Pisalema 72:2 - BIBELE Mahungu Lamanene

² leswaku a avanyisela vanhu timhaka ta vona hi nawu, a biyelela swisiwana swa wena.

Xitsonga (Bibele)

² U ta avanyisa tiko ra wena hi ku lulama, Ni va wena lava xanisekaka, u ta va avanyisa hi mfanelo.

Pisalema 72:2 Iomraidhean Croise

2 SAMIELE 23:3

Xikwembu xa Israele xi vulavurile. Xona xi nga ribye ra vuchavelo bya Israele, xi te ka mina: ‘Loyi a fumaka vanhu hi ku lulama a fuma a ri karhi a xixima Xikwembu,

1 TIHOSI 10:9

A ku nkhensiwe HOSI Xikwembu xa wena lexi xi ku tsakeleke, xi ku nyika vuhosi bya Israele. Leswi xi rhandzaka Vaisraele minkarhi hinkwayo, xi ku vekile hosi leswaku u va avanyisela timhaka hi ku lulama.”

1 TIHOSI 3:28

Vanhu hinkwavo va Israele va twa hilaha hosi yi avanyiseke mhaka leyi hakona, kutani va chava Solomoni, hikuva a va swi vona leswaku ú ni vutlhari bya Xikwembu eku avanyiseni ka timhaka.

1 TIKRONIKA 29:19

We HOSI, ndzi kombela leswaku u nyika Solomoni n'wana wa mina matimba ya ku hlayisa swileriso swa wena, ni switsundzuxo swa wena, ni milawu ya wena, leswaku a ta aka Tempele hi nhundzu leyi ndzi yi hlengeleteke.”

Ntirho 34:19

A xi yimeleli lavakulu kumbe ku amukela vafumi xi ri karhi xi tshika vapfumari, hikuva hinkwavo i swivumbiwa swa xona.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Swivuriso 29:14

Hosi leyi avanyisaka xisiwana hi ku lulama, vuhosi bya yona byi ta tshama hilaha ku nga heriki.

Esaya 32:1

Vonani, ku ta hosi leyi nga ta fuma hi ku lulama, tindhuna ta yona ti ta avanyisa timhaka hi ndlela leyinene.

Esaya 32:17

Ku lulama loku nga ta va kona, ku ta tswala ku rhula, mihandzu ya kona yi ta va vanhu vo miyela lava nga ta tshembeka hilaha ku nga heriki.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Yeremiya 33:15

Emasikwini walawo ni le minkarhini ya kona, ndzi ta mirisela Davhida ehluke lerinene, yi nga hosi leyi nga ta fuma tiko hi ku lulama ni ku tshembeka.

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Nhlavutelo 19:11

Endzhaku ka swona, ndzi vona tilo ri pfuriwile, kutani, hi nomu lo, ku vonaka hanci yo basa. Loyi a gadeke yona, mavito ya yena va ri i “Mutshembeki”, ni “Ntiyiso”. Ú avanyisa ni ku lwa hi ku lulama.