Pisalema 4:1 - BIBELE Mahungu Lamanene

¹ We Xikwembu, mulweri wa tifanelo ta mina, ndzi hlamule loko ndzi huwelela. U ndzi nyikile ko tumbeta nhloko, loko ndzi ri emaxangwini; sweswi ndzi twele vusiwana, u yingisa ku khongela ka mina.

Xitsonga (Bibele)

¹ Loko ndzi vitana, ndzi hlamule, wena; Xikwembu xa ku lulama ka mina! Loko ndzi ri emapfalweni, ndzi tshunxe! Ndzi tsetselele, u va u yingisa ku khongela ka mina.

Pisalema 4:1 Iomraidhean Croise

Ntirho 36:16

“We Yobo, Xikwembu a xi ku tsavurile emakhombyeni, xi ku veka exivandleni lexi anameke, xi ku phamela swa mafurha ntsena.

Pisalema 11:7

Kambe HOSI yi rhandza mintirho leyo lulama, hikuva yona yi lulamile; lava tengeke va ta vona mombo wa yona.

Pisalema 116:16

We HOSI, ndzi nandza wa wena, na yena mana wa mina a a ri nandza wa wena. A ndzi bohiwile, kambe sweswi ndzi ntshunxiwile.

Pisalema 116:6

xi hlayisa ni vanhu va xiyimo xa le hansi. A ndzi herile matimba, kambe xi ndzi ponisile.

Pisalema 119:132

Ndzi langute, u ndzi twela vusiwana, hikuva u bohile makungu yo pfuna lava va ku rhandzaka.

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Pisalema 17:6

Ndzi huwelela eka wena, hikuva u ta ndzi hlamula, we Xikwembu. Tshineta ndleve ya wena eka mina, u yingisa leswi ndzi swi vulaka.

Pisalema 22:1

Xikwembu xanga, Xikwembu xanga, u ndzi tshikele yini! Ndzi le ku konyeni, ndzi kombela ku pfuniwa; u yimela yini kule na mina xana?

Pisalema 24:5

Vanhu vo tano, HOSI Xikwembu xi ta va katekisa, xi ta va lwela, xona xi nga muponisi wa vona.

Pisalema 25:16

We HOSI, hundzuluka u ndzi languta, u ndzi twela vusiwana, hikuva ndzo va ndzexe, ndzi le ku xanisekeni.

Pisalema 31:8

A wu ndzi nyiketanga eka valala va mina, u ndzi famba-fambisile hinkwako hi ku ntshunxeka.

Pisalema 41:12

U ta ndzi seketela, hikuva a ndzi na nandzu, kutani u ta ndzi hlayisa kusuhi na wena hilaha ku nga heriki.

Pisalema 42:1

Ku fana ni ntswele ya mhunti loko yi rilela nambu lowu khulukaka, hi sweswo ni moya wanga, wu rilela wena Xikwembu xanga.

Pisalema 45:1

Mbilu ya mina yi tala hi marito yo saseka swinene, kutani ndzi suma risimu ro dzunisa mufumi wa tiko; ririmi ra mina ri rhetela ku fana ni voko ra mutsari la tivaka ntirho wa yena.

Pisalema 56:1

We Xikwembu, ndzi twele vusiwana, hikuva vanhu va ndzi kandziyela hansi, siku hinkwaro valala va le ku ndzi xaniseni.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Pisalema 6:1

We HOSI, u nga ndzi bi wa ha hlundzukile, u nga ndzi tshinyi wa ha karihile.

Pisalema 67:1

Xikwembu a xi hi twele vusiwana xi hi katekisa, a xi hi langute hi tintswalo,

Pisalema 76:1

Etikweni ra Yuda, Xikwembu xa tiveka, vito ra xona ra xiximiwa exiharhi ka Vaisraele.

Esaya 45:24

Va ta vulavula hi mina, va ku: ‘La nyikaka matimba ni ku hlula, i HOSI Xikwembu ntsena!’ ” Hinkwavo lava a va lwa na HOSI Xikwembu, va ta ta eka xona va ri ni tingana.

Yeremiya 23:6

Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Habakuku 3:19

HOSI Xikwembu i N'wini wanga ni matimba yanga, ú tiyisa milenge ya mina wonge i ya mhunti, a ndzi famba-fambisa eswivandleni leswi tlakukeke. (Leri i risimu ra Muyimbelerisi, ro hlaveleriwa hi swichaya-chayani.)

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

2 Vakorinto 1:10

Xi hi ponisile emakhombyeni layo tano lama vangaka rifu, kutani xi ta engeta xi hi ponisa eka wona. Hi vekile ku tshemba ka hina eka xona, kutani xa ha ta hi ponisa,

2 Vakorinto 1:8

Vamakwerhu, hi lava leswaku mi tiva ta maxangu lawa ya hi humeleleke etikweni ra Asiya. Hi tshikeleriwile ngopfu swinene, ku tlula matimba ya hina, hi kondza hi hela mbilu, hi nga ha tshembi leswaku hi ta hanya.

1 SAMIELE 17:37

Davhida a engeta a ku: “HOSI Xikwembu lexi ndzi poniseke emin'waleni ya tinghala ni ya swinkankanka, xi ta ndzi ponisa emavokweni ya Mufilista loyi!” Hiloko Sawulo a ku ka Davhida: “Hiswona, famba, HOSI Xikwembu a xi ve na wena!”