Obadiya 1:16 - BIBELE Mahungu Lamanene

¹⁶ Leswi vanhu va mina va swi nweke kwale ntshaveni ya mina leyo hlawuleka, vanhu va matiko hinkwawo va ta swi nwa minkarhi hinkwayo, va ta nwa va kondza va heta, va heriseriwa makumu.”

Xitsonga (Bibele)

¹⁶ Hikuva kukotisa loko mi nwile entshaveni ya mina leyi hlawulekeke, matiko hinkwawo ma ta nwisa sweswo hi masiku; ma ta nwa ma mita, ma va tanihi loko ingi ma nga ri kona.

Obadiya 1:16 Iomraidhean Croise

Esaya 42:14

HOSI Xikwembu xi ri: “Ndzi tikhomile ku ringana, i khale ndzi miyerile, ndzi nga vuli nchumu! Sweswi ndzi ta ba huwa kukota wansati la nga ku tintshunxeni, ndzi ta hefemuteka, ndzi talelwa.

Yeremiya 49:12

HOSI Xikwembu xi ri: “Yingisani! Lava a va nga fanelanga ku nwa vhinyo ya vukari bya mina, va nwile. Xana n'wina va le Edomu mi ta pona eka sweswo ke? E-e, mi nga ka mi nga poni, mi ta fanela ku nwa vhinyo ya kona.

Swirilo 4:21

N'wina va le Edomu lava mi tshameke etikweni ra Usi, mi nga ha tsaka mi hleka, kambe na n'wina mi ta nwisiwa vukari bya HOSI Xikwembu, byi ta mi pyopyisa, mi famba mi nga ambalanga nchumu.

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Habakuku 1:9

Hinkwavo va tela ku ta xanisa vanhu, tinghohe ta vona ti kongoma emahlweni, va vuya ni mahlonga yo ringana sava ra lwandle hi ku tala.

1 Petro 4:17

Hikuva nkarhi wu fikile wa ku avanyisiwa loku nga ta sungula hi va yindlu ya Xikwembu. Kutani, loko ku sungula hi hina, xana makumu ya lava nga yingisiki Evhangeli ya Xikwembu ma ta va layo yini xana?