Obadiya 1:18 - BIBELE Mahungu Lamanene

¹⁸ Va ka Yakobo ni va ka Yosefa va ta fana ni ndzilo, ni malangavi ya wona: Va ta hisa va ka Esawu va tshwa va hela kukota mavivi; eka va ka Esawu, a ku nga poni na un'we, ndzi vurisa sweswo, mina HOSI.”

Xitsonga (Bibele)

¹⁸ Yindlu ya Yakobo yi ta va ndzilo, yindlu ya Yosefa yi va langavi; yona yindlu ya Esawu yi va malakarhi; va ta yi hisa, va yi lovisa, ku nga ka ku nga poni nchumu eka yindlu ya Esawu, hikuva Yehovha u vurisile.

Obadiya 1:18 Iomraidhean Croise

2 SAMIELE 19:20

Mina nandza wa wena, ndza swi tiva leswaku ndzi dyohile; hikokwalaho, vona, eka ndyangu wa va ka Yosefa hinkwawo, hi mina ndzi nga wo rhanga ku rhelela ndzi ta ku ku hlanganisa namuntlha, wena hosi n'wini wanga.”

Eksoda 5:12

Kutani Vaisraele va hangalaka na tiko ra Egipta, va famba va hlengeleta byanyi bya mavivi, hi ku pfumala tlhongwe.

Esaya 10:17

Loyi a nga ku vonakala ka Vaisraele ú ta hundzuka ndzilo, Muhlawuleki wa vona ú ta va langavi leri nga ta hisa mitwa ni swigatlu swa Vaasiriya, swi hela hi siku rin'we.

Esaya 31:9

Hosi ya vona leyi a yi fana ni ribye hi ku tiya, yi ta baleka, ni tindhuna ta yona ti ta cukumeta mijeko, ti suka ti tsutsuma hi ku chava. HOSI Xikwembu xi vurisa sweswo; ndzilo wa xona wu pfurha entshaveni ya Siyoni, wu tshiveriwile emutini wa Yerusalema.

Esaya 47:14

“Vanhu lava va ta fana ni mavivi, va ta tshwa hi ndzilo, va hela! Va ta tsandzeka ni ku tiponisa emalangavini lama pfurhaka hi matimba. Lowu a hi wona ndzilo wo tinyawusa eka wona, ni ku orheka a wu orheki!

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.

Esaya 9:18

Lavo homboloka va le ku pfurheni, ku fana ni mitwa ni swigatlu leswi herisiwaka hi ndzilo; va kota xihlahla xo tlhuma lexi tshwaka, musi wu tuvika wu ya henhla.

Esaya 9:19

Vukari bya HOSI ya matimba hinkwawo byi le ku hiseni ka tiko, vanhu va fana ni tihunyi leti hlanganyetiwaka! A ku na munhu la tsetselelaka makwavo,

Yeremiya 11:23

Lembe leri ndzi nga ta ba vanhu va le Anatoto ha rona, ndzi ta va vangela makhombo, va hela hinkwavo ku nga sali na un'we!”

Ezekiele 37:16

“We Ezekiele, teka tinhonga timbirhi, kutani eka leyo rhanga, u tsala leswi: ‘Yuda ni Vaisraele lava twananaka na yena.’ Eka leya vumbirhi, tsala u ku: ‘Yosefa ni Vaisraele hinkwavo lava twananaka na yena (va nga va ka Efrayimi).’

Ezekiele 37:19

va tivise leswaku mina HOSI N'wini wa hinkwaswo ndzi ri: Ndzi le kusuhi ni ku teka nhonga ya Yosefa (leyi nga vokweni ra va ka Efrayimi) ni Vaisraele lava twananaka na yena, ndzi yi hlanganisa ni nhonga ya Yuda, leswaku ti endla nhonga yin'we evokweni ra mina.

Yuwele 2:5

Loko va tlula-tlula etinhlohlorhini ta tintshava, va ni huwa yo fana ni ya makalichi, ni ya ku baleka ka tinhlahle ta ndzilo lowu hisaka byanyi bya tlhongwe; va fana ni vuthu ra matimba leri nga jamela ku lwa nyimpi.

Amosi 1:8

Ndzi ta lovisa vaaki va muti wa Axidodo ni loyi a fumaka muti wa Axikeloni. Ndzi ta ba muti wa Ekroni, ni masalela ya Vafilista ma ta herisiwa.” HOSI N'wini wa hinkwaswo ú vula sweswo.

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Amosi 6:6

mi nwa vhinyo hi minkambana, mi tola mafurha ya nxavo wa le henhla, kambe ku wa ka muti wa Yosefa, a swi mi khumbi timbilu!

Obadiya 1:16

Leswi vanhu va mina va swi nweke kwale ntshaveni ya mina leyo hlawuleka, vanhu va matiko hinkwawo va ta swi nwa minkarhi hinkwayo, va ta nwa va kondza va heta, va heriseriwa makumu.”

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Zakariya 12:6

“Hi siku rero, varhangeri va ka Yuda ndzi ta va endla ndzilo lowu pfurhaka exihlahleni; va ta fana ni langavi leri vuvumelaka etinhlangeni, kutani va ta herisa tinxaka hinkwato leti ti va rhendzeleke hi matlhelo hinkwawo. Kambe loko wu ri muti wa Yerusalema, wona wu ta tshama wu hlayisekile kwala wu nga kona.”

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

1 Vakorinto 3:12

Kambe loko munhu a aka ehenhla ka masungulo walawo hi nsuku, kumbe hi silivhere, hambi ku ri hi maribye ya nxavo wa nkoka, kumbe timhandze, kumbe byanyi, kumbe tinhlanga,