Mikala N'wa-Sawulo a hlometela hi le fasitereni, a vona hosi Davhida ehansi a ri karhi a dzunisa HOSI Xikwembu, hi ku tlula-tlula ni ku cina, kutani a n'wi sola hi mbilu.

Risimu ra Tinsimu 2:17

vurhonga byi ko byi tshwuka, ni dyambu ri ko ri tlhava. Murhandziwa, vuya hi ku hatlisa, ku fana ni mhala kumbe mbavala, etintshaveni ta Betere.

Risimu ra Tinsimu 4:16

We moya wa le n'walungwini, pfuka, na wena moya wa le dzongeni, tana! Hungelani entangeni wa mina, mi hangalasa ku nun'hwela ka wona, leswaku murhandziwa a ta ta entangeni wa yena, a ta dya mihandzu ya wona leyo nandziha.

Risimu ra Tinsimu 5:2

A ndzi etlele, kambe mbilu a yi nga ri kona evurhongweni. Ndzi twa ku gongondza ka murhandziwa: Ú ri: “Ndzi pfulele murhandziwa, we xiluva xanga, wena xituvana xa mina lexi hetisekeke, hikuva nhloko ya mina yi tsakamile hi mberha, misisi ya mina yi thoneriwile hi mathonsi ya vusiku.”

Esaya 35:6

swilema swi ta tlula-tlula ku fana ni timbavala, timbheveve ti ta ba minkulungwana ya ntsako, emananga ku ta baleka mati, ni le makwandzasini ku ta khuluka milambu;

Esaya 44:23

N'wina matilo, yimbelelani, hikuva loyi a tirheke swilo leswi i HOSI Xikwembu; n'wina tindhawu leti nga marhumbyini ya misava, banani minkulungwana; sumani tinsimu mi yimbelela, n'wina tintshava, na n'wina swihlahla, yimbelelani ni mirhi ya n'wina hinkwayo, hikuva HOSI Xikwembu xi kutsurile va ka Yakobo, kutani xi ta dzunisiwa etikweni ra Israele.

Esaya 52:7

A hi ku tsakisa ka swona ku vona munhu loyi a taka hi le tintshaveni, a tisa mahungu lamanene; a tivisa vanhu leswaku ku rhula ni minkateko swi le ndleleni, a va vikela ta ku hlula loku taka, a byela vaaki va Yerusalema, a ku: “Hakunene Xikwembu xa n'wina, hi xona xi fumaka.”

Yeremiya 48:27

N'wina va le Mowabu, tsundzukani hilaha mi hlekuleke Vaisraele hakona: Loko mi kanela ta vona, a mi hlakahla tinhloko, onge hi loko mi vulavula hi ta swigevenga!

Luka 6:23

Esikwini rorero tsakani mi tsakisisa, hikuva hakelo ya n'wina yi ta va leyikulu etilweni; naswona vatata wa vona va endlisile sweswo eka vaprofeta.

Yohane 10:27

Tinyimpfu ta mina ti yingisa rito ra mina; ndza ti tiva, kutani ta ndzi landzelela.

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

Timhaka 14:10

hiloko Pawulo a tlakusa rito, a ku ka yena: “Suka, u yima hi milenge ya wena!”

Timhaka 3:8

Kutani o kàkàtsùkù, a yima a famba; a nghena eTempeleni swin'we na vona, a ri karhi a famba-famba, a tlula-tlula, a dzunisa Xikwembu,

Nhlavutelo 3:20

Vona, ndzi yimile enyangweni, ndza gongondza. Loko un'wana a twa rito ra mina a pfalula nyangwa, ndzi ta nghena endlwini ya yena ndzi dya na yena, na yena ú ta dya na mina.