Pisalema 81:9 - BIBELE Mahungu Lamanene

⁹ Mi nga tshuki mi tirhela swikwembu swin'wana, mi nga nkhinsameli swikwembu swa vanhu vambe.

Xitsonga (Bibele)

⁹ Ku nga tshuki ku va ni xikwembu ximbe eka wena, U nga tshuki u khinsamela swikwembu swa matiko.

Pisalema 81:9 Iomraidhean Croise

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Pisalema 44:20

We Xikwembu xa hina, loko hi rivele vito ra wena kumbe loko hi tlakusile mavoko hi khongela Xikwembu xin'wana,

Pisalema 50:7

HOSI Xikwembu xi ri: “N'wina vanhu va mina, ndzi lava ku vulavula na n'wina; ndzi lava ku mi tshinya n'wina Vaisraele. Mina Xikwembu, ndzi Xikwembu xa n'wina.

Eksoda 15:26

Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

Esaya 28:23

Rhiyani ndleve, mi yingisa leswi ndzi swi vulaka, twanani marito lawa ndzi mi byelaka wona.

Esaya 43:12

Ndzi mi tivisile leswi nga ta humelela, ndzi tlhela ndzi mi ponisa. A ku vanga na xikwembu ximbe lexi endleke sweswo; timbhoni ta mina hi n'wina, ku vula mina HOSI.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Malakiya 2:11

Va le Yuda a va tshembekanga, va endlile manyala layo chavisa etikweni ra Israele ni le Yerusalema. Va le Yuda va onhile yindlu leyo hlawuleka ya HOSI Xikwembu, leyi xi yi rhandzaka, hikuva va yile va ya teka vavasati lava khongelaka swikwembu swimbe.

Duteronoma 32:12

I HOSI Xikwembu ntsena lexi xi fambiseke Vaisraele, a xi pfuniwanga hi xin'wana xikwembu.

Duteronoma 6:14

Mi nga tshuki mi gandzela na xin'we xa swikwembu swa matiko lawa ya mi rhendzeleke,