Obadiya 1:21 - BIBELE Mahungu Lamanene

²¹ Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.

Xitsonga (Bibele)

²¹ Vaponisi va ta tlhandlukela entshaveni ya Siyoni ku ya avanyisa Mhaka ya Esawu; kutani ku fuma ku ta va ka Yehovha.

Obadiya 1:21 Iomraidhean Croise

Genesa 25:23

Xona xi hlamula xi ku: “Ku ni matiko mambirhi ekhwirini ra wena: U ta veleka vanhu vambirhi, lava nga ta ka va nga twanani; un'wana ú ta tlula loyi un'wana hi matimba; lonkulu ú ta va nandza wa lontsongo.”

2 TIHOSI 13:5

Hikokwalaho, HOSI Xikwembu xi rhumela Vaisraele munhu loyi a va lamulelaka. Vaisraele va ntshunxiwa eka Vasiriya, kutani va tshama hi ku rhula emakaya ya vona, ku fana ni khale.

Nehemiya 9:27

Kutani wena u va nyiketile emavokweni ya valala va vona va va xanisa. Loko va ri eku xanisekeni, va huwelerile eka wena, kutani wena u twile xirilo xa vona u ri etilweni. Hikwalaho ka tintswalo ta wena letikulu u va rhumerile valamuleri, va va ponisa emavokweni ya valala va vona.

Pisalema 102:15

Vanhu va matiko hinkwawo va ta chava vito ra HOSI, tihosi hinkwato ta misava ti ta xixima ku dzuneka ka yona,

Pisalema 22:28

Vuhosi hinkwabyo i bya xona, hi xona xi fumaka vanhu hinkwavo.

Pisalema 22:29

Vanhu hinkwavo va misava lava tikurisaka, va ta tsongahatiwa emahlweni ka N'wini wa hinkwaswo. Hinkwavo lava faka va ta n'wi nkhinsamela, va nga lava hlulekeke ku hlayisa vutomi bya vona.

Pisalema 47:7

hikuva hi yena la fumaka misava hinkwayo; hikokwalaho, n'wi dzuniseni hi tipisalema!

Pisalema 67:4

Matiko a ma tsake ma ba nkulungwana, hikuva u ma fuma hi ku lulama, hi wena u fambisaka vanhu laha misaveni.

Esaya 19:20

Swilo leswi swi ta va xikombiso ni vumbhoni bya leswaku HOSI ya matimba hinkwawo yi kona etikweni ra Egipta. Loko Vaegipta va huwelela eka yona hikwalaho ka lava va va xanisaka, yi ta va rhumela mulamuleri loyi a nga ta va sirhelela ni ku va ponisa.

Esaya 24:23

N'weti wu ta hlangana nhloko, dyambu ri ta nyuma, hikuva HOSI ya matimba hinkwawo, hi yona leyi nga ta fuma entshaveni ya Siyoni ni le mutini wa Yerusalema. Yi ta komba ku dzuneka ka yona emahlweni ka vakulukumba.

Daniele 12:3

Varhangeri lava tlhariheke va ta saseka, va vangama ku fana ni tilo; lava kombeke mintshungu ndlela ya leswo lulama, va ta vangama kukota tinyeleti minkarhi hinkwayo.

Daniele 2:35

Hiloko nsimbhi ni vumba ni koporo ni silivhere ni nsuku swi fayekela hinkwaswo, swi sileka swi sala swi fana ni mungu exivuyeni; kutani moya wu swi hahisa, swi nyamalala. Kambe ribye leri beke xifaniso, ri kula ri hundzuka ntshava, ri khubumeta misava hinkwayo.

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Daniele 7:14

Kutani a nyikiwa vuhosi ni ku dzuneka ni matimba, leswaku vanhu va tinxaka hinkwato lava vulavulaka tindzimi to hambana-hambana va n'wi tirhela; vuhosi bya yena byi ta va kona hilaha ku nga heriki, ku fuma ka yena a ku nga herisiwi hi munhu.”

Daniele 7:27

Matiko hinkwawo ni vukosi bya wona lebyo dzuneka swi ta nyikiwa vahlawuriwa va Loyi a nga henhla-henhla; ku fuma ka vona ku nga ka ku nga heli, matiko hinkwawo ma ta va nkhinsamela ni ku va tirhela.’

Yuwele 2:32

Enkarhini wolowo, un'wana ni un'wana la nga ta huwelela eka mina, ú ta ponisiwa. Entshaveni ya Siyoni ni le mutini wa Yerusalema, va kona lava nga ta pona, hilaha ndzi vuleke hakona mina HOSI. Kutani eka lava nga ta sala, ndzi ta hlawula van'wana.”

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Matewu 6:10

a ku te ku fuma ka wena; ku rhandza ka wena a ku endliwe misaveni, tanihi loko ku endliwa tilweni.

Matewu 6:13

u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Luka 22:30

eMfun'weni wa mina, mi ta dya ni ku nwa mi ri na mina, kutani mi ta tshama eswiluvelweni, mi avanyisa tinyimba ta Israele leta 12.”

1 Timotiya 4:16

Tikambisise hi wexe, ni dyondzo leyi u yi dyondzisaka. Tiya eka swona, hikuva loko u endlisa sweswo, u ta tiponisa ni ku ponisa vayingisi va wena.

Yakobo 5:20

tsundzukani leswi: Un'wana ni un'wana la vuyiselaka endleleni mudyohi loyi a a lahlekile, ú ta ponisa moya wa munhu loyi eku feni, kutani ú ta funengeta swidyoho leswo tala.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Nhlavutelo 19:6

Kutani ndzi twa leswi fanaka ni rito ra ntshungu lowukulu kumbe mpfumawulo wa mati layo tala, swi fana ni mpfumawulo wa ku baleka lokukulu ka tilo, swi ku: “Aleluya! Ku fuma i ka Hosi, Xikwembu xa hina lexi nga ni matimba hinkwawo.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

Vaavanyisi 2:16

HOSI Xikwembu xi humesela Vaisraele vaavanyisi, kutani va lamulela Vaisraele emavokweni ya lava a va va hlasela.

Vaavanyisi 3:9

Kambe loko Vaisraele va huwelela eka HOSI Xikwembu, xona xi va humesela wanuna loyi a va poniseke, a nga Otiniele n'wana wa ndzisana ya Kalebe loyi a va ku i Kenazi.