Pisalema 1:3 - BIBELE Mahungu Lamanene

³ Ú fana ni murhi lowu mileke etlhelo ka mati lama khulukaka, lowu vekaka mihandzu ya wona hi nguva ya kona, lowu nga dzudzekiki matluka. Eka hinkwaswo leswi a swi endlaka, wa humelela.

Xitsonga (Bibele)

³ U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Pisalema 1:3 Iomraidhean Croise

Genesa 39:23

Mulanguteri wa khotso a a nga ha tikarhateli nchumu eka leswi a swi ri emavokweni ya Yosefa, hikuva HOSI Xikwembu a xi ri na Yosefa, kutani a a kateka emintirhweni ya yena hinkwayo.

Genesa 39:3

Kutani n'wini loyi wa yena a vona leswaku HOSI Xikwembu xi na Yosefa, ni leswaku hinkwaswo leswi a swi vekeke emavokweni ya Yosefa, HOSI Xikwembu xa swi katekisa.

2 TIHOSI 18:7

Leswi HOSI Xikwembu a xi ri na yena, a a humelela eka hinkwaswo leswi a swi endlaka. Hi yena la pfukeleke hosi ya le Asiriya, a ala ku yi tirhela.

1 TIKRONIKA 22:11

Davhida a engeta a ku ka Solomoni: “Sweswi we n'wananga, HOSI Xikwembu xa wena a xi ve na wena, leswaku u kateka entirhweni wa wena wa ku aka Tempele ya xona; minkateko ya kona, xi ku tshembisile yona.

1 TIKRONIKA 22:13

U ta humelela ntsena loko u hlayisa milawu ni swiletelo leswi HOSI Xikwembu xi swi leriseke Muxe, swi nga leswi yena a swi dyondziseke Vaisraele. Tiya, u komba vunhenha bya wena; u nga tshuki u hela mbilu, u nga chavi.

2 TIKRONIKA 31:21

Ú tinyiketile hi mbilu ya yena hinkwayo ku fambisa mintirho ya vukhongeri eTempeleni, a ri karhi a lava Xikwembu, a hlayisa milawu ya xona ni swileriso swa xona, kutani a kateka swinene.

2 TIKRONIKA 32:23

Vanhu lavo tala va ta eYerusalema ku ta nkhensa HOSI Xikwembu hi tinyiko ta vona; na yena Hezekiya hosi ya Yuda, va n'wi nkhensa hi tinyiko to saseka. Kutani ku sukela enkarhini wolowo, vamatiko hinkwavo va n'wi xixima swinene.

Ntirho 14:9

murhi lowu wu ta pfuka loko wu kuma swimatana, wu tlhela wu hluka onge hi loko wa ha ku byariwa.

Ntirho 22:28

Makungu lawa u ma boheke, ma ta humelela, u ta voningeriwa tindlela.

Pisalema 128:2

Na wena u ta dya leswi u swi tirheke, swi ta ku tsakisa u va u kateka.

Pisalema 129:8

Hambi va ri vahundzi va ndlela, va nga tshuki va va navelela minkateko ya HOSI kumbe ku va katekisa hi vito ra yona.

Pisalema 92:14

Va ha veka mihandzu hambi va dyuhele, va ha tsakama, va tshama va tiyile.

Pisalema 92:15

Leswi swi komba ku lulama ka HOSI Xikwembu; hi xona ribye ra mina, ku hava leswo homboloka eka xona.

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Esaya 3:10

Lava lulameke va katekile, va ta dya mihandzu ya mintirho ya vona.

Esaya 44:4

Va ta tsaka ku fana ni byanyi lebyi milaka kusuhi ni mati, va ta fana ni mirhi leyi milaka kusuhi ni swinambyana leswi khulukaka.

Esaya 58:11

Mina HOSI, ndzi ta mi rhangela emahlweni minkarhi hinkwayo, ndzi mi nyika swilo hinkwaswo leswinene leswi mi swi navelaka, ndzi tlhela ndzi mi tiyisa; mi ta fana ni ntanga lowu kumaka mati yo ringana, mi kota xihlovo lexi mati ya xona ma nga phyiki.

