Obadiya 1:10 - BIBELE Mahungu Lamanene

¹⁰ “Leswi mi khomeke vamakwenu va ka Yakobo hi tihanyi letikulu, mi ta khomisiwa tingana, mi heriseriwa makumu.

Xitsonga (Bibele)

¹⁰ Hikwalaho ka ku biha koloko u ku endleke eka makwenu Yakobo, u ta funengetiwa hi tingana, u lovisiwa makumu, hilaha ku nga heriki.

Obadiya 1:10 Iomraidhean Croise

Genesa 27:11

Kambe Yakobo a ku ka Rhaveka mana wakwe: “Vona, makwerhu Esawu i munhu wa ringhala, kasi mina ndzi hava.

Genesa 27:41

Kutani Esawu a sungula ku venga Yakobo hikwalaho ka leswi tata wa yena a n'wi katekiseke. Esawu a vulavula a ri yexe a ku: “Masiku ya ku rila tatana a ma ha ri kule, kutani ndzi ta dlaya lowa makwerhu Yakobo.”

2 TIKRONIKA 28:17

Mhaka hileswaku Vaedomu a va tlhele va ta va ta hlasela va ka Yuda, va khoma van'wana va vona va va yisa evukhumbini.

Pisalema 109:29

Lava va ndzi hehlaka a va khomiwe hi tingana, a va ambexiwe tona ku fana ni xiambalo.

Pisalema 132:18

Valala va yena ndzi ta va khomisa tingana, kutani vuhosi bya yena byi ta kula byi ndlandlamuka.”

Pisalema 137:7

We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Pisalema 69:7

Ndzi tshemba wena ntsena, kambe hi swona swi ndzi vangelaka tingana ni ku rhuketeriwa hi vanhu.

Pisalema 89:45

Masiku ya vuntshwa bya yena u ma hungutile, u n'wi funengeta hi tingana.

Swivuriso 10:6

Minkateko yi wela lowo lulama, kambe ku vulavula ka lovo homboloka ku fihla tihanyi.

Swivuriso 17:5

Loyi a hlekaka xisiwana, ú le ku sandzeni ka Mutumbuluxi wa xona; munhu loyi a tsakaka loko van'wana va ri ekhombyeni, a nge poni, ú ta biwa.

Yeremiya 12:14

HOSI Xikwembu xi vurisa sweswo xi ri: “Vamatiko hinkwavo lava akelaneke ni Vaisraele vanhu va mina, va bihile. Loko vo tshuka va khumba tiko leri ndzi ri nyikeke Vaisraele leswaku ri va ra vona, ndzi ta va hlongola ematikweni ya vona, kutani ndzi kutsula va ka Yuda emavokweni ya vona.

Yeremiya 3:25

A hi korhameni ehansi, hikuva hi ni tingana letikulu, milandzu ya hina ya hi tshikelela. Ku sukela evuhlangini bya hina ku fikela siku ra namuntlha, hina ni vatata wa hina hi dyoherile HOSI Xikwembu xa hina. Leswi HOSI Xikwembu xa hina xi hi byeleke swona, a hi swi yingisanga.”

Yeremiya 49:13

Mina HOSI ndzi tiyisa hi ku hlambanya ndzi ri, muti wa Bosira ntsindza wa n'wina wu ta hundzuka xilo xo chavisa; vanhu va ta wu sandza, va wu hundzula rhumbi ni ku wu rhuketela. Swimitana swa kona hinkwaswo, na swona swi ta va marhumbi, hilaha ku nga heriki!”

Yeremiya 51:51

N'wina a mi ku: ‘Hi ni tingana, hikuva hi tsongahatiwile ngopfu, hi tifihla swikandza, hikuva valala va hi khomise tingana: Vamatiko lava va nghenile eTempeleni, yi nga yindlu leyo hlawuleka ya HOSI Xikwembu.’

Swirilo 4:21

N'wina va le Edomu lava mi tshameke etikweni ra Usi, mi nga ha tsaka mi hleka, kambe na n'wina mi ta nwisiwa vukari bya HOSI Xikwembu, byi ta mi pyopyisa, mi famba mi nga ambalanga nchumu.

Swirilo 4:22

N'wina va le Siyoni, ku biwa ka n'wina ku herile, HOSI Xikwembu a xi nga ha mi yisi evukhumbini. Kasi n'wina va le Edomu, xa ha ta mi bela swidyoho swa n'wina, xi humesela milandzu ya n'wina erivaleni.

Ezekiele 35:9

Tiko ra n'wina ri ta va mananga hilaha ku nga heriki, emitini ya kona a ku nga ha tshami munhu, kutani mi ta tiva leswaku HOSI Xikwembu, hi mina!’

Ezekiele 7:18

Va ta ambala swa nkosi, va khomiwa hi ku rhurhumela; hinkwavo va ta vonaka va ri ni tingana, va byewula tinhloko hi ku rila.

Yuwele 3:19

Tiko ra Egipta ri ta sala ri nga ha pfuni nchumu, ra Edomu ri ta hundzuka mananga lama omeke, hikuva va khomile vanhu va Yuda hi tihanyi, va halata ngati ya vanhu lava nga riki na nandzu, ematikweni ya vona.

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

Mikiya 7:10

Valala va hina va ta swi vona, kutani va ta nyuma, vona lava a va ku: “HOSI Xikwembu xa n'wina xi kwihi xana?” Vanhu lava va ta kandziyeriwa ku fana ni ndzhope emagondzweni, hina hi ta languta kunene.

Duteronoma 23:7

“Mi nga tshuki mi nyenya Vaedomu, hikuva i vamakwenu; hambi va ri Vaegipta, mi nga va nyenyi, hikuva a mi luverile etikweni ra vona.

Duteronoma 23:8

Vatukulu-xinguwe va Vaedomu ni Vaegipta vona va nga nghena exikarhi ka vanhu lava hlengeletaneke emahlweni ka HOSI Xikwembu.