Pisalema 1:1 - BIBELE Mahungu Lamanene

¹ Ku katekile munhu loyi a nga amukeriki makungu ya lavo homboloka, loyi a nga landziki mikhuva ya vadyohi, loyi a nga dzumbiki ni lava sandzaka Xikwembu,

Xitsonga (Bibele)

¹ Ku katekile munhu la nga fambiki hi ku letela ka lavo homboloka, La nga yimiki endleleni ya vadyohi, La nga tshamisiki exitshan'weni xa vasandzi,

Pisalema 1:1 Iomraidhean Croise

Genesa 49:6

Wena moya wanga, u nga ngheni eswikungwini swa vona, na wena mbilu ya nga, hambana na vona, hikuva loko va karihile, va heta vanhu, va hungasa hi ku lamata swifuwo.

Genesa 5:24

Enoko ú hanyile a ri ni xinakulobye na Xikwembu, kutani a nyamalala, hikuva Xikwembu a xi n'wi tekile.

1 TIHOSI 16:31

Eka Akabu, ku hanya hi ku landza swidyoho swa Yerobuwamu n'wana Nebati, a yi ri mhaka yitsongo! A engetela hi ku ya teka Yezabele n'wana Eti-Baali hosi ya Vasidoni, a ya tirhela Baali xikwembu xa vona, a xi nkhinsamela.

2 TIKRONIKA 22:3

Na yena Ahaziya a hanya hi tindlela ta va ndyangu wa Akabu, hikuva mana wa yena a a n'wi komba mikhuva leyo homboloka.

Ntirho 10:3

Xana eka wena i mhaka yo saseka loko u ndzi tshikelela, u sola ntirho wa mavoko ya wena, u ri karhi u katekisa makungu ya lavo homboloka xana?

Ntirho 21:16

Lavo homboloka va ri, minkateko ya vona va lo tilavela yona, makungu ya vona ma le kule na Xikwembu.

Ntirho 31:5

“Loko ndzi khomile ndlela ya vukanganyisi, ni loko ndzi tsutsumele swa vuxisi,

Pisalema 1:6

Etindleleni ta vona, lavo lulama va fambisiwa hi HOSI, kambe lavo homboloka, va khoma ndlela leyi yi va yisaka eku loveni.

Pisalema 106:3

Ku katekile lava hlayisaka nawu wa yona, lava endlaka leswi lulameke minkarhi hinkwayo.

Pisalema 112:1

Dzunisani HOSI! Ku katekile munhu loyi a chavaka HOSI Xikwembu, la rhandzaka ku endla leswi xi lerisaka swona.

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Pisalema 144:15

Ku katekile vanhu lava humelelaka hi ndlela leyi, ri katekile tiko leri HOSI yi nga Xikwembu xa rona!

Pisalema 146:5

Ku katekile munhu loyi Xikwembu xa va ka Yakobo xi nga mupfuni wa yena, loyi a vekaka ku tshemba ka yena eka HOSI Xikwembu xakwe.

Pisalema 146:9

HOSI Xikwembu xi hlayisa valuveri, xi tikarhatela swisiwana ni tinoni, kambe xi hingakanya tindlela ta lavo homboloka.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Pisalema 26:12

Mina ndzi titwa ndzi tshamisekile, kutani ndzi ta dzunisa HOSI Xikwembu enhlengeletanweni ya xona leyikulu.

Pisalema 34:8

Tanani mi ta vona hi n'wexe leswaku HOSI Xikwembu xi ni vunene! Munhu loyi a tumbelaka eka xona, ú katekile ngopfu.

Pisalema 36:4

Hambi a etlele nivusiku, ú le ku lukeni ka mano layo biha, a hlawula ndlela leyi nga riki yona, a nga fularheli leswo biha.

Pisalema 64:2

Ndzi ponise emakungwini lama bohiweke exihundleni hi vanhu lavo homboloka, u ndzi phonyokisa eka wona,

Pisalema 81:12

Hikokwalaho ndzi va tshikile va tiendlela hi ku rhandza, va endla leswi tinhloko ta vona ti va byelaka swona.

Pisalema 84:12

We HOSI ya matimba hinkwawo, ku katekile munhu loyi a ku tshembaka.

