Pisalema 7:6 - BIBELE Mahungu Lamanene

⁶ We HOSI, suka u yima u hlundzukile, tlakuka u tela valala va mina lava levaka; pfuka u ndzi lwela, wena u lavaka leswaku timhaka ti avanyisiwa hi ku lulama.

Xitsonga (Bibele)

⁶ Pfuka, Yehovha, evukarini bya wena, U pfukela ku leva ka lava nga valala eka mina, Pfuka ku ndzi yimela, u lerisa ku avanyisa!

Pisalema 7:6 Iomraidhean Croise

2 SAMIELE 17:14

Kutani Abixalomu ni vavanuna va Israele hinkwavo va ku: “Switsundzuxo swa Huxayi swi twala ku tlula swa Ahitofele.” Mhaka hi leswaku HOSI Xikwembu a xi bohile leswaku switsundzuxo leswi twalaka swa Ahitofele, swi kanetiwa, xi ta kota ku vangela Abixalomu ekhombo.

Pisalema 103:6

HOSI Xikwembu xi lwela hinkwavo lava xanisiwaka, xa va sirhelela.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Pisalema 138:7

Loko ndzi tikuma ndzi rhendzeriwe hi maxangu, wa ndzi biyelela we HOSI; ni loko valala va ndzi karihela, voko ra wena ra ndzi sirhelela ri ndzi lamulela.

Pisalema 143:3

Nala wa ndzi hlongorisa, a ndzi wisela hansi ni ku ndzi kandziyela, a ndzi susumetela exinyamini, ndzi fana ni lava feke khale.

Pisalema 3:7

Pfuka, we HOSI! Xikwembu xanga, ndzi ponise, wena u baka valala va mina hinkwavo emarhameni, wena u tshovaka meno ya lavo homboloka!

Pisalema 35:1

We HOSI, hlasela lava va ndzi hlaselaka, u lwa ni lava lwaka na mina.

Pisalema 35:23

We Xikwembu xanga, suka u yima u ndzi vulavulela, u ndzi biyelela emhakeni ya mina, we N'wini wanga.

Pisalema 44:23

We N'wini wa hina, suka u yima, u nga etleri! Phaphama, u nga hi cukumeteli makumu.

Pisalema 44:26

Suka u yima u hi lamulela! Hi kutsule hikwalaho ka rirhandzu ra wena lero tshembeka.

Pisalema 59:5

Wena HOSI Xikwembu xa matimba hinkwawo, wena Xikwembu xa Vaisraele, tana u ta ba vamatiko lava hinkwavo, u nga tsetseleli na un'we wa vakanganyisi lava!

Pisalema 73:20

Loko u fika, we N'wini wa hinkwaswo, va lahlekeriwa hi ndzhuti, va hangalaka kukota norho nimixo.

Pisalema 74:3

Famba-famba emarhumbini lawa ku nga khale ma ri kona, hikuva valala va hina va onhile hinkwaswo exivandleni lexo hlawuleka.

Pisalema 78:65

Hikokwalaho N'wini wa hinkwaswo ú suke a yima kukota munhu la pfukaka evurhongweni, ku fana ni nhenha leyi baka huwa hi mhaka ya vhinyo.

Esaya 3:13

HOSI Xikwembu xi lava ku tengisa vanhu milandzu, xi tilulamisela ku avanyisa vanhu va xona.

Esaya 33:10

HOSI Xikwembu xi ri: “Sweswi ndzi ta suka ndzi yima, ndzi ta tlakuka ndzi komba ku dzuneka ka mina.

Esaya 37:20

Sweswi ke, wena HOSI Xikwembu xa hina, hi lamulele emavokweni ya Senakeribi, leswaku mimfumo hinkwayo ya misava yi ta tiva leswaku hi wena ntsena u nga Xikwembu, wena HOSI.”

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?