Pisalema 4:8 - BIBELE Mahungu Lamanene

⁸ Ndzi ta tilata ndzi etlela hi ku rhula, hikuva hi wena ntsena, we HOSI, loyi u endlaka leswaku ndzi tshama ndzi hlayisekile.

Xitsonga (Bibele)

⁸ Ndzi sivama, ndzi etlela hi ku rhula, Hikuva hi wena Yehovha u ri swaku la ndzi akisaka eku sasekeni.

Pisalema 4:8 Iomraidhean Croise

Pisalema 16:11

U ndzi komba ndlela ya vutomi, laha u nga kona, ntsako wa khapa; evokweni ra wena ra xinene, ka tiphiniwa hilaha ku nga heriki.

Pisalema 3:5

Ndzi tilatile ehansi, ndzi etlela, kambe ndzi tlhele ndzi pfuka, hikuva HOSI ya ndzi seketela.

Swivuriso 3:24

Loko u etlele, a ku nga vi na lexi xi nga ta ku chavisa, ni vurhongo byi ta nandziha;

Esaya 9:2

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Ezekiele 34:25

“Ndzi ta endla na vona ntwanano lowu nga heriki, wu va tisela ku rhula, ndzi hlongola swiharhi leswo chavisa swi suka etikweni; kutani va ta kuma ku tshamiseka ni ndhawu yo etlela eka yona va nga chavi nchumu, hambi ku ri erivaleni kumbe eswihlahleni.

Hosiya 2:18

Hi siku rero, ndzi ta endla ntwanano exikarhi ka wena ni swiharhi swa nhova, ni tinyanyana, ni swikokovi; ndzi ta herisa tinyimpi etikweni hi ku tekela tinhenha evurha ni fumu, kutani u ta etlela u nga ha chavi nchumu!

Levhitika 26:5

Ntshovelo wa n'wina wu ta va wu tele ngopfu: Hi nkarhi wo kha mihandzu ya vhinya, mi ta va ma ha hula koroni, kasi na yona vhinya mi ta yi kha ku kondza ku ya fika xirimo. Mi ta va mi tshamisekile, mi dya mi xurha.

Duteronoma 12:10

Mi ta pela nambu wa Yordani, mi ya tshama etikweni leri HOSI Xikwembu xa n'wina xi mi nyikaka rona leswaku ri va ndzhaka ya n'wina; HOSI Xikwembu xi ta mi wisisa, xi mi sirhelela eka valala hinkwavo lava nga ta va va mi rhendzerile, leswaku mi hanya hi ku rhula.

1 Vatesalonika 5:10

Kriste ú hi ferile leswaku, hambi ha ha hanya hambi hi tietlelele, hi ta kuma vutomi swin'we na yena.

Nhlavutelo 14:13

Kutani ndzi twa rito ri huma etilweni ri ku: “Tsala leswi: Ku katekile vafi lava ku sukela sweswi va felaka eHosini!” Moya na wona wu ri: “Ina, va katekile, hikuva va phyuphya emikarhalweni ya vona, kutani mintirho ya vona yi ta va landzela.”