Pisalema 5:4 - BIBELE Mahungu Lamanene

⁴ Wena u Xikwembu lexi nga tsakeriki leswo homboloka, lowo biha a nga na ndhawu eka wena.

Xitsonga (Bibele)

⁴ Hikuva a ku Xikwembu lexi tsakelaka ku biha; Lowo biha a nga ka a nga aki na wena.

Pisalema 5:4 Iomraidhean Croise

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

Pisalema 101:7

Kasi mukanganyisi a nge tshami emutini wa mina, munhu wa vuheveheve, ndzi nge hanyisani na yena.

Pisalema 11:5

HOSI yi kambela lavo lulama ni lavo homboloka; lava tsakelaka mintirho ya tihanyi yi va nyenya ngopfu.

Pisalema 140:13

Ina, lavo lulama va ta twarisa vito ra wena, va ta tshama na wena minkarhi hinkwayo.

Pisalema 50:21

Swilo leswi mi swi endlile, kambe mina a ndzi hlamulanga nchumu; mi ehleketile leswaku ndzi yima na n'wina, kambe sweswi ndza mi tshinya, ndzi mi vona nandzu.

Pisalema 63:2

Ndzi ku langutile eTempeleni ya wena, ndzi vona matimba ya wena ni ku dzuneka ka wena.

Pisalema 88:14

We HOSI, u ndzi cukumetela yini xana, hikwalaho ka yini u ndzi fularhela xana?

Pisalema 92:15

Leswi swi komba ku lulama ka HOSI Xikwembu; hi xona ribye ra mina, ku hava leswo homboloka eka xona.

Pisalema 94:20

Xana vafumi lavo homboloka, u ta twanana na vona loko va hundzuluxa milawu, va endla leswo biha xana?

Habakuku 1:13

Mahlo ya wena a ma tsakeli ku hlalela leswo biha, hikuva ma tengile ngopfu; a wu languti leswo biha, u nga endli nchumu. Kutani ke, hikwalaho ka yini u languta ntsena vaxisi, u miyelela yini loko lavo biha va mita vanhu-kulobye lava lulameke ku tlula vona ke?

Malakiya 2:17

Mi karharisile HOSI Xikwembu hi ku vula-vula ka n'wina, kambe mi ri: “Xana hi xi karharisile hi ndlela yihi ke?” Nhlamulo hi leyi: Hi loko mi vula leswaku un'wana ni un'wana la endlaka leswo biha, ú lulamile emahlweni ka HOSI Xikwembu, ni leswaku Xikwembu xi tsakela munhu wo tano. Ma xi karharisa loko mi vutisa mi ku: “Xi kwihi Xikwembu lexi va nge xi lulamile ke?”

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

2 Petro 3:13

Kambe, hi ku ya hi ku tshembisa ka Hosi, hi langutele matilo lamantshwa ni misava leyintshwa, laha ku nga ta va ni ku lulama.

Nhlavutelo 21:23

Muti a wu lavi dyambu kumbe n'weti ku wu voninga, hikuva wu voningiwa hi ku kwetsima ka Xikwembu, kutani Xinyimpfana i rivoni ra wona.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.