Ntirho 8:2 - BIBELE Mahungu Lamanene

² “Marito ya wena i xidzedze lexi onhaka; u ta vulavurisa sweswo ku fikela rini ke?

Xitsonga (Bibele)

² “Timhaka letonghasi, u ta tivulavula ku yisa kwihi? Ni marito ya nomu wa wena ma ta fana ni moya lowu hungelaka ku fika kwihi?

Ntirho 8:2 Iomraidhean Croise

1 TIHOSI 19:11

Kutani HOSI Xikwembu xi ku: “Huma u ya yima enhlohlorhini ya ntshava, emahlweni ka mina HOSI, hikuva ndzi le kusuhi ni ku hundza.” Kavaloko xidzedze lexikulu xa matimba xi ba tintshava ti pandzeka, xi hirimuxa ni maribye, xi rhangele HOSI Xikwembu. Kambe xona a xi nga ri kona eka xidzedze. Endzhaku ka xidzedze, misava yi tsekatseka, kambe HOSI Xikwembu a xi nga ri kona eku tsekatsekeni loku.

Ntirho 15:2

“Munhu wo tlhariha a nge hlamuli hi vutivi byo vevuka onge swimoyana, a nge tati marito lama hahaka ni moya;

Ntirho 16:3

Mi ri, leswi ndzi swi vulaka a swi heli, i moya ntsena; naswona mi ri, ndzi susumetiwa ha yini ku hlamulana na n'wina ke?

Ntirho 18:2

“We Yobo, u ta tshika rini ku phyaphyarha xana? Tianakanye, hi ta kota ku vulavula na wena.

Ntirho 6:26

Mi ringeta ku kaneta marito ya mina, kambe leswi ndzi swi vulaka eku vavisekeni ka mina a hi matlangwana.

Ntirho 6:9

Xikwembu a xi ndzi kandziye xi ndzi pyanya, a xi ndzi be xi ndzi hetisa:

Ntirho 7:11

“E-e, a ndza ha koti ku miyela, mbilu ya mina ya vava, ndzi vaviseka emoyeni, hikokwalaho ndzi ta vulavula, ndzi phofula.

Ntirho 8:1

Kutani Bilidada wa le Xuwaka a hlamula a ku:

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Eksoda 10:7

Hiloko malandza ya Faro ma ku ka yena: “Xana wanuna loyi ú ta hi vangela makhombo ku fikela rini xana? Pfumela leswaku ku famba vavanuna, va ya gandzela HOSI Xikwembu xa vona. Xana ni sweswi a wu si swi vona leswaku tiko ra Egipta ra lova, xana?”

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Yeremiya 5:13

Leswi vaprofeta va swi vulaka i musi ntsena; a va lerisiwanga hi Xikwembu; leswo biha leswi va swi vulaka a swi vuye hivona!”