Pisalema 1:6 - BIBELE Mahungu Lamanene

⁶ Etindleleni ta vona, lavo lulama va fambisiwa hi HOSI, kambe lavo homboloka, va khoma ndlela leyi yi va yisaka eku loveni.

Xitsonga (Bibele)

⁶ Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Pisalema 1:6 Iomraidhean Croise

Ntirho 23:10

Xikwembu xi tiva tindlela ta mina; loko xi ndzi kamberile, xi ta ndzi kuma ndzi tengile kukota nsuku.

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.

Pisalema 142:3

Loko ndzi hela matimba, we Xikwembu u tiva leswi swi ndzi humelelaka. Lomu ndzi yaka kona, va ringeta ku ndzi phasa hi ntlhamu.

Pisalema 142:4

Loko ndzi languta laha kusuhi na mina, a ndzi voni na munhu na un'we loyi a nga ndzi pfunaka. Ku hava laha ndzi nga tumbelaka kona, a ku na munhu loyi a tikarhatelaka mina

Pisalema 146:9

HOSI Xikwembu xi hlayisa valuveri, xi tikarhatela swisiwana ni tinoni, kambe xi hingakanya tindlela ta lavo homboloka.

Pisalema 9:6

Valala va nyamalalele makumu, miti ya vona u yi hangalasile, ku sala marhumbi ntsena, yi nga ka yi nga ha tsundzukiwi hi munhu.

Swivuriso 14:12

Ku ni swilo leswi munhu a nga swi vonaka swi lulamile, kasi eku heteleleni, swi yisa eku feni.

Swivuriso 15:9

HOSI Xikwembu xi venga mikhuva ya munhu lowo homboloka, kasi munhu loyi a tikarhatelaka leswo lulama, xa n'wi rhandza.

Nahume 1:7

HOSI Xikwembu i Xikwembu lexinene, i khokholo hi siku ra khombo; xi hlayisa lava chavelaka eka xona.

Matewu 7:13

“Nghenani hi nyangwa leyo khuma, hikuva nyangwa leyi yisaka eku loveni yi ahlamile, ni ndlela leyi yaka kona, yi anamile, kutani lava nghenaka hi yona va tele.

Yohane 10:14

Hi mina murisi lonene; ndzi tiva leti nga ta mina, ni leti nga ta mina ta ndzi tiva,

Yohane 10:27

Tinyimpfu ta mina ti yingisa rito ra mina; ndza ti tiva, kutani ta ndzi landzelela.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

2 Petro 2:12

Kambe vanhu lava va fana ni swivumbiwa swo pfumala miehleketo, swiharhi swa nhova swo tswaleriwa ku khomiwa ni ku dlawa ntsena; va sandza etimhakeni leti va nga tiviki nchumu eka tona, kutani va ta herisiwa hi ku herisiwa loku fanaka ni ka swiharhi.

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.