Swivuriso 1:15

N'wananga, u nga tshuki u tolovelana ni vanhu vo tano, ni mikhuva ya vona, u nga yi landzeleli,

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Swivuriso 13:15

Munhu wa miehleketo leyinene wa tsakeriwa, kasi vakanganyisi va lovisiwa hi mikhuva ya vona.

Swivuriso 13:20

Loyi a tolovelanaka ni lavo tlhariha, wa tlhariha, kambe munghana wa swiphunta, ú ta wela ekhombyeni.

Swivuriso 19:29

Vasandzi va yimeriwile hi ku avanyisiwa, swiphunta swi nge poni, swi ta biwa.

Swivuriso 2:12

swi ta ku sivela ku endla leswo biha, ni ku nghena eka swivulavula swa vanhu lavo homboloka;

Swivuriso 3:34

lava sandzaka, xa va sandza, kambe xi tsakela lava titsongahataka.

Swivuriso 4:19

Kambe mahanyelo ya lavo homboloka i xinyami lexikulu, ni leswi swi va khugulaka, a va swi tivi!

Swivuriso 9:12

Loko u tlharihile, swi ta pfuna wena n'wini, loko u sandza, hi wena u nga ta twa ku vava.

Yeremiya 15:17

a ndzi lavanga ku dzumba ni lava tsakaka, a ndzi navelanga ku tiphina na vona. Hi wena u ndzi vangeleke xivundza lexi, hikuva ndzi tshamela ku tshinya vanhu hi vito ra wena.

Yeremiya 17:7

“Kambe ku katekile munhu loyi a ndzi tshembaka mina HOSI, loyi a tiseketelaka hi mina.

Ezekiele 20:18

“Loko Vaisraele va ha ri emananga, ndzi vulavurile ni vana va vona, ndzi va byela leswaku va nga tekeleli mikhuva ya vatata wa vona, ni swiletelo swa vona va nga swi yingisi, kumbe ku tinyamisa hi ku khongela swikwembu swa hava swa vatata wa vona.

Matewu 16:17

Yesu a hlamula a ku: “U katekile Simoni n'wana Yona, hikuva a hi munhu wa misava la nga ku pfuletela sweswo, kambe i Tata wa mina wa le tilweni.

Luka 11:28

Yesu a ku: “Ngopfu ku katekile lava yingisaka Rito ra Xikwembu, va vuya va ri hlayisa!”

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Yohane 20:29

Yesu a ku ka yena: “Xana u pfumela hi leswi u nga ndzi vona xana? Va katekile lava pfumelaka, hambiloko va nga vonanga.”

Varhoma 5:2

naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Vaefesa 6:13

Hikokwalaho hlomani swisirhelelo ni matlhari hinkwawo ya Xikwembu wa ha ri nkarhi, leswaku mi ta kota ku tilwela hi siku ra khombo; kutani loko mi ta va mi lwile ku ya fika makumu, mi ta tikuma ma ha tiyile.

Duteronoma 14:6

Mi nga ha dya xiharhi xin'wana ni xin'wana lexi swinyondzwana swa xona swi avaneke hi le xikarhi, naswona xi ri lexi gayelaka.

Duteronoma 33:29

Mi katekile n'wina Vaisraele! I mani la fanaka na n'wina xana? Mi vanhu lava va lamuleriwaka hi HOSI Xikwembu, xona xitlhangu lexi xi mi sirhelelaka, ni fumu leri mi hlulaka ha rona. Valala va n'wina va ta ta eka n'wina va ri karhi va tilondla; switsunga swa vona swa vugandzeri bya hava, mi ta swi kandziyela ehansi.”

1 Petro 4:3

Tshikani ku endla leswi tsakeriwaka hi vamatiko, hikuva swi ringene loko mi swi endlile eminkarhini leyi hundzeke. Khale a mi hanya hi ku endla swa manyala, hi ku navela ku titsakisa, hi ku pyopyiwa, ni makolo, ni ku va swilovekelo, ni ku gandzela swikwembu swa hava leswi nga lavekiki.

Nhlavutelo 22:14

Ku katekile lava hlantswaka tinguvu ta vona, leswaku va ta pfumeleriwa ku dya murhi wa vutomi, ni ku nghena emutini hi tinyangwa ta wona.