Obadiya 1:12 - BIBELE Mahungu Lamanene

¹² Naswona a mi nga fanelanga ku tsaka, siku vamakwenu va weleke ekhombyeni; siku va ka Yuda va herisiweke, a mi nga fanelanga ku ba minkulungwana; a mi nga fanelanga ku tibumabuma, loko va ri emaxangwini.

Xitsonga (Bibele)

¹² Kambe wena u nga languti siku ra makwenu, siku ra khombo ra yena u nga tsakeli ku hela ka vana va Yuda hi siku ra ku hela ka vona; u nga ahlamisi nomu wa wena hi ku tikukumuxa hi siku ra ku xanisiwa.

Obadiya 1:12 Iomraidhean Croise

Ntirho 18:20

Evuxeni ni le vupeladyambu va chava loko va n'wi vona, timhaka ta yena ta va rhurhumerisa.

Ntirho 31:29

“Xana ndza tsaka loko valala va mina va herisiwa, kumbe loko va wela emakhombyeni xana?

Pisalema 22:17

Ndzi ondzile, ndzi lo sala timbambu ntsena, valala va ndzi languta hi ku ndzi honokela;

Pisalema 31:18

Vahembi lava vo titshemba ni ku tikukumuxa, lava nga chaviki ku lumbeta munhu wo lulama, va hundzule timbheveve!

Pisalema 35:15

Kambe loko mina ndzi khuguka ndzi wa, va tsaka ngopfu, va hlengeletana, va ta ku ta lwa na mina; va tiendla vanhu vambe lava ndzi nga va tiviki, va tshamela ku ndzi sandza.

Pisalema 37:13

kambe N'wini wa hinkwaswo ú hleka lavo homboloka, hikuva wa swi vona leswaku siku ra ku avanyisiwa ka vona ri le kusuhi.

Pisalema 54:7

U ndzi lamulerile emakhombyeni hinkwawo, a ndza ha chavi loko ndzi vona valala va mina.

Pisalema 59:10

Xikwembu xa mina xa tshembeka, xi ta ta laha ndzi nga kona, xi ta ndzi komba ku hluriwa ka valala va mina.

Pisalema 92:11

Valala va mina, ndzi va langutela hansi; makungu ya lavo biha lava va ndzi hlaselaka, a ndzi ma chavi ni loko ndzi nga ma twa hi tindleve ta mina.

Swivuriso 17:5

Loyi a hlekaka xisiwana, ú le ku sandzeni ka Mutumbuluxi wa xona; munhu loyi a tsakaka loko van'wana va ri ekhombyeni, a nge poni, ú ta biwa.

Esaya 37:24

Hi nomo wa varhumiwa va wena, u sandzile mina N'wini wa hinkwaswo, loko u ri karhi u tidzunisa, u ku: Hi makalichi ya mina layo tala, ndzi khandziyile etinhlohlorhini ta tintshava, emabakweni ya Lebanoni lomu ku nga nghenekiki; ndzi yile ndzi ya tsema mirhi ya kona leyo leha ya kedari, ni mirhi ya kona leyo saseka ya kipresi. Ndzi fikile emakocokocweni ya kona ya le ndzeni, ni le swihlahleni swa kona leswo tlhuma.

Swirilo 2:16

Valala va wena hinkwavo va ku hlekula, va ku bela miloti, va ku mpfhumpfhela, va ri karhi va ku: “Hi n'wi khawurisile! Siku leri i khale hi ri languterile, ri fikile, ha ri vona!”

Swirilo 4:21

N'wina va le Edomu lava mi tshameke etikweni ra Usi, mi nga ha tsaka mi hleka, kambe na n'wina mi ta nwisiwa vukari bya HOSI Xikwembu, byi ta mi pyopyisa, mi famba mi nga ambalanga nchumu.

Ezekiele 35:12

Na n'wina mi ta tiva leswaku hinkwaswo leswi mi swi vuleke loko mi hlekula tintshava ta tiko ra Israele, mina HOSI ndzi swi twile! Mi vurile leswaku tintshava ta kona ti hundzukile mananga, ni leswaku ti nyiketiwile emavokweni ya n'wina leswaku mi ti hlasela.

Ezekiele 35:15

Ndzi ta mi ba, hikuva a mi tsakile loko Vaisraele va ri ekhombyeni; ntshava hinkwayo ya Seyira ni tiko hinkwaro ra Edomu swi ta hundzuka mananga, kutani vanhu va ta tiva leswaku HOSI Xikwembu, hi mina!”

Ezekiele 36:5

Kambe mina HOSI N'wini wa hinkwaswo ndzi ri, ndzi lwa ni vamatiko lava, na vona va le Edomu hinkwavo, ndzi lwa na vona; ndzi va tshinya hi vukari bya mina lebyi pfurhaka, hikuva va titekerile tiko ra mina, va ku i ra vona, va ri karhi va tsaka swinene, va endlela ku kuma madyelo ya rona ya swifuwo ma va ya vona, va sandza ni Vaisraele.

Mikiya 4:11

We Yerusalema, vanhu va matiko layo tala va hlengeletanile va lava ku ku hlasela, va ri: “Muti wa Siyoni wu fanele ku nyamisiwa, hi tikhorisa hi ku vona leswi nga ta humelela!”

Luka 19:41

Kuteloko a fikile kusuhi ni muti, a wu vona, a wu rilela,

Yakobo 3:5

Hi mukhuva wolowo, ririmi i xirho lexitsongo, kambe ri tidzunisa ngopfu hi leswikulu. Vonani hilaha xihlahla lexikulu xi nga hisiwaka hakona hi ndzilonyana lowutsongo!

2 Petro 2:18

Va tlakusa rito ni ku tidzunisa ngopfu hi swilo swa hava; hi ku navela loko biha ka swa manyala swa laha misaveni, va phasa vanhu lava va ha ku ponaka emavokweni ya valahleki.

Yuda 1:16

Lava i vanhu vo tshamela ku ngurangureka ni ku vilela, lava susumetiwaka hi ku navela ka vona loko biha, vanhu va manyunyu lava tikurisaka, lava xisaka van'wana hi ku va bumabumela, kasi va lava ku vuyeriwa.

Nhlavutelo 13:5

Kutani xivandzana xi nyikiwa nomo wo humesa marito yo tikurisa ni yo sandza, xi pfumeleriwa ku tirha ku ringana tin'hweti ta 42.

1 SAMIELE 2:3

Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.