Pisalema 32:3 - BIBELE Mahungu Lamanene

³ Enkarhini lowu a ndza ha fihla swidyoho swa mina, miri wa mina a wu tsanile, ndzi tshamela ku konya.

Xitsonga (Bibele)

³ Loko ndzi miyerile, marhambu ya mina a ma gudlagudla, Hi ku konya ka mina hi siku hinkwaro.

Pisalema 32:3 Iomraidhean Croise

2 SAMIELE 11:27

Nkosi wa kona wu lo na hela, Davhida a rhuma vanhu ku ya hlomisa Batixeba, a ta va nsati wa yena; kutani Batixeba a velekela Davhida n'wana wa mufana. Mhaka leyi Davhida a yi endleke, a yi bihile emahlweni ka HOSI Xikwembu.

Ntirho 3:24

Ku konya i vuswa bya mina, xirilo xa kona a xi heli, mihloti yo halaka kunene.

Ntirho 30:17

Nivusiku, marhambu ya mina ma pandza, switlhavi leswi swi ndzi dlayaka a swi miyeli.

Ntirho 30:30

Nhlonge ya mina yi tshwile, ya kwamuka, marhambu ya mina ma pandza hi ku hisa.

Pisalema 22:1

Xikwembu xanga, Xikwembu xanga, u ndzi tshikele yini! Ndzi le ku konyeni, ndzi kombela ku pfuniwa; u yimela yini kule na mina xana?

Pisalema 38:3

Ndzi twa ku vava emirini wa mina hinkwawo, vuvabyi byi ndzi pandzisa ni marhambu, hikuva ndzi tivangele vukari bya wena hi leswi ndzi dyoheke.

Pisalema 38:8

Matimba ya mina ma herile, a ndza ha koti nchumu, ndzi le ku konyeni, mbilu ya mina yi karhateka ngopfu.

Pisalema 51:8

Ndzi byele marito ya ntsako ni ku rhula, hambileswi u ndzi tshoveke swirho, sweswi ndzi tsakise.

Pisalema 6:2

Ntamu wa mina wa hela we HOSI, ndzi twele vusiwana! Ndzi horise, hikuva marhambu ya mina ya pandza,

Swivuriso 17:22

Ku tsaka ka mbilu, swi tshungula miri, ku khunguvanyeka, swi heta matimba.

Swivuriso 28:13

Loyi a fihlaka swidyoho swa yena, a nge humeleli, kasi loyi a swi vulaka, kutani a hambana na swona, ú ta kuma tintswalo.

Esaya 51:20

Vana va wena va helela hi matimba, va lo lákáhlá, etindleleni hinkwato, va fana ni mhala leyi phasiweke; vukari bya HOSI Xikwembu loko xi va tshinya, byi va hete matimba.

Esaya 57:17

Vanhu va mina ndzi va hlundzukerile ndzi va ba, hikwalaho ka xidyoho xa vona xa ku va ni makolo; ndzi va kariherile ndzi tlhela ndzi va fularhela, hambiswiritano a va hundzukanga, va yile mahlweni va endla leswi timbilu ta vona ti tsakelaka swona.

Esaya 59:11

Hinkwerhu hi tshama hi ri ku vovoleni wonge ho va swinkankanka, hi rila ku fana ni xivambalana lexi tiputaka vusiwana; a hi ku Xikwembu xi ta hi lwela, kambe ni sweswi a hi voni nchumu, a ha ha tshembi ni leswaku hi ta pfuka hi ponisiwile.

Swirilo 1:3

Yuda ú yisiwile evukhumbini, emaxangwini ni le ku vavisekeni lokukulu; sweswi ú hanya exikarhi ka vamatiko, a nga kumi laha a nga tshamisekaka kona; lava va n'wi hlongorisaka, va n'wi kumile, a nga ha koti ku phonyoka.

Swirilo 3:4

Ú hlakatile miri wa mina hinkwawo, a ndzi tshova ni marhambu.

Swirilo 3:8

Hambiloko ndzi huwelela ndzi kombela ku pfuniwa, a nga yingisi xikhongelo xa mina.

Hosiya 7:14

Loko va rila emasangwini ya vona, ni loko va tixekelela, va kombela mavele ni vhinyo, a va huweleli eka mina hi mbilu hinkwayo, va le ku ndzi fularheleni.

1 SAMIELE 31:13

Kutani va teka marhambu ya Sawulo ni ya vana va yena, va ma lahla ehansi ka murhi wa “tamarisiki” le Yabexe, kutani va titsona swakudya masiku ya 7.