Pisalema 10:4 - BIBELE Mahungu Lamanene

⁴ Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Xitsonga (Bibele)

⁴ Lowo biha, eku tikuriseni ka yena, a ku: A nga ka a nga vutisisi; “Xikwembu a xi kona”; hi kona ku anakanya ka yena hinkwako.

Pisalema 10:4 Iomraidhean Croise

Genesa 6:5

Loko HOSI Xikwembu xi vona leswaku ku dyoha ka munhu i kukulu laha misaveni, ni leswaku makungu hinkwawo ya mbilu ya yena ma bihile minkarhi hinkwayo,

Ntirho 22:17

A va ku: ‘Xikwembu a xi suke laha ka hina; hambileswi xi nga ni matimba hinkwawo, xi nga hi endla yini ke?’

Pisalema 101:5

La hlevaka van'wana ni ku va lumbeta, ndzi ta n'wi herisela makumu; munhu wa manyunyu ni ku tikukumuxa, a ndzi nga twanani na yena.

Pisalema 18:27

Hi wena la ponisaka vaxaniseki, kambe u tsongahata lava tikurisaka.

Pisalema 27:8

Hi wena u vuleke u ku: “Ndzi laveni!” Hikokwalaho ndzi vula sweswo ndzi ri: Ndzi le ku ku laveni, we HOSI,

Pisalema 36:1

Marito layo biha ya munhu wo homboloka a ma suki embilwini ya mina: Hi ku vona ka yena, a swi pfuni nchumu ku chava Xikwembu.

Pisalema 53:1

Embilwini ya xona, xiphukuphuku xi ri: “Xikwembu a xi kona!” Vanhu va onhakile, va endla leswo homboloka ntsena, ku hava na un'we la endlaka leswinene.

Pisalema 73:11

Va vulavula va ku: “Xikwembu a xi tivi nchumu! Xana loyi a nga henhla-henhla a nga vona yini xana?”

Eksoda 5:2

Kutani Faro a ku: “HOSI Xikwembu i mani xana? Hikwalaho ka yini ndzi fanele ku n'wi yingisa, ndzi tshika Vaisraele va famba xana? HOSI Xikwembu, a ndzi n'wi tivi, naswona ndzi nga ka ndzi nga tshiki Vaisraele va famba.”

Swivuriso 21:4

Ku tikurisa ni manyunyu i rivoni ra lavo homboloka, kambe swa va dyohisa.

Swivuriso 30:13

Ku ni vanhu lava tikurisaka ngopfu, lava tshamaka va ri karhi va tivamba-vamba.

Swivuriso 30:9

hikuva loko ndzi xurha ngopfu, ndzi nga tshuka ndzi ku landzula, ndzi ku: “HOSI Xikwembu xa kona, i mani ke?” Kumbe loko ndzi wela evusiwaneni, ndzi sungula ku yiva, kutani ndzi onha vito ra wena, we Xikwembu xanga.

Swivuriso 6:17

Munhu loyi a tikurisaka, ni loyi a vulavulaka mavunwa, ni loyi a halataka ngati mahala,

Eklesiasta 8:11

Leswi mintirho ya lavo homboloka yi nga avanyisiwangiki hi ku hatlisa, vanhu van'wana va tsutsumela ku endla leswi biheke.

Esaya 2:11

Esikwini ra kona, vanhu va manyunyu va ta tsongahatiwa, lava tidzunisaka va ta nyumisiwa, HOSI Xikwembu hi xona ntsena xi nga ta dzunisiwa.

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Esaya 59:7

A mi hlweli ku endla leswo biha, mi hatla ku halata ngati ya lava nga riki na nandzu. Lomu mi yaka kona, mo yela ntsena ku herisa ni ku fayetela.

Esaya 65:2

Masiku hinkwawo, ndzi tshambulutile mavoko ndzi vitana vanhu va mina lava tiarisaka, lava fambaka etindleleni to homboloka, lava tiendlelaka hi ku rhandza.

Yeremiya 2:31

N'wina vanhu va Israele, yingisani swinene, hikuva mina HOSI ndzi ni rito eka n'wina: Xana ndzi mi karhatile n'wina vanhu va mina, xana ndzi vile tiko lero oma ra xinyami eka n'wina xana? Loko swi nga ri tano, hikwalaho ka yini mi ku: ‘Hi ta ya lomu hi ku rhandzaka, a hi swi lavi ku tlhelela eka wena!’ xana?

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Sofoniya 1:12

Enkarhini lowu, ndzi ta teka rivoni ndzi lavisisa hinkwako emutini wa Yerusalema, ndzi ko ndzi kuma lava titshembaka, lava tshamaka va xurhile vhinyo, lava vulavulaka va ku: ‘HOSI Xikwembu xi nge endli nchumu, xo biha kumbe xo saseka!’

Sofoniya 2:3

Lavani HOSI Xikwembu, n'wina hinkwenu lava titsongahataka, n'wina mi endlaka ku rhandza ka xona; lavani leswo lulama, mi va ni xichavo, kumbe xana mi ta pona esikwini ra ku kariha ka HOSI.

Marka 7:21

hikuva endzeni, etimbilwini ta vanhu, hi kona ku humaka miehleketo leyo biha, ni vuphukuphuku, ni ku yiva, ni ku dlayana,

Timhaka 8:22

Hikokwalaho, hundzuka u tshika ku biha ka wena loku, u khongela Hosi leswaku kumbexana yi nga ku rivalela miehleketo leyi u nga va na yona;

Varhoma 1:21

Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Vaefesa 2:12

Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Duteronoma 8:14

mi nga tshuki mi tikurisa, kutani mi fularhela HOSI Xikwembu xa n'wina lexi xi mi humeseke etikweni ra Egipta ni le vuhlongeni bya rona.