Risimu ra Tinsimu 1:3 - BIBELE Mahungu Lamanene

³ Mafurha ya wena yo tola ma nun'hwela. Vito ra wena rona ri fana ni mafurha ya risuna lama chuluriwaka. Hikokwalaho vanhwana va ku rhandza.

Xitsonga (Bibele)

³ Maakha ya wena ya ni risuna leri nun'hwelaka; Vito ra wena ri fana ni mafurha lama chuluriweke; Hikwalaho vanhwanyana va ku rhandza.

Risimu ra Tinsimu 1:3 Iomraidhean Croise

Pisalema 133:2

Swi fana ni mafurha layo nun'hwela lama cheriweke enhlokweni ya Aroni, ma xiririka emalebvini ya yena, ma ya fika ni le nhan'wini.

Pisalema 45:14

ú yisiwa eka hosi a hakarile minceka ya mavalavala, a landziwa hi vanhwana-kulobye, ti nga tinxangwana ta yena, va nghena hinkwavo.

Eksoda 33:12

Kutani Muxe a ku ka HOSI Xikwembu: “Vona, u te ka mina: ‘Fambisa vanhu lava!’ Kambe a wu ndzi kombanga loyi ndzi nga ta famba na yena; kasi u vurile hi wexe leswaku wa ndzi tiva swinene, ni leswaku wa ndzi tsakela.

Eksoda 33:19

HOSI Xikwembu xi hlamula xi ku: “Ndzi ta hundza hi le mahlweni ka wena ndzi ri karhi ndzi ku komba vunene bya mina hinkwabyo, ndzi twarisa vito ra mina ra ‘HOSI’ emahlweni ka wena. Ndzi ta komba tintswalo eka lava ndzi nga ta va komba tona, ndzi twela vusiwana lava ndzi nga ta va twela byona.”

Swivuriso 27:9

Mafurha ni mirhi ya risuna, a hi ku tsakisa ka swona, swi tano ni switsundzuxo leswi humaka embilwini ya munghana wa wena.

Eklesiasta 7:1

Ku va ni vito lerinene, swi tlula mafurha layo nun'hwela; siku ra ku fa ri tlula ra ku velekiwa.

Risimu ra Tinsimu 3:6

Xana i ncini lexi taka hi tlhelo ra mananga, xo fana ni papa ra musi, xi n'wan'waseriwile mafurha ya mirha ni mirhi ya risuna, ni swinun'hweriso hinkwaswo leswi xavisiwaka, xana?

Risimu ra Tinsimu 4:10

Rirhandzu ra wena, a hi ku tsokombela ka rona murhandziwa, we nhwana wanga, vhinyo a yi fiki eka rirhandzu ra wena hi ku tsokombela, ku nun'hwela ka mafurha lawa u ma tolaka ku tlula swinun'hweriso hinkwaswo.

Risimu ra Tinsimu 5:13

Tinhlaya ta yena ti fana ni ntanga wa swinun'hweriso leswi humesaka ku nun'hwela ko tsakisa. Milomo ya yena i swiluva leswi ntontaka mafurha ya mirha.

Risimu ra Tinsimu 5:5

kutani ndzi pfuka, ndzi ya pfulela murhandziwa wa mina. Loko ndzi khoma rivanti, swandla swa mina swi thona-thona mafurha ya mirha, lama nga tintihweni wona ma xiririka kunene.

Risimu ra Tinsimu 6:8

Ku nga ha va ni tinkosikazi ta 60, ni vasati lavatsongo va 80, ni vanhwana va ntsandza-vahlayi,

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Matewu 25:1

“Enkarhini wolowo, Mfumo wa matilo wu ta fana ni vanhwana va khume lava nga teka timboni ta vona ku ya hlanganisa muteki.

Yohane 12:3

Hiloko Mariya a teka xikhudza xa mafurha layo nun'hwela yo durha ngopfu lama endliweke hi murhi wa narda leyinene, a tota milenge ya Yesu, kutani a n'wi sula milenge hi misisi ya yena, yindlu hinkwayo yi tala hi ku nun'hwela ka mafurha ya kona.

2 Vakorinto 11:2

Ndza mi hisekela kukota leswi Xikwembu na xona xi mi hisekerisaka xiswona. Ndzi mi nyiketile eka Kriste kukota nhwana la tengeke, leswaku a va nuna un'we ntsena eka n'wina.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.