Pisalema 2:2 - BIBELE Mahungu Lamanene

² Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

Xitsonga (Bibele)

² Xana tihosi ta misava ti pfukele yini, Ni tihosana ti hlengeletene ha yini na vona, Ku pfukela Yehovha ni Muhlawuriwa wa yena?

Pisalema 2:2 Iomraidhean Croise

Pisalema 110:5

HOSI N'wini wa hinkwaswo ú le vokweni ra wena ra xinene. Siku a hlundzukaka, ú tshova matimba ya tihosi;

Pisalema 2:10

Sweswi ke n'wina tihosi, tlharihani; tivoneleni, n'wina mi fumaka vanhu laha misaveni.

Pisalema 45:7

U rhandza ku lulama, u venga ku homboloka, hikokwalaho Xikwembu, xona Xikwembu xa wena, xi ku chele mafurha enhlokweni hi siku ra nkhuvo, xi ku hlawula eka tihosi tin'wana.

Pisalema 48:4

Vonani hilaha tihosi ti hlengeletaneke hakona, ti tela ku ta hlasela ntshava ya Siyoni;

Pisalema 48:5

kambe loko ti yi vona, ti hlamala swinene, ti chava, ti hangalaka,

Pisalema 74:18

We HOSI, tsundzuka leswaku valala va wena va ku sandza, vatiarisi lava va tlanga hi vito ra wena.

Pisalema 74:23

Twana huwa leyi vangiwaka hi valala va wena; pongo leri va ri endlaka minkarhi hinkwayo, u nga ri bi hi makatla.

Pisalema 83:6

Lava endlaka sweswo i vaaki va le Edomu ni va ka Iximaele, i va le Mowabu ni va ka Hagara;

Pisalema 89:20

Ndzi tihlawulele Davhida leswaku a va nandza wa mina, ndzi n'wi cherile mafurha ya mina layo hlawuleka enhlokweni.

Eksoda 16:7

Kutani mundzuku nimpundzu, mi ta vona ku vonakala ka HOSI Xikwembu, hikuva xi twile loko mi xi dzumadzumela. Xana hina hi vamani, leswi mi hi dzumadzumelaka, xana?”

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Matewu 26:3

Enkarhini wolowo vaprista lavakulu, ni vakulukumba, va hlengeletana ehubyeni ya Muprista lonkulu loyi a va ku i Kayafasi,

Matewu 26:59

Kutani vaprista lavakulu, ni huvo hinkwayo ya Sanedri, a va lava vumbhoni bya mavunwa byo hehla Yesu ha byona leswaku va ta n'wi dlaya;

Matewu 27:1

Loko ri xile, vaprista hinkwavo ni vakulukumba va kanela makungu ya ku dlaya Yesu.

Luka 13:31

Enkarhini wolowo ku ta Vafarisi van'wana eka Yesu va ku: “Suka u famba u ya kun'wana, hikuva Heroda ú lava ku ku dlaya.”

Yohane 1:41

Ú rhangile a kuma Simoni makwavo wa yena, kutani a ku ka yena: “Hi kumile Mesiya” (hileswaku Kriste, Mutotiwa).

Yohane 15:23

Loyi a ndzi vengaka, ú venga na Tata wa mina.

Yohane 3:34

Loyi a rhumiweke hi Xikwembu, ú vula marito ya Xikwembu, hikuva Xikwembu a xi pimi loko xi nyika Moya wa xona.

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Timhaka 9:4

Kutani a wela ehansi, a twa rito leri nge ka yena: “Sawulo, Sawulo! U ndzi xanisela yini?”

Vaheveru 1:9

U rhandzile ku lulama, u vengile ku homboloka. Hikokwalaho Xikwembu, Xikwembu xa wena, xi ku cherile mafurha ya ntsako lowukulu ku tlula vanakuloni.”