Obadiya 1:17 - BIBELE Mahungu Lamanene

¹⁷ “Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.

Xitsonga (Bibele)

¹⁷ Kambe lava poneke va ta va kona entshaveni ya Siyoni; xi ta va xivandla lexi hlawulekeke, kutani va yindlu ya Yakobo va ta fuma ndzhaka ya vona.

Obadiya 1:17 Iomraidhean Croise

Pisalema 69:35

hikuva Xikwembu xi ta ponisa muti wa Siyoni, xi tlhela xi pfuxa miti ya Yuda, kutani malandza ya xona ma ta tshama kona, ma ta teka tiko ri va ra wona;

Esaya 1:27

Muti wa Siyoni wu ta kutsuriwa loko wu endla leswo lulama ni loko vaaki va wona va tisola, va endla leswi lulameke.

Esaya 4:2

Ri ta ta siku leri ximila xa HOSI xi nga ta hluka, xi saseka ni ku dzuneka; Vaisraele lava nga ta va va ponile, va ta tinyungubyisa, va tidzunisa hi leswi swi mileke etikweni.

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

Esaya 65:9

Va ka Yakobo, ndzi ta va nyika vatukulu; ndzi vula vona va ka Yuda: Va ta tshama etintshaveni ta mina, ti va ta vona; vona vahlawuriwa va mina, va ta nyikiwa tona ti va ta vona, va ta aka eka tona, hikuva i malandza ya mina.

Yeremiya 31:23

HOSI ya matimba hinkwawo Xikwembu xa Israele xi vurisa sweswo xi ri: “Siku ndzi nga ta tlhela ndzi katekisa tiko ra Yuda ni miti ya kona, vaaki va kona va ta tlhela va tirhisa marito lawa ya nge: “ ‘HOSI a yi ku katekise wena muti wa Xikwembu xo lulama, wena ntshava ya Muhlawuleki!’

Yeremiya 44:14

Exikarhi ka masalela ya va ka Yuda lava teke ku ta tshama etikweni ra Egipta, a ku nga poni na un'we! Ku hava loyi a nga ta tlhelela etikweni ra Yuda a ya tshama eka rona, hambileswi va swi navelaka ngopfu. A va nga tlheleri eka rona, ku ta tlhelela ntsena vanhu va nga ri vangani.”

Yeremiya 44:28

Hambiswiritano, exikarhi ka va ka Yuda lava tshamaka etikweni ra Egipta, ku ta pona ntsena va nga ri vangani, va nga dlayiwi hi matlhari; va ta tlhelela etikweni ra vona, kutani masalela ya va ka Yuda lava a va yile va ya tshama etikweni ra Egipta, va ta tiva leswaku i marito ya mani lama tiyeke: Ya mina kumbe ya vona.

Yeremiya 46:28

Ina u nga chavi wena Yakobo nandza wa mina, hikuva ndzi na wena, ku vula mina HOSI. Ndzi ta herisa vamatiko hinkwavo, lava ndzi mi hangalaseke exikarhi ka vona. N'wina, a ndzi nga tshiki ku mi ba, kambe a swi nga tluli mpimo; ndzi nga ka ndzi nga mi herisi.”

Ezekiele 36:12

N'wina tintshava, swi tiveni: Ndzi ta pfumela leswaku vanhu va mina va Israele va famba-famba ehenhla ka n'wina; va ta mi fuma mi va tiko ra vona ra xiviri; laha ka n'wina, Vaisraele a va nga ha feriwi hi vana.

Ezekiele 7:16

Lava poneke ku fa, va ta tsutsuma va ya etintshaveni, va ri karhi va rila hinkwavo kukota matuva ya le minkoveni, hinkwavo va tisola hi leswi va dyoheke.

Daniele 7:18

Kambe vahlawuriwa va Loyi a nga henhla-henhla va ta nyikiwa mfumo wu va wa vona hilaha ku nga heriki.’

Yuwele 2:32

Enkarhini wolowo, un'wana ni un'wana la nga ta huwelela eka mina, ú ta ponisiwa. Entshaveni ya Siyoni ni le mutini wa Yerusalema, va kona lava nga ta pona, hilaha ndzi vuleke hakona mina HOSI. Kutani eka lava nga ta sala, ndzi ta hlawula van'wana.”

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Yuwele 3:5

hikuva mi tekile silivhere ni nsuku wa mina, rifuwo ra mina mi rhwarile, mi ri yisa etindlwini ta n'wina ta vuhosi.

Amosi 9:8

Vonani, mina HOSI N'wini wa hinkwaswo, ndzi vekile tihlo ehenhla ka mfumo lowu wa vadyohi, ndzi ta wu herisa wu nyamalala laha misaveni, kambe vatukulu va Yakobo, ndzi nga ka ndzi nga va heriseli makumu. Ndzi vula sweswo mina HOSI.

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.