Pisalema 20:3 - BIBELE Mahungu Lamanene

³ A xi tsundzuke tinyiko hinkwato leti u ti humeseke, xi amukela ni magandzelo ya wena lama hisiwaka!

Xitsonga (Bibele)

³ A a anakanye timhamba ta wena hinkwato, A va a amukela magandzelo ya wena!

Pisalema 20:3 Iomraidhean Croise

Genesa 4:4

kasi Avele yena ú lo pambula swinyimpfana leswi noneke swa mativula exikarhi ka ntlhambi wa yena, a humesela HOSI Xikwembu. Kutani xona xi amukela Avele ni gandzelo ra yena,

1 TIKRONIKA 21:26

Kutani a akela HOSI Xikwembu alitari kona, a xi humesela magandzelo lama hisiwaka ni ya xinakulobye, a khongela HOSI Xikwembu, xona xi n'wi hlamula hi ndzilo lowu humaka etilweni, wu wela ehenhla ka alitari wu hisa magandzelo ya kona.

2 TIKRONIKA 7:1

Loko Solomoni a heta ku khongela, ndzilo wu ta hi le tilweni, wu herisa nyama ya magandzelo lama hisiwaka, ni ya magandzelo ya xinakulobye, kutani ku vonakala ka HOSI Xikwembu ku tata Tempele hinkwayo.

Pisalema 128:5

HOSI Xikwembu a xi ku katekise xi ri eSiyoni, u vona ku kateka ka Yerusalema masiku hinkwawo ya ku hanya ka wena.

Pisalema 134:3

HOSI Xikwembu, xona xi endleke tilo ni misava, a xi mi katekise xi ri eSiyoni.

Pisalema 51:19

kutani magandzelo hinkwawo lamanene lama hisiwaka ma ta ku tsakisa, ni tinkuzi ti ta humesiwa ti yisiwa alitarini ya wena.

Esaya 60:7

Tinyimpfu hinkwato ta Kedari ni ta Nebayoto, ti ta byisiwa ti ta eka wena, u ta humesa ha tona magandzelo alitarini ya HOSI Xikwembu, u xi tsakisa ha wona. Kutani HOSI Xikwembu xi ta sasekisa Tempele ya xona ku tlula eku sunguleni.

Levhitika 9:24

Kutani ku ta ndzilo lowu humaka eka HOSI Xikwembu, wu hisa nyama ya magandzelo ni mafurha hinkwawo ehenhla ka alitari. Loko Vaisraele va vona sweswo, va ba huwa leyikulu, kutani va nkhinsama, va korhamela hansi.

Timhaka 10:4

Loko a yi langutile swinene, a khomiwa hi ku chava, kutani a ku: “I ncini, Hosi?” Yi ku ka yena: “Mikhongelo ya wena ni swihanano swa wena swi amukeriwile eka Xikwembu, kutani xi ku anakanyile.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.