Pisalema 102:3 - BIBELE Mahungu Lamanene

³ Masiku ya mina ya ku hanya ma haha kukota musi, miri wa mina wu hisa tanihi makala exitikweni.

Xitsonga (Bibele)

³ Hikuva masiku ya mina ma nyumba kukotisa musi; Ni marhambu ya mina ma hisa kukota swisa,

Pisalema 102:3 Iomraidhean Croise

Ntirho 30:30

Nhlonge ya mina yi tshwile, ya kwamuka, marhambu ya mina ma pandza hi ku hisa.

Pisalema 119:83

Hambileswi ndzi punyaleke kukota mbita exitikweni, ndzi nga ka ndzi nga rivali milawu ya wena.

Pisalema 27:9

u nga tshuki u ndzi fularhela. Mina nandza wa wena, u nga ndzi kariheli u ndzi hlongola, hikuva hi wena mupfuni wa mina, u nga ndzi fularheli, u nga ndzi tshiki, hikuva we Xikwembu, u muponisi wa mina.

Pisalema 31:10

Malembe ya vutomi bya mina ma hela ndzi ri karhi ndzi konya ndzi ri enhlomulweni, vusiwana byi ndzi heta ntamu, byi ndzi tshova ni swirho.

Pisalema 31:3

Hakunene, u ribye ra mina ni khokholo ra mina; ndzi kombe ndlela u tlhela u ndzi fambisa, leswaku vito ra wena ri nga sandziwi.

Pisalema 37:20

kambe lavo homboloka va nge poni, valala va HOSI Xikwembu va ta vuna kukota swiluva swa le nhoveni, va ta tshwa va hela, va nyamalala.

Pisalema 38:3

Ndzi twa ku vava emirini wa mina hinkwawo, vuvabyi byi ndzi pandzisa ni marhambu, hikuva ndzi tivangele vukari bya wena hi leswi ndzi dyoheke.

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Swirilo 3:4

Ú hlakatile miri wa mina hinkwawo, a ndzi tshova ni marhambu.

Yakobo 4:14

Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.