Pisalema 101:8 - BIBELE Mahungu Lamanene

⁸ Siku rin'wana ni rin'wana ndzi ta herisa lavo homboloka etikweni, ndzi hlongola lava endlaka leswo biha, va suka emutini wa HOSI Xikwembu.

Xitsonga (Bibele)

⁸ Nimpundzu wun'wana ni wun'wana ndzi ta herisa vadyohi hinkwavo va tiko, Leswaku emutini wa Yehovha ku ta suseteriwa Hinkwavo vatirhi va ku homboloka.

Pisalema 101:8 Iomraidhean Croise

Pisalema 46:4

Ku ni nambu lowu khulukaka wu tisaka ntsako emutini wa Xikwembu; muti lowu i ndhawu ya Loyi a nge henhla-henhla, wu hlawulekile ku tlula tindhawu hinkwato.

Pisalema 48:2

xiyimo xa ntshava ya Siyoni a hi ku saseka ka xona, vanhu va misava hinkwayo va tsakela yona, hikuva muti wa Mufumi wa hinkwaswo wu le ka yona, hi yona “Ntshava-ya-le-N'walungwini”.

Pisalema 48:8

Leswi hi tshamaka hi byeriwa swona, sweswi hi swi vona hi mahlo swi humelela emutini wa HOSI ya matimba hinkwawo, wu nga muti wa Xikwembu xa hina lowu xi wu tiyiseke, wu va kona hilaha ku nga heriki.

Pisalema 75:10

Xikwembu xi ri: “Ndzi ta herisa matimba ya lavo homboloka, kambe lavo lulama, ndzi ta va engetelela ntamu.”

Pisalema 92:10

Kambe mina u ndzi nyikile matimba ya nyarhi, u ndzi totile mafurha layo nun'hwela enhlokweni.

Swivuriso 16:12

Emahlweni ka tihosi, swa yila ku endla leswo biha, hikuva vuhosi byi tiyisiwa hi leswo lulama.

Swivuriso 20:26

Lavo homboloka, hosi leyi tlhariheke ya va peperha, kutani yi va sila hi ribye.

Swivuriso 20:8

Hosi leyi tshameke exiluvelweni xo avanyisa, yi kota ku hatla yi vona loyi a nga ni nandzu.

Yeremiya 21:12

“N'wina va ka Davhida, ndzi yingiseni, hikuva mina HOSI ndzi ri: “Avanyisani timhaka hi ku lulama, siku rin'wana ni rin'wana. Lava tekeriweke swilo swa vona, va kutsuleni eka lava va va xanisaka. Loko swi nga ri tano, ndzi ta mi herisa hi vukari bya mina lebyi pfurhaka; ndzilo wa kona wu ta pfumala vatimi, hikuva leswi mi swi endlaka swi bihile ngopfu.”

Hosiya 9:3

Etikweni ra HOSI Xikwembu, a va nga ha tshami; va ka Efrayimi va ta tlhelela etikweni ra Egipta, va ya dya swakudya swa le Asiriya leswi nyamisaka.

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.