Pisalema 22:3 - BIBELE Mahungu Lamanene

³ Hambiswiritano, wena u Muhlawuleki loyi Vaisraele va dzunisaka vuhosi bya yena.

Xitsonga (Bibele)

³ Hambiswiritano, u Mukwetsimi, U tshama exikarhi ka ku dzunisa ka Israele.

Pisalema 22:3 Iomraidhean Croise

Ntirho 19:7

“Ndzi ba nkalanga ndzi ri: ‘Ndza xanisekoo!’ kambe a ndzi hlamuriwi; ndzi huwelela hi matimba, kambe a ndzi lweriwi hi munhu.

Ntirho 30:20

“We Xikwembu, ndzi huwelela eka wena kambe a wu hlamuli; loko ndzi yima emahlweni ka wena, wo ndzi languta kunene.

Pisalema 145:17

Tindlela ta HOSI Xikwembu hi leto lulama hinkwato, rirhandzu ra xona ra vonaka emintirhweni ya xona hinkwayo.

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Pisalema 65:1

We Xikwembu, swa fanela leswaku u dzunisiwa emutini wa Siyoni, ni swilo leswi vanhu va tiboheke ku ku humesela swona, a va swi humese.

Pisalema 88:2

Amukela xikhongelo xa mina, u ndzi yingisa loko ndzi huwelela.

Pisalema 99:9

Twarisani HOSI Xikwembu xa hina, xi nkhinsameleni entshaveni ya xona leyo hlawuleka, hikuva xona xi kwetsimile.

Esaya 6:3

Tintsumi a ti hlamulana ti ku: “Wa kwetsima, wa kwetsima, wa kwetsima loyi a nga HOSI ya matimba hinkwawo, misava hinkwayo yi tele hi ku dzuneka ka yena.”

Habakuku 1:2

Xana ndza ha ta rila eka wena ku fikela rini, u nga yingisi, we HOSI, ni ku huwelela eka wena, ndzi ku: “Ha xaniseka!” kambe u nga hi lamuleli, ke?

Duteronoma 10:21

Xi dzuniseni, hikuva hi xona Xikwembu xa n'wina, lexi xi mi endleleke swilo leswikulu swo hlamarisa, leswi mi swi voneke.

Nhlavutelo 4:8

Xin'wana ni xin'wana xa swivumbiwa leswi hanyaka leswi swa mune, a xi ri ni timpapa ta 6 leti nga tala hi mahlo hinkwako, endzeni ni le handle. Kutani vusiku ni nhlekanhi swi yimbelela swi nga miyeli, swi ku: “Wa kwetsima, wa kwetsima, wa kwetsima, loyi a nga Hosi ya matimba hinkwawo, loyi a a ri kona, loyi a nga kona, loyi a taka.”