Yeremiya 17:8

Ú fana ni murhi lowu milaka kusuhi ni nambu, lowu timitsu ta wona ti kumaka mati; murhi wa kona a wu chavi dyambu, matluka ya wona a ma vuni, enkarhini wa dyandza a wu omi, a wu tshiki ku veka mihandzu.

Ezekiele 17:8

Kasi murhi lowu a wu byariwile ensin'wini leyinene, kusuhi ni nambu lowu khulukaka, leswaku wu ta hluka swinene wu veka mihandzu, wu va murhi lowo saseka wa vhinya.

Ezekiele 19:10

Mana wa n'wina a a fana ni murhi wa vhinya lowu byariweke kusuhi ni nambu, wu hluka swinene wu veka ni mihandzu, hikuva a wu kuma mati yo tala.

Ezekiele 31:5

Murhi lowu a wu lehile swinene, wu tlula mirhi leyin'wana hinkwayo; a wu phaka marhavi, wu mila ni matluka layo tala, hikuva a wu kuma mati layo tala eku hlukeni ka wona.

Ezekiele 47:12

Emagangeni hinkwawo ya nambu hala ni hala, ku ta mila mirhi ya mihandzu yo hambana-hambana, yi va swakudya swa vanhu. Matluka ya mirhi ya kona a ma nga dzudzeki, ni mihandzu ya yona a yi nga kayiveli. N'hweti yin'wana ni yin'wana ku ta vupfa mihandzu leyintshwa, hikuva mati ya nambu lowu ma ta tshama ma ri karhi ma khuluka ma huma eTempeleni. Mihandzu ya kona yi ta va swakudya swa vanhu, matluka ya kona ma ta va murhi wo tshungula lava vabyaka.”

Tinhlayo 24:6

Wonge i minkova leyo anama swinene, kumbe mintanga leyi nge ribuweni ra nambu; wonge i timhangani leti HOSI Xikwembu xi ti byaleke, kumbe mirhi ya kedari leyi mileke kusuhi ni mati.

Matewu 13:6

Kambe loko dyambu ri tlhava, swimila swi vuna kutani swi oma hi ku pfumala timitsu.

Matewu 21:19

kutani a vona nkuwa kusuhi ni ndlela; a hambuka a ya eka wona, kambe a nga kumanga nchumu eka wona loko ma nga ri matluka ntsena; hiloko a ku ka murhi lowu: “A ku nga ha kumeki mihandzu eka wena ni siku ni rin'we!” Hi nomu lo nkuwa wu oma.

Matewu 21:34

Loko nkarhi wa ku tshovela mihandzu wu ri kusuhi, a rhuma malandza ya yena eka vatirhi, ku ya teka mihandzu ya nsimu ya yena.

Matewu 21:41

Va hlamula Yesu va ku: “Ú ta lovisa vanhu lavo biha lava va hela; nsimu ya vhinya, ú ta yi veka emavokweni ya vatirhi van'wana lava nga ta n'wi nyika mihandzu hi nguva ya kona.”

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.

Duteronoma 28:8

Switlati swa n'wina, ni swilo hinkwaswo leswi mi nga ta swi tirha, HOSI Xikwembu xi ta swi rhumela minkateko. HOSI Xikwembu xa n'wina xi ta mi katekisa etikweni leri xi mi nyikaka rona.

Yuda 1:12

Vanhu lava i swivati eminkhubyeni ya n'wina ya ntwanano, loko va ri karhi va cina va nwa ngopfu va nga ri na tingana, va tiphina. I mapapa lawa ya nga hava mpfula, lama yisiwaka hala ni hala hi ku hunga ka mimoya; i mirhi ya vuxika yo pfumala mihandzu, yo fa kambirhi hi ku tsuvuriwa;

Nhlavutelo 22:2

Exikarhi ka xivava xa muti ni le matlhelweni ya nambu hala ni hala, ku ni murhi wa vutomi lowu nyikaka mihlovo ya 12 ya mihandzu, wu tswala mihandzu ya kona n'hweti yin'wana ni yin'wana; kutani matluka ya murhi i yo tshungula vanhu va matiko hinkwawo.