Risimu ra Tinsimu 1:7 - BIBELE Mahungu Lamanene

⁷ Ndzi byele, wena murhandziwa wa mbilu yanga, ndzi kombe laha u riselaka kona, ni laha ntlhambi wa wena wu vundzaka kona ninhlekanhi. Hikwalaho ka yini mina ndzi fanele ku tsendzeleka, ndzi landzelela mintlhambi ya vanghana va wena xana?

Xitsonga (Bibele)

⁷ Ndzi byele, wena la rhandziwaka hi moya wa mina, Laha u riselaka kona, laha u vundziselaka mitlhambi ya wena ninhlekanhi; Hikuva ndzi nga fana ha yini ni wansati la hambukelaka Emitlhambini ya vanakuloni xana?

Risimu ra Tinsimu 1:7 Iomraidhean Croise

Genesa 37:16

Yosefa a ku: “Ndzi lava vamakwerhu. Ndzi kombela leswaku u ndzi byela laha va riselaka kona swifuwo.”

Pisalema 116:1

Ndzi rhandza HOSI Xikwembu, hikuva xa ndzi yingisa loko ndzi rila eka xona.

Pisalema 18:1

Ndza ku rhandza we HOSI, wena matimba ya mina.

Pisalema 28:1

We HOSI, ndzi huwelela eka wena, u nga ndzi pfaleli tindleve, we ribye ranga, hikuva loko wo ndzi miyelela, ndzi ta ya eku loveni!

Pisalema 80:1

We murisi wa Israele, yingisa, rhiya ndleve wena u fambisaka va ka Yosefa kukota ntlhambi; wena u tshameke exiluvelweni ehenhla ka tikerubu, komba ku vonakala ka wena.

Risimu ra Tinsimu 2:16

Loyi i murhandziwa wa mina, na mina ndzi wa yena; ntlhambi wa yena ú wu risela exikarhi ka swiluva,

Risimu ra Tinsimu 2:3

Exikarhi ka majaha, murhandziwa wa mina ú fana ni murhi wa muapula lowu nga swihlahleni. Ndzi tshamile hi ntsako lowukulu endzhutini wa wona, mihandzu ya wona ya ndzi nandzihela.

Risimu ra Tinsimu 5:10

Murhandziwa wa mina ú yimekile, a tlhela a saseka, ú hlawulekile exikarhi ka madzana-dzana.

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

Risimu ra Tinsimu 5:8

N'wina vanhwanyana va Yerusalema, ndza mi kombela, loko mi kuma murhandziwa wanga, n'wi byeleni leswaku rirhandzu ra mina eka yena, ra ndzi vabyisa.

Risimu ra Tinsimu 6:2

Murhandziwa wa mina ú rhelele entangeni wa yena, laha ku byariweke swinun'hweriso, a ya risela kona ntlhambi wa yena, ni ku hlengeleta swiluva.

Risimu ra Tinsimu 6:3

Mina ndzi wa murhandziwa wa mina, na yena i wa mina, yena la riselaka exikarhi ka swiluva.

Risimu ra Tinsimu 8:13

Wena u tshamaka entangeni wa mina, vanghana va mina va lava ku twa rito ra wena, na mina ndza swi lava ku ri twa.

Esaya 13:20

A ku nga ha tshami munhu eka rona, ri ta va mananga hilaha ku nga heriki, ni Maarabu a ma nga ha yi ma ya gova kona, hambi va ri varisi a va nga ha yisi mintlhambi ya vona yi ya vundza kona;

Esaya 26:9

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Esaya 5:1

Yingisani, ndzi yimbelela risimu ra murhandziwa wanga, hi tlhelo ra nsimu ya vhinya ya yena leyi a a yi rhandza. Murhandziwa wanga a a ri ni nsimu ya vhinya exintshabyanini xa misava yo nona swinene.

Yeremiya 33:12

“Mina HOSI ya matimba hinkwawo, ndzi vurisa sweswo ndzi ri: Exivandleni lexi hundzukeke mananga ku nga ha tshami munhu kumbe xifuwo, ni le mitini ya kona hinkwayo, ndzi ta nyika varisi madyelo ya swifuwo leswitsongo, va swi risela kona.

Mikiya 5:4

Murhangeri loyi a taka, ú ta fuma tiko a tiyile, a komba matimba ni ku twala ka HOSI Xikwembu xa yena. Vaisraele va ta va va tshamisekile, hikuva ú ta va la chavisekaka emisaveni hinkwayo;

Matewu 10:37

“La rhandzaka tata wa yena kumbe mana wa yena ku tlula mina, a swi n'wi fanelanga ku va wa mina; swi tano ni loyi a rhandzaka n'wana wa yena wa xinuna kumbe wa xisati ku tlula mina.

Yohane 10:11

“Hi mina murisi lonene. Murisi lonene ú nyiketa vutomi bya yena a fela tinyimpfu.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

1 Petro 2:7

Hikokwalaho, eka n'wina mi pfumelaka, i ra nkoka, kambe eka lava nga pfumeriki, “Ribye leri vaaki va nga ri nyenya, hi rona ri nga endliwa ribye lerikulu ra yinhla.”

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Rhuti 2:21

“Tlhandlakambirhi”, ku vula Rhuti wa le Mowabu, “ú ndzi lerisile leswaku ndzi sala malandza ya yena hi le ndzhaku, va ko va heta ku tshovela.”