Ntirho 4:9 - BIBELE Mahungu Lamanene

⁹ Vukari bya Xikwembu bya va herisa, byi hunga kukota bubutsa, byi va susa.

Xitsonga (Bibele)

⁹ Va lovile hi ku huhuta ka Xikwembu, Va herisiwile hi ku hefemula ka ku kariha ka xona.

Ntirho 4:9 Iomraidhean Croise

2 TIHOSI 19:7

Yingisa: Ndzi ta nghenisa moya wun'wana eka yena: Ú ta twa mahungu-ndlela, kutani ú ta tlhelela etikweni ra yena; naswona ndzi ta vona leswaku a dlawa hi fumu, ekaya ka yena.’ ”

Ntirho 1:19

kutani ku humelela bubutsa lerikulu ri ta hi le mananga, ri wisa makhumbi ya yindlu, yona yi khubumeta vana lava, kutani va fisa sweswo; ku lo pona mina ndzi ku tivisaka timhaka leti.”

Ntirho 15:30

rifu ri nge n'wi sukeli, ndzilo wu ta hisa swihluke swa yena, matluka ya yena ma ta haha hi moya.

Ntirho 40:11

Chulula vukari bya wena, languta vatikurisi hinkwavo, u va tsongahata.

Ntirho 40:13

Hinkwavo, va funyise buwa, u fumba mintsumbu ya vona esirheni.

Pisalema 18:15

Ehansi ka lwandle, ka vonaka, siku u karihelaka valala va wena, we HOSI; masungulo ya misava ma fununguriwa, siku vukari bya wena byi bulukaka.

Eksoda 15:10

Kambe wena, u hungisile moya wa wena, kutani lwandle ri va khubumeta; va ndzondzomerile ku fana ni ntsopfu, exikarhi ka maboboma lama chavisaka.

Eksoda 15:8

“Loko u hefemutekile hi ku kariha, mati ma hlengeletanile, maboboma ma yima ma endla makhumbi, magandlati exikarhi ka lwandle ma tiya.

Esaya 11:4

ú ta avanyisa timhaka ta swisiwana hi ku lulama, ni ta swikamba, ú ta ti tsema hi ndlela leyinene; nomo wa yena wu ta va nhonga yo ba vanhu va misava, loko a hefemula, lavo homboloka va ta fa.

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Esaya 40:7

Byanyi bya oma, ni swiluva swa vuna, loko HOSI yi hungisa moya ehenhla ka swona; hakunene vanhu a va tiyanga, va fana ni byanyi.

2 Vatesalonika 2:8

Kutani hi kona loko munhu lowo homboloka a nga ta humeseriwa erivaleni, kutani Hosi Yesu ú ta n'wi dlaya hi moya lowu humaka enon'weni wa yena, a n'wi lovisa hi ku kwetsima ka yena, siku a taka.

Nhlavutelo 2:16

Hundzuka ke! Loko u nga hundzuki, ndzi ta hatla ndzi ku tela kwaleyo, ndzi ta lwa ni vanhu va kona hi tlhari ra nomo wa mina.