Obadiya 1:5 - BIBELE Mahungu Lamanene

⁵ “Loko vayivi va mi tela, ni loko mi ngheneriwa hi makhamba nivusiku, va ta phangha hinkwaswo leswi va swi lavaka, va ta tshovela swa muti wa n'wina kukotisa vhinya, va siya makhwaji ntsena; mi ta sala mi lo gòò!

Xitsonga (Bibele)

⁵ Loko makhamba ma ta eka wena, loko vayivi va ta yiva nivusiku, u nga onherisiwa ku yini! A va nga yivi leswi va ringanaka xana? Loko vakhi va vhinya va fika eka wena, a va nga siyi swidzumbanyana evhinyeni xana?

Obadiya 1:5 Iomraidhean Croise

2 SAMIELE 1:19

“Yo, Israele! Timburhi ta wena ti lo lákáhlá, eswitsungeni, tinhenha ti wile enyimpini!

Esaya 14:12

“We Nyeleti ya Mixo, N'wana Vurhonga, u wise ku yini etilweni xana? U tseme hi mani u wela hansi, wena mutsongahati wa matiko, ke?

Esaya 17:6

Ku ta sala Vaisraele va nga ri vangani; swi ta fana ni loko va hetile ku tshovela mihandzu hinkwayo ya mitlhwari; ku sala mihandzunyana yi nga ri yingani emarhavini ya le henhla, ni marhavini lawa a ma tswale ngopfu. Mina HOSI, Xikwembu xa Israele, ndzi vurisa sweswo.”

Esaya 24:13

Matiko hinkwawo lama nga kona emisaveni ma ta sarisa sweswo, swi fana ni loko va hetile ku kha mihandzu hinkwayo ya mitlhwari, kumbe enkarhini wo khwaja mihandzu ya vhinya.

Yeremiya 49:9

Loko ku tshuka ku ta vatshoveri emasin'wini ya n'wina, a va nga siyi makhwajo ke? Ni loko mi ngheneriwa hi makhamba, xana a ma nga teki ntsena leswi ma swi lavaka xana?

Yeremiya 50:23

Tiko ra Babilona khale a ri faya misava hinkwayo onge i hamula, kambe langutani, ri tshovekile, ku fayiwile rona! Namuntlha ri hundzukile rhumbi lero chavisa, emahlweni ka matiko hinkwawo ya misava.

Yeremiya 6:9

HOSI ya matimba hinkwawo yi vurisa sweswo yi ri: “Khwajani masalela ya Vaisraele mi va hlengeleta, mi fana ni vatshoveri loko va phendla-phendla marhavi, va nga siyi nchumu emirhini ya vhinya.”

Swirilo 1:1

Yóò, xivundza lexi nga ni muti lowu, wona lowu khale a wu tele hi vanhu! Muti lowu a wu ri wukulu eka tinxaka hinkwato, sweswi wu hundzukile, wu fana ni noni; wona lowu a wu dumile ematikweni, namuntlha wu endliwe hlonga.

Obadiya 1:9

Tinhenha ta wena, we muti wa Temana, ti ta rhurhumela hi ku chava, kutani vavanuna hinkwavo va le Edomu va ta dlayiwa.”

Mikiya 7:1

Ndzi le khombyeni minoo! Ndzi fana ni munhu wa ndlala loyi a lavaka mihandzu entangeni kumbe emasin'wini ya vhinya, loko va tshoverile, va tlhela va khwaja, kutani a kuma leswaku mihandzu hinkwayo ya vhinya ni matatana lawa a a ma navela ngopfu, swi khiwile swi hela.

Sofoniya 2:15

Lowu i muti lowu a wu tikurisa ngopfu, wu titwa wu hlayisekile; vaaki va wona a va hamba va ku: “Hina hi hina, a ku na van'wana!” Kambe sweswi wu hundzukile rhumbi ro chavisa, ni kaya ra swiharhi swa nhova; hinkwavo lava hundzaka hi ndlela, va wu hlekula, va hlakahla tinhloko.

Duteronoma 24:21

Loko mi tshoverile masimu ya n'wina ya vhinya, mi nga tlheli mi ya khwaja, siyelani valuveri, ni lava pfumalaka vatswari, ni tinoni.

Nhlavutelo 18:10

Ti ta yimela kule hi ku chava maxangu ya yena, ti ku: “Yo! Yo! Wena muti lowukulu, wena Babilona muti wa matimba, ku avanyisiwa ku ku fikele hi nkarhinyana ntsena.”