Pisalema 16:2 - BIBELE Mahungu Lamanene

² Eka HOSI, ndzi ri: “Hi wena n'wini wa mina, a ndzi kumi ntsako loko ku nga ri ha wena ntsena.”

Xitsonga (Bibele)

² Ndzi te eka Yehovha: “Hi wena hosi yanga, A ndzi na rifuwo leri ku tlurisaka!”

Pisalema 16:2 Iomraidhean Croise

Pisalema 27:8

Hi wena u vuleke u ku: “Ndzi laveni!” Hikokwalaho ndzi vula sweswo ndzi ri: Ndzi le ku ku laveni, we HOSI,

Pisalema 31:14

Kambe mina ndzi tshemba wena, we HOSI, ndzi ri, u Xikwembu xanga.

Pisalema 73:25

Xana ndzi nga va na mani ematilweni loko ku nga ri wena, ni kwala misaveni ndzi nga ha navela yini, leswi ndzi nga na wena ke?

Pisalema 8:1

We HOSI, N'wini wa hina, vito ra wena ri dzuneka ngopfu emisaveni hinkwayo! Wena u vekeke ku kwetsima ka wena ehenhla ka matilo,

Pisalema 89:26

Yena ú ta ku ka mina: ‘U tata wa mina ni Xikwembu xanga, khokholo leri ndzi tumbelaka eka rona!’

Pisalema 91:2

ú xi dzunisa a ku: “U khokholo leri ndzi tumbelaka eka rona, u Xikwembu xa mina lexi ndzi xi tshembaka.”

Esaya 26:13

HOSI, Xikwembu xa hina, ku vile ni vanhu van'wana lava tiendleke tihosi ta hina, kambe hina hi tiva wena ntsena.

Esaya 44:5

Un'wana ú ta ku: ‘Ndzi wa HOSI Xikwembu’, un'wana ú ta tithya vito ra Yakobo, un'wana ú ta tsala vito ra Hosi Xikwembu evokweni ra yena, a tivitana hi xivongo xa Israele.”

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Luka 17:10

Hi mukhuva wolowo, na n'wina, loko mi hetile hinkwaswo leswi mi lerisiweke swona, vulani mi ku: ‘Hi malandza lama nga faneriki hi ku nkhensiwa, hi endlile ntsena leswi a hi fanela ku swi endla.’ ”

Yohane 20:28

Tomasi a n'wi hlamula, a ku: “Hosi yanga ni Xikwembu xanga!”

Varhoma 11:35

I mani la nga rhanga a n'wi nyika xa nchumu, lexi a nga ta lava ku tlheriseriwa xona ke?”