Risimu ra Tinsimu 2:13 - BIBELE Mahungu Lamanene

¹³ Minkuwa yi tswarile, mirhi ya vhinya na yona yi balekile swiluva swo nun'hwela. Tlakuka, we murhandziwa, tana hi famba, wena xiluva xanga!”

Xitsonga (Bibele)

¹³ Murhi wa nkuwa wu humesa mihandzu ya wona leya rilambyana, Ni tivhinya ti neha risuna lero nandziha. Pfuka, murhandziwa wa mina, xisaseki xa mina, u ta!

Risimu ra Tinsimu 2:13 Iomraidhean Croise

Risimu ra Tinsimu 1:15

Murhandziwa, u sasekile wo va mbhurhi ya ku vatlwa! Mahlo ya wena ma fana ni ya matuva.

Risimu ra Tinsimu 2:10

Murhandziwa wa mina wa ndzi vitana, ú ri: “Tana hi famba, xiluva xanga, suka u yima, we murhandziwa,

Risimu ra Tinsimu 2:15

Hi khomeleni timhungubye ni swimhungubyana, swi ta ka swi nga onhi masimu ya vhinya, hikuva masimu ya hina ya vhinya ma balekile swiluva.

Risimu ra Tinsimu 6:11

Ndzi rhelerile ndzi ya entangeni wa le minkanyini ku ya hlalela swiluva swa le nkoveni, ni ku vona loko vhinya yi hlukile, ni loko mirhi ya magrenada yi balekile swiluva.

Risimu ra Tinsimu 7:8

Ndzi vula tano, ndzi ri: Murhi wa ncindzu ndzi ta wu khandziya ndzi khomelela marhavi ya wona. Onge mavele ya wena ma nga fana ni swichocho swa vhinya, ni loko moya lowu u wu hefemulaka wu nga nun'hwela kukota maapula.

Esaya 18:5

Loko swiluva swa vhinya swi dzudzekile, ni mihandzu ya kona yi sungula ku vupfa ntshovelo wu nga si fika, swirhabyana leswi nga tswalangiki swi ta khutuleriwa hi mikwana, ni marhavi lama hangalakeke ma ta tsemiwa ma cukumetiwa.

Esaya 61:11

HOSI N'wini wa hinkwaswo ú ta endla leswaku ku lulama ni ku dzuneka swi humelela emahlweni ka vanhu va matiko hinkwawo, tani hileswi misava yi mirisaka swimila, ni mintanga yi hlukisaka leswi byariweke eka yona.

Hosiya 14:6

Swiluva swa kona swi ta baleka, swi saseka ku fana ni murhi wa mutlhwari, swi nun'hwela ku fana ni mirhi ya Lebanoni.

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”

Matewu 24:32

“Dyondzani leswi hi murhi wa nkuwa: Loko marhavi ya wona ma sungula ku olova, ni loko matluka ya wona ma hluka, mi tiva leswaku ximumu xi le kusuhi.

Luka 19:42

a ku: “Yo! Loko ingi na wena a wu tivile namuntlha timhaka leti ti nga tisaka ku rhula, kambe u lo fihleriwa tona sweswi.

2 Vakorinto 5:20

Hikokwalaho, hi vayimeri va Kriste; Xikwembu hi xoxe xa mi khongotela ha hina; ha mi khongotela hi matimba hikwalaho ka Kriste, hi ri: