Risimu ra Tinsimu 2:16 - BIBELE Mahungu Lamanene

¹⁶ Loyi i murhandziwa wa mina, na mina ndzi wa yena; ntlhambi wa yena ú wu risela exikarhi ka swiluva,

Xitsonga (Bibele)

¹⁶ Murhandziwa wa mina i wa mina, mina ndzi wa yena; U dyisela mitlhambi ya yena exikarhi ka makhon'wa,

Risimu ra Tinsimu 2:16 Iomraidhean Croise

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Pisalema 63:1

We Xikwembu, u Xikwembu xa mina, ndza ku lava, ndzi ni torha ra wena. Mina hi xiviri xa mina ndza ku rilela, ku fana ni misava leyi omeke loko yi rilela mati.

Risimu ra Tinsimu 1:7

Ndzi byele, wena murhandziwa wa mbilu yanga, ndzi kombe laha u riselaka kona, ni laha ntlhambi wa wena wu vundzaka kona ninhlekanhi. Hikwalaho ka yini mina ndzi fanele ku tsendzeleka, ndzi landzelela mintlhambi ya vanghana va wena xana?

Risimu ra Tinsimu 2:1

Mina ndzi xiluva xa le Xaroni, ndzi xiluva xa le minkoveni.

Risimu ra Tinsimu 4:5

Mavele ya wena hi vumbirhi bya wona ma fana ni swimbavalana swimbirhi leswi tswariweke siku rin'we, swi dyelaka exikarhi ka swiluva.

Risimu ra Tinsimu 6:2

Murhandziwa wa mina ú rhelele entangeni wa yena, laha ku byariweke swinun'hweriso, a ya risela kona ntlhambi wa yena, ni ku hlengeleta swiluva.

Risimu ra Tinsimu 6:3

Mina ndzi wa murhandziwa wa mina, na yena i wa mina, yena la riselaka exikarhi ka swiluva.

Risimu ra Tinsimu 7:10

Mina ndzo va wa murhandziwa, na yena ú navela mina ntsena.

Risimu ra Tinsimu 7:11

Murhandziwa, tana, a hi ye enhoveni, hi ya etlela eswigungwanini.

Risimu ra Tinsimu 7:13

Marhanga ya rirhandzu ma humesa ku nun'hwela, etinyangweni hinkwato ta hina ku ni mihandzu ya tinxaka-xaka, leyo cindzuka ni leyo vupfa, leyi ndzi yi vekeleke wena, murhandziwa wanga.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Vagalatiya 2:20

hikokwalaho, a nga ha ri mina la hanyaka, kambe i Kriste la hanyaka eka mina. Sweswi, loko ndzi hanya emirini, ndzi hanya hi ku pfumela, ku nga ku pfumela eka N'wana wa Xikwembu loyi a ndzi rhandzeke, a va a tinyiketa hikwalaho ka mina.